Pizza Saver: పిజ్జాలో చిన్న ప్లాస్టిక్ టేబుల్ ఉంటుంది! ఎందుకో తెలుసా?

పిజ్జా ఆర్టర్ ఇచ్చినప్పుడు.. అందులో చిన్న ప్లాస్టిక్ టేబుల్ ఉంటుంది. చాలా మందికి దాన్ని ఎందుకు ఇస్తారో తెలియదు. కొంత మంది పిల్లలు ఆడుకోవడానికి అనుకుంటే.. మరికొందరు టూత్ పిక్ కోసం అనుకుంటారు.

మనం నిత్యం చూసేవే అయినా.. వాటిని ఎందుకు ఉపయోగిస్తారో చాలా మందికి తెలియదు. కొన్ని చిన్న చిన్న విషయాలే అయినా ఎందుకు అనే ప్రశ్న వచ్చే సరికి చాలా మంది దగ్గర ఆన్సర్ ఉండదు. అలాంటి వాటిలో ఒకటి పిజ్జాలో వచ్చే ప్లాస్టిక్ టేబుల్. మనలో చాలా మంది పిజ్జాలను అమితంగా ఇష్టపడుతారు. నిత్యం వేడి వేడి పిజ్జాలను లాగించేస్తారు. అయితే, పిజ్జా ఆర్డర్  బాక్సులో చిన్న ప్లాస్టిక్ టేబుల్ కనిపిస్తుంటుంది. అది ఎందుకు పెట్టారో తెలియదు.

పిజ్జా టూల్ ఎందుకు పెడతారంటే?

వాస్తవానికి ఈ చిన్న పిజ్జా టేబుల్ ను పిల్లలు ఆడుకోవడానికి ఇస్తారని చాలా మంది భావిస్తారు. మరికొంత మంది పిజ్జా తిన్న తర్వాత టూత్ పిక్ లా ఉపయోగపడుతుందనుకుంటారు. అయితే, ఇందులో ఏమాత్రం వాస్తవం లేదు. పిజ్జాలో ఉండే ప్లాస్టిక్ టూల్ అనేది డెలివరీ సమయంలో అటు ఇటు కదిలి చెడిపోకుండా కాపాడుతుంది. వాస్తవానికి పిజ్జా అనేది కార్టన్ బాక్సుల్లో డెలివరీ చేస్తారు. అయితే, పిజ్జా వేడిగా ఉండటం మూలంగా కార్టన్ బాక్స్ మెత్తబడి, పిజ్జా అట్ట పెట్టెలకు అతుక్కుని చెడిపోయే అవకాశం ఉంటుంది. ఆ ప్రమాదం నుంచి ఈ పిజ్జా టేబుల్ కాపాడుతూ ఉంటుంది.

పిజ్జా రక్షణ కోసమే పిజ్జా సేవర్!

పిజ్జా డెలివరీ తొలినాళ్లలో పిజ్జా టూల్ అనేది ఉండేది కాదు. అయితే, పలు మార్లు పిజ్జా డెలివరీ తీసుకున్న వినియోగదారుల నుంచి ఫిర్యాదులు వచ్చాయి. ఈ నేపథ్యంలో పిజ్జా కంపెనీలు పిజ్జా డెలివరీ సమయంలో చెడిపోకుండా ఉండేలా తగు జాగ్రత్తలు తీసుకోవాలి అనుకున్నారు. అందులో భాగంగానే పిజ్జా టూల్ లేదంటే పిజ్జా టేబుల్ ను రూపొందించారు. ఈ పిజ్జా టూల్ ను పిజ్జా సేవర్ అని కూడా అంటారు. వేడికి కార్టన్ బాక్స్ కుంగి పిజ్జా అతుక్కుపోకుండా కాపాడటమే ఈ పిజ్జా టూల్ ప్రధాన కర్తవ్యం.

1985 నుంచి పిజ్జా టూల్ వినియోగం

1985 నుంచి పిజ్జా డెలివరీ అనేది పిజ్జా టూల్ అమర్చి ఇవ్వడం జరుగుతుంది. అప్పటి నుంచి చాలా వరకు పిజ్జాల విషయంలో ఫిర్యాదులు అనేవి తగ్గాయి. రుచి సహా ఇతర ఫిర్యాదులు ఉన్నా, ఫిజ్జా కార్టన్ బాక్సుకు అత్తుక్కుపోయిందనే ఫిర్యాదులు ఆగిపోయాయి. పిజ్జా డెలివరీ బాయ్స్ తో పాటు కంపెనీలకు కూడా పెద్ద రిలీఫ్ దొరికిందని చెప్పుకోవచ్చు. కొంత మంది ఈ పిజ్జా సేవర్ ను పిజ్జా ను ముక్కలు చేయడానికి కూడా ఉపయోగిస్తున్నారు. మరికొంత మంది పిజ్జా తిన్నాక టూత్ పిక్ గా ఉపయోగిస్తున్నారు. అయితే, పిజ్జా టూల్ అసలు ఉద్దేశం మాత్రం పిజ్జాను డెలివరీ బాక్స్ కు అతుక్కోకుండా చూడటమే. సో.. ఇకపై మిమ్మల్ని ఎరైనా ఎందుకు పిజ్జాలో ప్లాస్టిక్ టూల్ పెడతారు? అని అడిగితే ఇదీ విషయం అని చెప్పండి!