Alcohol mouthwash : మనలో చాలా మంది మౌత్ వాష్ లను వాడుతుంటారు. మౌత్ వాష్ వల్ల మన నోటి ఆరోగ్యానికి మంచితోపాటు చెడు కూడా జరుగుతుంది. మౌత్ వాష్ మన నోట్లోని చెడు బ్యాక్టీరియాతోపాటు మంచి బ్యాక్టీరియాను కూడా చంపుతుందని తాజా అధ్యయనంలో తేలింది. అంతేకాదు ఆరోగ్యకరమైన సూక్ష్యజీవులపై ప్రతికూల ప్రభావం చూపుతుందని వెల్లడించింది. అసలు మౌత్ వాష్ లు ఉపయోగించడం మంచిదా ? కాదా తెలుసుకుందాం.
మౌత్ వాష్ అనేది నోటికి శుభ్రంగా ఉంచుతుంది. అలాగే చల్లని అనుభూతి ఇస్తుంది. మౌత్ వాష్ నోటిని పరిశ్రుభ్రంగా ఉంచుతుంది. అలాగే కొన్ని దంత సమస్యల నుంచి కూడా కాపాడుతుంది. ముఖ్యంగా వైరస్ వ్యాప్తితోపాటు మౌత్ వాష్ నోట్లో బ్యాక్టీరియా పేరుకుపోయే ప్రమాదాన్ని తగ్గిస్తుంది. నోట్లో మౌత్ వాష్ వేసుకున్నప్పుడు నోటి మూలాలు, పగుళ్ల మొత్తానికి వెళ్తుంది. టూత్ బ్రష్ లేదా ఫ్లోస్ స్ట్రింగ్ ఈ పనిచేయదు. ఇది ఫలకం, చిగురువాపును కూడా తగ్గిస్తుంది. దంతక్షయం, కుహరాలను నివారించడానికి సహయపడుతుంది. అయితే మౌత్ వాష్ లను వాడటం ఏమాత్రం మంచిది కాదని అధ్యయనం చెబుతోంది. ఎందుకంటే ఆల్కహాల్ ఆధారిత మౌత్ వాష్ లు నోటిలోని సూక్ష్మజీవులపై ప్రతికూల ప్రభావాలను చూపుతాయని వెల్లడించింది. నోటిలో ఉంటే బ్యాక్టీరియా పీరియాంటల్ వ్యాధులు, కొన్ని క్యాన్సర్ ప్రమాదాలను పెంచుతాయని అధ్యయనం చెబుతోంది.
మెడికల్ మైక్రోబయాలజీ జర్నల్‌లో ప్రచురించిన..ఈ పరిశోధనలో లైంగిక సంబంధం కలిగి ఉండే పురుషులు, లైంగికంగా సంక్రమించే వ్యాధుల వ్యాప్తిని తగ్గించడానికి మౌత్ వాష్‌ను క్రమం తప్పకుండా ఉపయోగిస్తారని తెలిపింది. ప్రతిరోజూ మూడు నెలల పాటు ఆల్కహాల్ ఆధారిత మౌత్‌వాష్‌ను ఉపయోగించడం వల్ల వీరి నోటిలో ఫ్యూసోబాక్టీరియం న్యూక్లియేటం, స్ట్రెప్టోకోకస్ ఆంజినోసస్ అనే రెండు రకాల బ్యాక్టీరియా పెరిగిందని బెల్జియంలోని యాంట్‌వెర్ప్‌లోని ఇన్స్టిట్యూట్ ఆఫ్ ట్రాపికల్ మెడిసిన్ బృందం తెలిపింది. ఈ రెండు బాక్టీరియా చిగుళ్ల వ్యాధి, అన్నవాహిక, కొలొరెక్టల్ క్యాన్సర్ల ప్రమాదాన్ని పెంచుతుందని తెలిపారు. ఆక్టినోబాక్టీరియా అనే బ్యాక్టీరియా సమూహంలో తగ్గుదలని కూడా పరిశోధకులు గమనించారు. ఇది రక్తపోటును నియంత్రించడంలో కీలకమైనది.
ఆల్కహాల్ ఆధారిత మౌత్ వాష్‌లు విస్తృతంగా అందుబాటులో ఉన్నాయి. నోటి దుర్వాసనను పరిష్కరించడానికి లేదా పీరియాంటైటిస్‌ను నివారించడానికి చాలా మంది ప్రతిరోజూ వాటిని ఉపయోగిస్తారు. అయితే మౌత్ వాష్ వాడటం వల్ల వచ్చే ప్రమాదం గురించి వారు తెలుసుకోవాలి. మౌత్ వాష్ లను దీర్ఘకాలికంగా వినియోగించేవారు వైద్యులను సంప్రదించిన తర్వాతే వాటిని ఉపయోగించాలని సూచిస్తున్నారు.
ఈ విషయం మీకు తెలుసా?
చాలా మౌత్ వాష్ లలో ఆల్కహాల్ ఉంటుంది. ఇలాంటి మౌత్ వాష్ లు అస్సలు మంచివి కావు. ఆల్కహాల్ ఆధారిత మౌత్ వాష్ లు నోట్లో ఉండే లాలాజల ఉత్పత్తి మొత్తాన్ని తగ్గిస్తాయి. దీన్ని ఉపయోగించిన తర్వాత నోరు పొడిగా మారుతుంది. అందుకే అల్కహాల్ లేని మౌత్ వాష్ లనే ఉపయోగించాలని వైద్యులు సిఫార్సు చేస్తున్నారు. కొన్ని మౌత్ వాష్ లలో క్లోర్హెక్సిడిన్ గ్లూకోనేట్ ఉంటుంది. ఇది చిగురువాపు చికిత్సకు ఉపయోగిస్తారు. ఇది కొన్ని సార్లు దంతాలపై మచ్చలకు కారణం అవుతుంది. కాబట్టి ఇలాంటి వాటిని ఉపయోగించకపోవడమే బెటర్.
Also read : Anger Management Tips: కోపాన్ని కంట్రోల్ చేసుకోలేకపోతున్నారా? ఇదిగో ఇలా చేస్తే.. కూల్ కూల్.. సూపర్ కూల్!
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.