Isha Foundation : హైదరాబాద్ టూ ఈషా ఫౌండేషన్​ రౌండ్ ట్రిప్ డిటైల్స్.. బడ్జెట్ కేవలం రూ.3,500 మాత్రమే

Budget Friendly Trip to Isha Foundation : ఈషా ఫౌండేషన్​కి వెళ్లాలని చాలామంది అనుకుంటారు. తక్కువ ఖర్చుతో హైదరాబాద్​ నుంచి వెళ్లి తిరిగి రాగలిగే బడ్జెట్ ఫ్రెండ్లీ ట్రిప్ డిటైల్స్ ఇప్పుడు చూసేద్దాం.  

Hyderabad to Isha Foundation Budget Trip : శివయ్యను ఆరాధించేవాళ్లు.. సద్గురును అభిమానించేవాళ్లు కచ్చితంగా వెళ్లాలనుకునే ప్రాంతాల్లో ఈషా ఫౌండేషన్ ఒకటి. కోయంబత్తూరులోని ఈ ప్రాంతానికి ప్రపంచనలుమూలల నుంచి భక్తులు వెళ్తూ ఉంటారు. మీరు కూడా హైదరాబాద్ నుంచి ఈషా ఫౌండేషన్​ను విజిట్ చేయడానికి వెళ్లాలనుకుంటున్నారా? అయితే తక్కువ బడ్జెట్​లో రౌండ్ ట్రిప్ ఎలా వేయొచ్చో ఇప్పుడు తెలుసుకుందాం. 

హైదరాబాద్ టూ కోయంబత్తూర్

హైదరాబాద్ నుంచి కోయంబత్తూరుకి రోజూ ట్రైన్ ఉంటుంది. సబరి ఎక్స్​ప్రెస్ (17230). ఈ ట్రైన్​కి స్లీపర్ క్లాస్ టికెట్ తీసుకుంటే రూ.525 పడుతుంది. హైదరాబాద్​లో మధ్యాహ్నం 12.20కి ఎక్కితే.. మీరు తర్వాతి రోజు ఉదయం 7.57కి కోయంబత్తూర్​లో దిగుతారు. 

స్టేయింగ్

కోయంబత్తూర్​లో స్టేయింగ్ ఆప్షన్స్ చాలా ఉంటాయి. వాటి ధర రూ.700 నుంచి మొదలవుతాయి. మీరు ఈషాలోనే స్టే చేయాలనుకుంటే రూ. 990తో రూమ్ బుక్ చేసుకోవచ్చు. ఇద్దరు దానిలో స్టే చేయవచ్చు. బ్రంచ్, డిన్నర్​ ఉచితంగా అందిస్తారు. ఒకవేళ మీరు కోయంబత్తూర్​లో స్టేయింగ్ తీసుకుంటే.. అక్కడి నుంచి గాంధీపురం బస్​ స్టాప్​కి వెళ్లాలి. అక్కడి నుంచి మీరు ఈషా ఫౌండేషన్​కి బస్​లో వెళ్లొచ్చు. ఉదయం 5.30 నుంచి రాత్రి 8 వరకు బస్​లు అందుబాటులో ఉంటాయి. వీటి టికెట్ ధర రూ.40. మీరు ఇవే బస్​లలో రిటర్న్ కూడా అయిపోవచ్చు. 

ఉదయాన్నే ఈషాకి వెళ్లిపోతే.. రోజంతా అక్కడ ప్రశాంతంగా టైమ్​ని స్పెండ్ చేయవచ్చు. రెండ్రోజులు ఫుడ్​కి రూ.1000 అయ్యే అవకాశముంది. మీరు తీసుకునే ఫుడ్ ఐటమ్స్​ని బట్టి, తినేవాటిని బట్టి ఈ ఖర్చు మారుతుంది. రాత్రి రూమ్​కి వెళ్లి మార్నింగ్ చెక్​ అవుట్ చేసేయాలి. 

సిరువాణి వాటర్ ఫాల్స్

మీకు వీలుంటే రూమ్​ని త్వరగా చెక్​ అవుట్ చేసేసి దగ్గర్లో ఉండే సిరువాణి వాటర్​ ఫాల్స్​ని విజిట్ చేయవచ్చు. ఉదయం అక్కడ టైమ్ స్పెండ్ చేసి.. మధ్యాహ్నం కోయంబత్తూరు స్టేషన్​కి వెళ్లిపోవచ్చు. చూసేందుకు ప్రశాంతంగా ఉండే ఈ ప్రాంతం ఫోటోలకు కూడా అనువైన ప్రదేశం.

రిటర్న్ జర్నీ

కోయంబత్తూరు టూ హైదరాబాద్ ట్రైన్ జర్నీ చేయవచ్చు. ప్రతిరోజూ సబరి ఎక్స్​ప్రెస్​ (17229) అందుబాటులో ఉంటుంది. మీరు సాయంత్రం 3.55కి ఎక్కితే.. హైదరాబాద్​లో మధ్యాహ్నం 12.30కి దిగుతారు. దీని టికెట్ ధర కూడా రూ.525.

రెండ్రోజులు, ఒక నైట్​కి మాత్రమే ఈ బడ్జెట్. మీరు ఎక్కువ రోజులు ఉండాలనుకుంటే ఖర్చులో మార్పులు ఉంటాయి. మీకు బడ్జెట్ విషయంలో ఎలాంటి ప్రాబ్లమ్ లేదు అనుకుంటే 3rd AC టికెట్స్​ బుక్ చేసుకోవచ్చు. ఇది మీకు కంఫర్ట్​ని ఇస్తుంది.