Food Combinations to Avoid : కొన్ని ఫుడ్స్ని కలిపి తినడం వల్ల ఆరోగ్యానికి ఇబ్బందులు తప్పవంటున్నారు. రెండూ హెల్తీ ఫుడ్సే అయినా.. వాటిని కలిపి తినడం వల్ల శరీరంలో కొన్ని ప్రాబ్లమ్స్ వస్తాయట. అయితే ఎలాంటి కాంబినేషన్స్ తింటే హెల్త్పై ఎలాంటి ప్రభావం పడుతుందో? ఏ ఫుడ్స్ కలిపి తీసుకోకూడదో.. వాటికి ఆల్ట్రనేటివ్గా ఏమి తీసుకోవాలో ఇప్పుడు తెలుసుకుందాం.
ఈ కాంబినేషన్స్ జోలికి వద్దు..
సిట్రస్ ఫ్రూట్స్, పాలు : సిట్రస్ ఫ్రూట్స్ని పాలు కలిపి తీసుకోకూడదట. అంటే నిమ్మకాయలు, ఆరెంజ్, ద్రాక్షలు వంటి సిట్రస్ పండ్లను పాలతో కలిపి తీసుకోకూడదట. ఇవి జీర్ణసమస్యలను పెంచుతాయని, ఎసిడిటీని పెంచుతాయట. కాబట్టి సిట్రస్ ఫ్రూట్స్ తీసుకుంటున్నప్పుడు పాలను, వాటికి సంబంధించిన ఉత్పత్తులు తీసుకోకపోవడమే మంచిదంటున్నారు.
బీన్స్, క్యాబేజి : బీన్స్, క్యాబేజి కలిపి తింటే.. గ్యాస్, కడుపు ఉబ్బరం, కడుపులో ఇబ్బంది కలుగుతాయట. వీటిలోని సల్ఫరో కంపౌండ్స్ జీర్ణ సమస్యలు పెంచుతాయట.
టోమాటోలు, స్టార్చ్ ఫుడ్స్ : టోమాటోలు బ్రెడ్, పాస్త, రైస్తో కలిపి తీసుకుంటే.. శరీరంలో ఇన్సులిన్ పెరుగుతుందట. కాబట్టి మధుమేహ సమస్యలతో ఇబ్బంది పడేవారు వీటికి దూరంగా ఉంటే మంచిది.
పాలు, అరటిపండ్లు : చాలామంది పాలు, అరటిపండ్లు కలిపి తీసుకుంటారు కానీ ఈ కాంబినేషన్ అంత మంచిది కాదట. ఇది జీర్ణ సమస్యల్ని పెంచుతుందట. పాలల్లోని లాక్టోస్, అరటిపండ్లలోని స్ట్రాచ్స్ కలిపి కడుపులో ఇబ్బందిని కలిగిస్తాయట.
పులియబెట్టిన ఆహారాలు, షుగర్ డ్రింక్స్ : సాధారణంగానే షుగర్ డ్రింక్స్ ఆరోగ్యానికి అంతమంచివి కావు. అలాగే ఫెర్మెంట్ చేసినవి కొన్ని ఆరోగ్యానికి మేలు చేస్తాయి. కానీ షుగర్ డ్రింక్స్తో కలిపి తీసుకోవద్దని చెప్తున్నారు. ఇది గట్ బ్యాక్టీరియాను, జీర్ణ సమస్యలను పెంచుతుంది.
ఫ్యాట్ ఫుడ్స్, పచ్చి కూరగాయలు : ఫ్రై చేసిన, సాస్లలో ఉండే హై ఫ్యాట్ ఫుడ్స్ను పచ్చి కూరగాయలతో కలిపి తీసుకుంటే మంచిది కాదు. ఇలా కలిపి తీసుకుంటే శరీరానికి అందాల్సిన న్యూట్రెంట్స్ సరిగ్గా అందవట.
మీరు సిట్రస్ ఫ్రూట్స్ తీసుకోవాలనుకుంటే.. నట్స్, సీడ్స్తో కలిపి హెల్తీ స్నాక్గా తీసుకోవచ్చు. బీన్స్ని రైస్, క్వినోవాతో కలిపి తీసుకుంటే గ్యాస్ సమస్యలు తగ్గుతాయి. టోస్ట్ను అవకాడో, గుడ్లతో కలిపి బ్రేక్ఫాస్ట్గా తీసుకోవచ్చు. టోమాటోలను చికెన్, చేపలతో కలిపి బ్యాలెన్స్డ్ మీల్గా తీసుకోవచ్చు. అరటిపండ్లు, బాదం బట్టర్, పీనట్ బట్టర్తో కలిపి తీసుకోవచ్చు.
ప్రతి ఒక్కరి శరీరం ఒక్కోలా బిహేవ్ చేస్తుంది కాబట్టి.. మీ బాడీకి ఏమి పడుతున్నాయో లేదో కచ్చితంగా తెలుసుకోవాలి. దానికి తగ్గట్లు డైట్ ప్లాన్ చేసుకుంటే ఆరోగ్యానికి మంచి జరుగుతుంది.
Also Read : ఈ ఫుడ్స్ తింటూ కొవ్వును ఈజీగా తగ్గించుకోవచ్చు తెలుసా? లిస్ట్ ఇదే
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.