Heart Health: చామదుంపలో ఉండే ఈ గుణం గుండె జబ్బులు రాకుండా అడ్డుకుంటుంది

చామదుంపని తినరా? జిగటగా ఉంటుందని పక్కన పెడుతున్నారా? అయితే మీ గుండెకు రక్షణ ఎలా?

చామదుంపను చాలామంది పక్కన పడేస్తారు. తినడానికి ఇష్టపడరు. కానీ దాని వల్ల ఎన్ని లాభాలో తెలుసా? గుండె జబ్బులను అడ్డుకునే శక్తి చామ దుంపలో ఉంది. చామదుంపని చాలా మంది తినడానికి ఇష్టపడరు కారణం అవి చేతికి జిగటగా తగులుతాయి. అందుకే దాన్ని తినడానికి ఇష్టపడరు. కానీ రూట్ వెజిటబుల్‌లో ఎన్నో పోషకాలు ఉన్నాయి. ఇది కూడా ఒక సాధారణ కూరగాయే.  బీరకాయ, సొరకాయ ఎలా వండుకుంటారో అలా వండుకుని తినవచ్చు. 

ఈసమస్యలు దూరం
ఈ దుంపలో రెసిస్టెంట్ స్టార్చ్ అధికంగా ఉంటుంది. దీన్ని తినడం వల్ల మధుమేహులకు చాలా మేలు జరుగుతుుంది. ఇన్సులిన్ స్థాయిలను బాగా నియంత్రిస్తుంది. దీనిలో ఫైబర్, యాంటీ ఆక్సిడెంట్లు, పొటాషియం, విటమిన్, ఇ విటమిన్, మెగ్నిషియం నిండి ఉంటుంది. ఈ పోషకాలను కలిగి ఉన్న చామ దుంపను తరచూ తినడం వల్ల అనేక రకాల క్యాన్సర్లు వచ్చే ప్రమాదం తగ్గుతుంది. అలాగే మధుమేహం కంట్రోల్ లో ఉంటుంది. అలాగే బరువు తగ్గేందుకూ ఇది ఉపయోగపడుతుంది. అధిక బరువు ఉన్న వారు తరచూ చామదుంపని తినడం వల్ల త్వరగా బరువు తగ్గుతారు. ఇది తిన్నాక ఎక్కువ సేపు ఆకలి వేయదు. 

వెజిటేరియన్లకు ఈ దుంప వరమనే చెప్పాలి. యాంటీ ఆక్సిడెంట్లు, విటమిన్లు, యాంటీ ఇన్ఫ్లమేటరీ గుణాలు పుష్కలంగా ఉంటాయి. కంటిచూపు మెరుగు పరుస్తుంది. కంటి కణాల క్షీణతను తగ్గిస్తుంది. అంతేకాదు ఇందులో ఉండే యాంటీ ఆక్సిడెంట్లు కణాల పునరుత్తికి సహాయపడతాయి. 

గుండెకు రక్షణ
ఈ దుంపలో ఉండే విటమిన్ ఇ, డైటరీ ఫైబర్, యాంటీ ఆక్సిడెంట్లు వల్ల గుండె ఆరోగ్యం చాలా మెరుగుపడుతుంది. గుండె పోటు రాకుండా ఉండాలన్నా, గుండె సంబంధిత వ్యాధులు రాకుండా ఉండాలన్న మీ మెనూలో చామదుంపని చేర్చుకోవాలి. దీనిలో జీరో కేలరీలు, జీరో కొవ్వు శాతం ఉంటుంది కాబట్టి చెడు కొలెస్ట్రాల్ శరీరంలో చేరకుండా కాపాడుతుంది. దీనిలో తక్కువ సోడియం కంటెంట్ ఉంటుంది. అధిక రక్తపోటును తగ్గించడంలో సహాయపడతుుంది. ఆకస్మిక గుండె పోటు వచ్చే అవకాశాన్ని తగ్గిస్తుంది. స్ట్రోక్ వచ్చే ప్రమాదాలు తగ్గుతుంది. 
కాబట్టి వారానికోసారైనా చామదుంప వేపుడు, పులుసు చేసుకుని తింటే టేస్టీగా ఉంటుంది. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.