Makar Sankranti Outfits : సంక్రాంతికి ఈ డ్రెస్​లు సెలక్ట్ చేసుకుంటే పండుగంతా మీ దగ్గరే ఉంటుంది

Sankranthi Dresses : పండుగల సమయంలో అమ్మాయిలకు ఉండే అతి పెద్ద పని డ్రెస్​లను ఎంచుకోవడం. ఈ సంక్రాంతికి ట్రెడీషనల్ లుక్​ని ఇలా ట్రెండీగా సెట్ చేసేయండి.

Fashionable Outfits for Women: సంక్రాంతి సమయంలో కోడి పందాలు, పిండి వంటలు, పతంగులతో పాటు.. డ్రెస్​లు కూడా అంతే ఫేమస్. అసలే ఈ పండుగను కొందరు మూడు రోజులు చేసుకుంటారు. భోగి, సంక్రాంతి, కనుమ మూడు రోజులు లేదా ప్రధానమైన పండుగ సంక్రాంతికి మీరు బ్యూటీఫుల్ అవుట్​ఫిట్స్ వేసుకోవచ్చు. అయితే మీరు ట్రెండీ, ట్రెడీషనల్​గా కనిపించేందుకు మీరు ఎలాంటి డ్రెస్​లు ఎంచుకోవాలనే దానిపై మీకు అనుమానం ఉంటే.. ఇది మీకోసమే. 

ఈ కాలంలో ట్రెడీషనల్​ను ట్రెండీతో మిక్స్​ చేయడం ఓ ఫ్యాషన్. ఇవి మీకు కంఫర్ట్​నివ్వడంతో పాటు.. సాంప్రదాయ లుక్​ని మీకు ఇస్తాయి. అయితే అమ్మాయిలు సంక్రాంతి 2024 సమయంలో మీరు ట్రెండీగా, ట్రెడీషనల్​గా కలిసేందుకు మీరు ఎలాంటి డ్రెస్​లు, ఎలాంటి రంగుల్లో ఎంచుకోవచ్చో ఇప్పుడు తెలుసుకుందాం. 

డిజైనర్ లెహంగాలు

లెహంగాలు మీకు ఎంత నిండుదనాన్ని ఇస్తాయో ప్రత్యేకంగా చెప్పాల్సిన అవసరం లేదు. ఒకప్పుడు గాగ్రాలు ఎలాగో.. ఇప్పుడు లెహంగాలు అలాంటివి అనమాట. ఏ పండుగకైనా, ఫ్యామిలీ పార్టీకైనా ఇవి ఇట్టే సెట్​ అయిపోతాయి. మీరు ఈ లెహంగాలను.. లంగా, ఓణిగా కూడా ఉపయోగించుకోవచ్చు. కాబట్టి ఈ సంక్రాంతికి లెహంగాలు పర్​ఫెక్ట్ ఎంపిక. ట్రెండ్​కు తగ్గట్లు లెహంగాలు డిజైన్ చేసుకుని మీ ఔట్​ఫిట్​ లుక్​ డిసైడ్ చేసుకోవచ్చు. ఎరుపు, నీలం, ఆకుపచ్చ, బ్లాక్, మెరూన్ రంగుల మంచి లుక్​ని ఇస్తాయి. 

చీర 

మీరు సంప్రదాయంగా కనిపించాలన్నా.. ట్రెండీగా కనిపించాలన్నా మీ దుస్తుల ఎంపికల్లో చీర మొదటి ఆప్షన్​గా పెట్టుకోవచ్చు. మీరు ఎంచుకునే బ్లౌజ్​ని బట్టి మీరు సంప్రదాయంగా, ట్రెండీగా కూడా కనిపిస్తారు. కాబట్టి మీరు స్లీవ్​ లెస్ బ్లౌజ్ ఎంచుకున్నా, ఫుల్ హ్యాండ్స్​ పెట్టించుకున్నా అవి మీ మొత్తం లుక్​ని మార్చేస్తాయి. మీరు ఎంచుకునే బ్లౌజ్ డిజైన్ బట్టి ఏ కలర్ చీరలైనా ఎంచుకోవచ్చు. పండుగ సమయంలో ఎరుపు, పసుపు, డార్క్ పింక్, గ్రీన్ కలర్ ఎంచుకోవచ్చు.

అనార్కలీ

ఏ పండుగకైనా అనార్కలీ డ్రెస్​లు బాగా సెట్ అవుతాయి. సౌకర్యంగా ఉండాలనుకుంటే మీరు అనార్కలీ డ్రెస్​లు ఎంచుకోవచ్చు. ఈ సమయంలో మీరు గోల్డెన్ కలర్, రెడ్ కలర్ అనార్కలీ డ్రెస్​లు ఎంచుకోవచ్చు. మీ లుక్​ని మరింత ఎలివేట్ చేసుకునేందుకు బ్రోకేడ్ లేదా బెనారెస్ దుపట్టాలు జత చేసుకోవచ్చు.

షరారా

నార్త్ నుంచి సౌత్​కి వచ్చిన ట్రెడీషనల్​ డ్రెస్​లలో షరారా ఒకటి. డైలీ రోటీన్​ నుంచి.. ప్రత్యేక రోజుల వరకు ఇది ట్రెండీ, ట్రెడీషనల్ లుక్​ను తీసుకువస్తుంది. అంతేకాకుండా రెట్రో వైబ్స్ ఇస్తుంది. డీప్​ హ్యూడ్​ షరారా సెట్​లు ట్రెండ్​కి తగ్గట్లు ఉంటాయి. బోట్​ నెక్​లు, డీప్​ కట్​ ఆర్మ్ హోల్స్, షార్ట్ కుర్తాలు, భారీ ఫ్లేర్స్ ఫెస్టివ్ లుక్​ అందిస్తాయి.

పలాజో సెట్​లు..

పండుగ సమయంలో ఎలాంటి హంగులు లేకుండా.. సింపుల్​గా, అందంగా కనిపించాలంటే మీరు పలాజో సెట్​లు ఎంచుకోవచ్చు. ఆధునిక స్లిమ్ స్ట్రాప్స్, సున్నితమైన నెక్​లైన్ కలిగిన డ్రెస్​లు మీకు మంచిగా సెట్​ అవుతాయి. మల్టీ కలర్, గ్రీన్, రెడ్, పింక్ కలర్ డ్రెస్​లు బాగా సెట్ అవుతాయి.