UGC NET 2022 Notification Released: పోస్ట్ గ్రాడ్యుయేషన్ పూర్తిచేసిన విద్యార్థులు జూనియర్ రీసెర్చ్ ఫెలోషిప్ (Junior Research Fellowship), అసిస్టెంట్‌ ప్రొఫెసర్‌ (Assistant Professor)గా వర్క్ చేయడానికి నిర్వహించే క్వాలిఫికేషన్ ఎంట్రన్స్ యూజీసీ నెట్ 2022 నోటిఫికేషన్ విడుదలైంది. యూనివర్సిటీ గ్రాంట్స్‌ కమిషన్‌ జాతీయ అర్హత పరీక్ష (UGC NET 2022) ప్రకటనను నేషనల్ టెస్టింగ్ ఏజెన్సీ విడుదల చేసింది. ఇందులో క్వాలిఫై అయ్యే అభ్యర్థులు మొత్తం 82 సబ్జెక్టులలో అసిస్టెంట్ ప్రొఫెసర్‌గా వర్క్ చేసేందుకు అర్హత సాధిస్తారు. 


అసిస్టెంట్‌ ప్రొఫెసర్‌, జేఆర్‌ఎఫ్‌కు ప్రతి ఏడాది రెండు సార్లు  ఈ యూజీసీ నెట్‌ నిర్వహించనున్నారు. కరోనా నేపథ్యంలో ఇటీవల ఒకట్రెండు పర్యాయాలు ఆలస్యంగా నిర్వహించారు. తద్వారా డిసెంబర్ 2021, జూన్ 2022 ఎంట్రన్స్‌ను కలిపి ఒకేసారి నిర్వహించనున్నారు.  ఈ మేరకు నేషనల్ టెస్టింగ్ ఏజెన్సీ యూజీసీ నెట్ (UGC NET 2022) నోటిఫికేషన్ విడుదల చేసింది. కంప్యూటర్ ఆధారిత పరీక్ష ఉదయం 9 గంటల నుంచి మధ్యాహ్నం 12  గంటల వరకు, రెండో షిఫ్ట్ మధ్యాహ్నం 3 గంటల నుంచి 6 గంటల వరకు ఉంటుంది. యూజీసీ నెట్ 2022కు అప్లై చేసుకోవడానికి ఇక్కడ క్లిక్ చేయండి 


యూజీసీ అధికారిక వెబ్‌సైట్ కోసం క్లిక్ చేయండి


పరీక్ష ఫీజు వివరాలు..
జనరల్ అభ్యర్థులకు ఫీజు రూ.1,100
జనరల్ ఈడబ్ల్యూఎస్ అభ్యర్తులు, ఓబీసీ నాన్ క్రిమిలేయర్ రూ. 550
ఎస్సీ, ఎస్టీ, పీడబ్ల్యూడీ, థర్డ్ జెండర్ అభ్యర్థులకు ఫీజు రూ.275


ముఖ్యమైన తేదీలు
అప్లికేషన్ ప్రారంభం - ఏప్రిల్ 30, 2022
అప్లికేషన్ చివరి తేదీ - మే 20, 2022 సాయంత్రం 5 గంటల వరకు
ఫీజు చెల్లించేందుకు చివరి తేదీ - మే 20, 2022 రాత్రి 11:50 గంటలు
అప్లికేషన్ ఫారమ్‌లో కరెక్షన్ తేదీలు - మే 21, 2022 నుంచి మే 23, 2022
హాల్ టికెట్ల విడుదల, ఎగ్జామ్ డేట్స్‌పై త్వరలోనే వివరాలు అందించనుంది ఎన్‌టీఏ.


యూజీసీ నెట్ 2022 అప్లికేషన్ ప్రాసెస్ ఇదే (UGC NET 2022 Application Process)



  • మొదట  యూజీసీ అధికారిక వెబ్‌సైట్ సందర్శించాలి

  • హోం పేజీలో కనిపించే యూజీసీ నెట్ డిసెంబర్ 2021, జూన్ 2022 (UGC NET December 2021 & June 2022) లింక్ మీద క్లిక్ చేయండి

  • అభ్యర్థులు న్యూ రిజిస్ట్రేషన్ (New Registration) మీద క్లిక్ చేసి మొదటగా రిజిస్ట్రేషన్ ప్రక్రియ పూర్తి చేసుకోవాలి.

  • రిజిస్టర్ అయిన తరువాత అభ్యర్థులు Application Number, Password ఎంటర్ చేసి, కింద కనిపించే సెక్యూరిటీ పిన్ నమోదు చేసి సైన్ ఇన్ అవ్వాలి. 

  • మీ వివరాలు ఎంటర్ చేసి అప్లికేషన్ ఫారమ్ నింపాలి. ఆపై అభ్యర్థులు క్రెడిట్, డెబిట్ కార్డులు, నెట్ బ్యాంకింగ్, యూపీఐ ఏదైనా విధానంలో ఫీజు చెల్లించాలి


హాల్ టికెట్ వివరాలపైగానీ, పరీక్ష తేదీలపైగానీ యూజీసీ ఎలాంట్ అప్‌డేట్ ఇవ్వలేదు.


Also Read: HPCL Recruitment 2022 : హెచ్‌పీసీఎల్‌ విశాఖ రిఫైనరీలో 186 ఉద్యోగాలు, ఇలా అప్లై చేసేయండి.


Also Read : TS Police Notifications: నిరుద్యోగులకు గుడ్ న్యూస్, తెలంగాణ పోలీస్ శాఖలో మరో రెండు నోటిఫికేషన్లు జారీ