TS Police Notifications: తెలంగాణలో ప్రభుత్వం ఉద్యోగాలకు వరుసగా నోటిఫికేషన్లు జారీ అవుతున్నాయి. తాజాగా మరో రెండు కేటగిరీల్లో పోస్టుల భర్తీకి నోటిఫికేషన్‌ విడుదల అయింది. పోలీసు ఎక్సైజ్, రవాణా విభాగంలో 677 కానిస్టేబుల్ ఉద్యోగాలకు ప్రభుత్వం నోటిఫికేషన్ జారీ చేసింది. దీంట్లో ఎక్సైజ్‌ శాఖలో 614 పోస్టులు, పోలీసు రవాణా విభాగంలో 63 కానిస్టేబుల్‌ పోస్టులు భర్తీ చేయనున్నారు. ఈ పోస్టులకు ఆన్లైన్లో మే 2 నుంచి 20 వరకు అప్లికేషన్లు స్వీకరించనున్నారు. ఇప్పటికే పోలీసుశాఖతో కానిస్టేబుల్, ఎస్సైలకు సంబంధించి 16,614 పోస్టుల భర్తీకి పోలీసు నియామక మండలి నోటిఫికేషన్ జారీ చేసింది. వీటితో కలిపి పోలీస్ శాఖలో నాలుగు నోటిఫికేషన్లు జారీ అయ్యాయి. ఎస్సై, కానిస్టేబుల్‌ ఉద్యోగాలకు www.tslprb.in వెబ్‌సైట్‌ ద్వారా మే 2 నుంచి 20వ వరకు ఆన్లైన్ లో అప్లై చేసుకోవాలి. పోలీస్ ఉద్యోగాలకు మూడేళ్ల గరిష్ఠ వయోపరిమితిని ప్రభుత్వం సడలించింది. 


ఎస్సై పోస్టులకు అర్హతలు 


జులై 1వ తేదీ 2022 నాటికి 21 ఏళ్లు నిండి, 25 ఏళ్లు దాటకూడదు. అంటే 1997 జులై 2 కన్నా ముందు, 2001 జులై 1 తర్వాత పుట్టి ఉండకూడదు. ఎస్సై పోస్టులకు గరిష్ఠ వయో పరిమితిలో 3 ఏళ్ల సడలించారు. గుర్తింపు పొందిన  యూనివర్సిటీ నుంచి డిగ్రీ పూర్తి చేసి ఉండాలి. ఎస్సైతోపాటు స్టేషన్‌ ఫైర్‌ ఆఫీసర్‌, డిప్యూటీ జైలర్‌ ఉద్యోగాలకు ఓసీ, బీసీ స్థానిక అభ్యర్థులు రూ. వెయ్యి అప్లికేషన్ ఫీజు చెల్లించాలి. స్థానిక ఎస్సీ, ఎస్టీలు రూ.500, స్థానికేతరులు దరఖాస్తు రుసుం రూ.1000 చెల్లించాలి. 


కానిస్టేబుల్‌ పోస్టులకు అర్హతలు 


2022 జులై 1వ తేదీకి 18 ఏళ్లు పూర్తయి 22 ఏళ్లు దాటకూడదు. అలాగే 2000 జులై 2 కన్నా ముందు 2004 జులై 1 తర్వాత పుట్టి ఉండకూడదు. హోంగార్డులు అయితే కనీసం 18 ఏళ్ల వయసు నిండి ఉండాలి. గరిష్ఠంగా 40 ఏళ్లు దాటకూడదు. మహిళా కానిస్టేబుల్‌ (Civil, AR), మహిళా వార్డర్లకు మినహాయింపులు ఉన్నాయి. వితంతువులు, భర్త నుంచి విడాకులు పొంది, మళ్లీ వివాహం చేసుకోని వారిలో ఎస్సీ, ఎస్టీ అభ్యర్థులు 18 ఏళ్లు నిండి, గరిష్ఠంగా 40 ఏళ్లు మించకూడదు. ఇతర అన్ని కులాల్లో 18-35 మధ్య వయసు గలవారు అర్హులు. కానిస్టేబుల్ ఉద్యోగాలకు ఇంటర్మీడియట్‌ విద్యార్హత.  ఓసీ, బీసీ కులాలకు చెందిన స్థానిక అభ్యర్థులు రూ.800, ఎస్సీ, ఎస్టీలు రూ.400, స్థానికేతరులు రూ.800 అప్లికేషన్ ఫీజు చెల్లించాలి. 


తెలంగాణ ప్రభుత్వం కానిస్టేబుల్ ఉద్యోగాలకు అప్లికేషన్లు ఆహ్వానించింది. అభ్యర్థులు మే నెల 2వ తేదీ నుంచి 20వ తేదీ వరకు ఆన్లైన్ లో దరఖాస్తు చేసుకోవచ్చు. 



  • పోలీస్ కానిస్టేబుల్(సివిల్) -   పే స్కేల్ రూ. 24280- రూ.72850   - ఖాళీలు 4965 

  • పోలీస్ కానిస్టేబుల్ (ఏఆర్) - రూ.24280-రూ.72850                       - ఖాళీలు 4423 

  • పోలీస్ కానిస్టేబుల్ (ఎస్ఏఆర్ సీపీఎల్)(పురుషులు) - రూ.24280-72850    - ఖాళీలు 100 

  • పోలీస్ కానిస్టేబుల్ (టీఎస్ఎస్పీ)(పురుషులు) - రూ.24280-72850 - ఖాళీలు 5010 

  • పోలీస్ కానిస్టేబుల్ (తెలంగాణ స్టేట్ స్పెషల్ ప్రొటెక్షన్ ఫోర్స్) - రూ.24280-72850 - ఖాళీలు 390 

  • స్టేట్ డిజాస్టర్ రెస్ఫాన్స్ & ఫైర్ సర్వీస్ లో  ఫైర్ మెన్ - రూ.24280-72850 - ఖాళీలు 610 

  • జైలు, ఇతర సర్వీసుల్లో (వార్డర్) (పురుషులు)- రూ.24280-72850 -ఖాళీలు 136 

  • జైలు, ఇతర సర్వీసుల్లో (వార్డర్) (స్త్రీలు)- రూ.24280-72850 - ఖాళీలు 10 
     
    ఫీజు వివరాలు 


స్థానిక ఓసీ, బీసీ అభ్యర్థులకు అప్లికేషన్ ఫీజు రూ. 800 
స్థానిక ఎస్సీ, ఎస్టీ అభ్యర్థులు -రూ.400 
ఇతర అభ్యర్థులు - రూ. 800 
ఎస్సై ఉద్యోగాలకు నోటిఫికేషన్ 


587 ఎస్సై ఉద్యోగాలకు రాష్ట్ర ప్రభుత్వం నోటిఫికేషన్ జారీ చేసింది. ఈ ఉద్యోగాలకు మే 2వ తేదీ నుంచి 20వ తేదీ వరకూ ఆన్లైన్ లో దరఖాస్తు చేసుకోవచ్చు. ఎస్సై నోటిఫికేషన్ లో  414 సివిల్‌ ఎస్‌ఐలు, 66 ఏఆర్‌ఎస్‌ఐ, 5 రిజర్వ్‌ ఎస్‌ఐ, 23 టీఎస్‌ఎస్‌పీ ఎస్‌ఐ, 12 ఎస్‌పీఎఫ్‌ సబ్‌ ఇన్‌స్పెక్టర్‌ పోస్టుల భర్తీ చేయనున్నారు. విపత్తు, అగ్నిమాపక శాఖలోనూ 26 సబ్‌ ఇన్‌స్పెక్టర్‌ పోస్టులు, 8 డిప్యూటీ జైలర్‌ పోస్టులకు నోటిఫికేషన్ జారీ చేశారు. 


ఫీజు వివరాలు 


స్థానిక ఓసీ, బీసీ అభ్యర్థుల దరఖాస్తు ఫీజు - రూ. 1000 
స్థానిక ఎస్సీ , ఎస్టీ అభ్యర్థులు - రూ. 500 
ఇతరులు - రూ. 1000