Corona Cases: దేశంలో కొత్తగా 12,830 కేసులు, 446 మరణాలు

దేశంలో కొత్తగా 12,830 కరోనా కేసులు నమోదు కాగా 446 మంది మరణించారు.

దేశంలో కరోనా కేసులు 15వేల కన్నా తక్కువే నమోదయ్యాయి. కొత్తగా 12,830 కరోనా కేసులు నమోదు కాగా 446 మంది మరణించారు. 14,667 మంది కరోనా నుంచి కోలుకున్నారు. ఈ మేరకు కేంద్ర ఆరోగ్యశాఖ వెల్లడించింది.

ప్రస్తుతం రికవరీ రేటు 98.20%గా ఉంది. మొత్తం కేసుల్లో యాక్టివ్ కేసులు 1 శాతం కంటే తక్కువే ఉన్నాయి. ప్రస్తుతం యాక్టివ్ కేసుల శాతం 0.46%గా ఉంది. 2020 మార్చి నుంచి ఇదే అత్యల్పం. 

• మొత్తం కేసుల సంఖ్య: 3,42,73,300


• యాక్టివ్ కేసులు: 1,59,272


• మొత్తం రికవరీలు: 3,36,55,842


• మొత్తం మరణాలు: 4,58,186


• మొత్తం వ్యాక్సినేషన్: 1,06,14,40,335

కేరళ..

కేరళలో కొత్తగా 7,427 కేసులు నమోదుకాగా 62 మంది మరణించారు. మొత్తం కేసుల సంఖ్య 49,61,490కి చేరింది. మొత్తం మరణాల సంఖ్య 31,514కి పెరిగింది.

మొత్తం 14 జిల్లాల్లో తిరువనంతపురంలో అత్యధికంగా 1,001 కేసులు నమోదయ్యాయి. ఆ తర్వాతి స్థానాల్లో కోజికోడ్ (997), ఎర్నాకులం (862) ఉన్నాయి.

మహారాష్ట్ర..

మహారాష్ట్రలో కొత్తగా 1,130 కేసులు నమోదుకాగా 26 మంది మరణించారు. మొత్తం కేసుల సంఖ్య 66,09,906కు పెరిగింది. మొత్తం మరణాల సంఖ్య 1,40,196కి చేరింది.

వ్యాక్సినేషన్​..

భారత్​లో టీకా పంపిణీ జోరుగా కొనసాగుతోంది. శనివారం మరో 68,04,806 డోసుల వ్యాక్సిన్​ అందించారు. మొత్తం ఇప్పటివరకు 1,06,14,40,335 డోసుల టీకా పంపిణీ జరిగింది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి