'రంజితమే'... ఆరేళ్ళ చిన్న పిల్లాడి నుంచి అరవై ఏళ్ళ వృద్ధుల వరకూ తమిళ స్టార్ విజయ్ అభిమానులను ఉర్రూతలు ఊగించిన సాంగ్! ఇప్పుడు ఇదొక హుక్ లైన్! యూట్యూబ్‌లో ఈ సాంగ్ రచ్చ రచ్చ చేసింది. విజయ్ అభిమానులు మాత్రమే కాదు... రష్మిక అభిమానులు సైతం రచ్చ రచ్చ చేసేలా చేసింది. ఇప్పుడీ సాంగ్ తెలుగు వెర్షన్ ఈ రోజు విడుదల అయ్యింది. తెలుగులోనూ ఫ్యాన్స్ రచ్చ రచ్చ చేస్తారో? లేదో? చూడాలి.
   
తమిళ స్టార్ హీరో విజయ్ (Vijay) కథానాయకుడిగా, నేషనల్ క్రష్ రష్మిక మందన్నా (Rashmika Mandanna) కథానాయికగా నటిస్తున్న సినిమా 'వారసుడు' (Varasudu Movie). తమిళ సినిమా 'వారిసు' (Varisu) కు తెలుగు అనువాదం ఇది. సంక్రాంతి సందర్భంగా జనవరిలో సినిమా విడుదల కానుంది. ఆల్రెడీ సినిమాలో ఫస్ట్ సాంగ్ విడుదల చేశారు. అదే 'రంజితమే'. ఇప్పుడు ఆ సాంగ్ తెలుగు వెర్షన్ విడుదల చేశారు. 






అక్కడ హీరో విజయ్...
ఇక్కడ అనురాగ్ కులకర్ణి!
తమిళంలో 'రంజితమే...' పాటను విజయ్ పాడారు. తెలుగులో ఈ పాటను యువ గాయకుడు అనురాగ్ కులకర్ణి ఆలపించారు. ఫిమేల్ లిరిక్స్ మాత్రం తమిళంలో పాడిన ఎంఎం మానసి తెలుగులో కూడా పాడారు. తెలుగు పాటకు రామ జోగయ్య శాస్త్రి సాహిత్యం అందించారు. సంగీత సంచలనం ఎస్.ఎస్. తమన్ ఈ పాటకు బాణీ అందించిన సంగతి తెలిసిందే.


రికార్డుల మోత మోగించిన తమిళ పాట!
తెలుగు, తమిళం అని తేడా లేకుండా 'రంజితమే...' తమిళ పాటను ప్రపంచ వ్యాప్తంగా ప్రేక్షకులు అందరూ విన్నారు. దాంతో రికార్డుల మోత మోగింది. మూడు వారాల క్రితం పాట విడుదల కాగా... ఇప్పటి వరకు 75 మిలియన్ వ్యూస్ వచ్చాయి. రెండు మిలియన్స్ లైక్స్ వచ్చాయి. తెలుగు సాంగ్ ఎటువంటి రికార్డులు క్రియేట్ చేస్తోందో చూడాలి.


Also Read : కొరటాలను కార్నర్ చేసిన మణిశర్మ - 'ఆచార్య' ఫ్లాప్‌కు ఆయనే కారణమా?
   





తెలుగు దర్శకుడు వంశీ పైడిపల్లి తెరకెక్కిస్తున్న చిత్రమిది. 'వారసుడు' సినిమాను శ్రీ వెంకటేశ్వర క్రియేషన్స్‌ పతాకంపై 'దిల్' రాజు, శిరీష్... పీవీపీ పతాకంపై పరమ్ వి పొట్లూరి, పెరల్ వి. పొట్లూరి నిర్మిస్తున్నారు. సంక్రాంతికి సినిమాను విడుదల చేస్తామని మరోసారి స్పష్టం చేశారు. 


Varisu Movie Pre Release Business : తెలుగు థియేట్రికల్ రైట్స్ కాకుండా 'వారసుడు' మిగతా రైట్స్ అన్నీ కలిపి సుమారు 280 కోట్లకు ఇచ్చేశారట. సినిమా నిర్మాణానికి సుమారు 250 కోట్లు అవుతోందని వినబడుతోంది. ఆ లెక్కన విజయ్ సినిమాతో 'దిల్' రాజుకు 30 కోట్లు లాభమే. అది కాకుండా తెలుగు థియేట్రికల్ రైట్స్ ఉన్నాయి. ఎటు చూసినా దిల్ రాజు మంచి ప్రాఫిట్స్ అందుకుంటున్నారని ట్రేడ్ వర్గాల టాక్.
 
Varasudu Movie Cast And Crew : ప్రభు, శరత్ కుమార్, ప్రకాష్ రాజ్, జయసుధ, శ్రీకాంత్, శామ్, యోగి బాబు, సంగీత, సంయుక్త తదితరులు 'వారసుడు'లో ప్రధాన పాత్రలు పోషిస్తున్నారు. ఈ చిత్రానికి వంశీ పైడిపల్లితో పాటు హరి, అహిషోర్‌ సాల్మన్‌ కథ, స్క్రీన్ ప్లేను అందించారు. ఎస్.ఎస్. తమన్ సంగీతం అందిస్తున్నారు. ఈ చిత్రానికి సినెమాటోగ్రఫీ: కార్తీక్ పళని కూర్పు: కె.ఎల్. ప్రవీణ్, సహ నిర్మాతలు: హర్షిత్ రెడ్డి, హన్షిత.