నో మోర్ డౌట్స్... ఈ నెలలోనే మెగా ప్రిన్స్ వరుణ్ తేజ్ (Varun Tej) ప్రేక్షకుల ముందుకు రానున్నారు. ఆయన హీరోగా నటించిన లేటెస్ట్ సినిమా 'గని' (Ghani Movie). దీనిని ఫిబ్రవరి 25న విడుదల చేయనున్నట్టు నేడు ప్రకటించారు. సో... మార్చి 4 అనేది 'గని' విడుదల తేదీ లిస్టులో నుంచి తీసేయవచ్చు.
తొలుత 'గని' సినిమాను గత ఏడాది డిసెంబర్ 24న విడుదల చేయాలనుకున్నారు. కరోనా, ఇతర కారణాల వల్ల వాయిదా వేశారు. ఆ తర్వాత ఈ ఏడాది మార్చి 25న సినిమాను విడుదల చేయాలనుకున్నారు. ఆ తేదీకి 'ఆర్ఆర్ఆర్: రౌద్రం రణం రుధిరం' విడుదలకు సిద్ధం కావడంతో, ఆ సినిమా కోసం మార్చి 25 నుంచి 'గని' తప్పుకోక తప్పలేదు. 'ఆర్ఆర్ఆర్' విడుదల తేదీ ప్రకటించిన తర్వాత ఫిబ్రవరి 25న లేదంటే మార్చి 4న 'గని' సినిమాను (Ghani Movie Latest Release Date) విడుదల చేస్తామని చిత్రబృందం పేర్కొంది. ఇప్పుడు ఫైనల్ రిలీజ్ డేట్ అనౌన్స్ చేశారు. ఫిబ్రవరి 25న సినిమాను విడుదల చేస్తామని వెల్లడించారు.
కిరణ్ కొర్రపాటిని దర్శకుడిగా పరిచయం చేస్తూ... అల్లు అర‌వింద్ స‌మ‌ర్ప‌ణ‌లో రెన‌సాన్స్ ఫిలింస్‌, అల్లు బాబీ కంపెనీ ప‌తాకాల‌పై సిద్ధు ముద్ద, అల్లు బాబీ 'గని' చిత్రాన్ని నిర్మిస్తున్నారు. ఇందులో సయీ మంజ్రేకర్ కథానాయిక. ప్రత్యేక గీతం 'కొడితే...'లో తమన్నా డాన్స్ చేశారు. బాక్సింగ్ నేపథ్యంలో తెరకెక్కిన సినిమా ఇది. ఉపేంద్ర, సునీల్ శెట్టి, న‌వీన్ చంద్ర త‌దిత‌రులు నటించారు.
Also Read: మంజులతో 'కార్తీక దీపం' నిరుపమ్ లిప్ లాక్! టీవీ షోలో ఇద్దరూ