విక్టరీ వెంకటేష్ (Venkatesh), మెగా ప్రిన్స్ వరుణ్ తేజ్ (Varun Tej) హీరోలుగా నటిస్తున్న సినిమా 'ఎఫ్ 3'. మొన్న ఆ మధ్య ప్రకటించినట్టు ఈ సినిమా ఏప్రిల్ 28న ప్రేక్షకుల ముందుకు రావడం లేదు. విడుదల వాయిదా పడింది. సినిమా ఓ నెల వెనక్కి వెళ్ళింది. మే 27 (F3 Movie ON MAY 27th) న విడుదల చేయనున్నట్టు చిత్రనిర్మాణ సంస్థ శ్రీ వెంకటేశ్వర క్రియేషన్స్ వెల్లడించింది. దాంతో 'ఆచార్య', 'ఎఫ్ 3' సినిమాల మధ్య క్లాష్ (Release Dates Clash Avoided Between Aacharya and F3 Movies) తప్పింది. 'ఆచార్య' ఏప్రిల్ 29న విడుదల కానున్న సంగతి తెలిసిందే.
"పిల్లలు పరీక్షలు ముగించుకోండి... పెద్దలు సమ్మర్ సందడికి తయారుకండి. ఫన్ పిక్నిక్ కి డేట్ ఫిక్స్ చేశాం" అంటూ కొత్త విడుదల తేదీని ప్రకటించారు. 'ఎఫ్ 2'లో హీరోస్ క్యారెక్టరైజేషన్స్ 'ఎఫ్ 3'లో కూడా కంటిన్యూ అవుతాయి. 'ఎఫ్ 2'లో కథంతా పెళ్ళాం, ప్రియురాలు చుట్టూ తిరిగితే... 'ఎఫ్ 3'లో కథంతా డబ్బు చుట్టూ తిరుగుతుంది.
వెంకటేష్ సరసన తమన్నా (Tamannaah), వరుణ్ తేజ్ జోడీగా మెహరీన్ కౌర్ (Mehreen Kaur), మరో కథానాయికగా సోనాల్ చౌహన్... ఇతర ప్రధాన పాత్రల్లో రాజేంద్ర ప్రసాద్, సునీల్ నటిస్తున్న ఈ చిత్రానికి అనిల్ రావిపూడి దర్శకుడు. శ్రీ వెంకటేశ్వర క్రియేషన్స్ ప‌తాకంపై శిరీష్ నిర్మిస్తున్నారు. ఈ చిత్రానికి దేవి శ్రీ ప్రసాద్ సంగీతం అందిస్తున్నారు. ఆల్రెడీ 'లబ్ డబ్ లబ్...' సాంగ్ రిలీజ్ చేశారు. 'లబ్ డబ్ లబ్ డబ్ డబ్బు... ఎవడు కనిపెట్టాడో గానీ దీన్ని అబ్బో! క్యాష్ లేని లైఫ్ కష్టాల బాత్ టబ్బో... పైసా ఉంటే లోకమంతా పెద్ద డాన్స్ క్లబ్బో' అంటూ సాగిన ఈ గీతానికి భాస్కరభట్ల సాహిత్యం అందించారు. దేవి శ్రీ ప్రసాద్ సంగీతంలో రామ్ మిరియాల ఆలపించారు.
Also Read: 'ఎల్లమ్మా' - పవన్ కల్యాణ్ 'భీమ్లా నాయక్'లో కొత్త పాట! పాడింది ఎవరో తెలుసా?
Also Read: పైసా ఉంటే లోకమంతా పెద్ద డాన్స్ క్లబ్బు - 'ఎఫ్ 3'లో సాంగ్ చూశారా?