బాలీవుడ్ తార, 'బిగ్ బాస్ 15' ఫేమ్ రాఖీ సావంత్ ప్రేమికుల దినోత్సవానికి ఒక్క రోజు ముందు విడాకుల విషయాన్ని వెల్లడించారు. భర్త రితేష్ నుంచి వేరు పడుతున్నట్టు ఆమె ఇన్‌స్టాగ్రామ్‌లో పేర్కొన్నారు. 'బిగ్ బాస్' నుంచి బయటకు వచ్చిన తర్వాత పరిస్థితులు అంతకు ముందులా లేవని, తామిద్దరం ఎంతో ప్రయత్నించినా కలిసి జీవించే వీలు లేదన్నట్టు రాఖీ సావంత్ పేర్కొన్నారు.
"ప్రియమైన అభిమానులకు, శ్రేయోభిలాషులకు... నేను, రితేష్ విడిపోవాలని నిర్ణయించుకున్నాం. 'బిగ్ బాస్' షో తర్వాత చాలా విషయాలు జరిగాయి. కొన్ని విషయాలు నా చేయి దాటిపోయాయి. మేమిద్దరం మా మధ్య విబేధాలను పరిష్కరించుకుని, మనస్పర్థలు తొలగించుకుని ముందుకు వెళ్ళడానికి ప్రయత్నించాం. కానీ, కుదరలేదు. అందుకని, స్నేహపూర్వంగా విడిపోయి జీవితంలో ముందుకు వెళ్ళాలని, వేర్వేరుగా మా జీవితాలను ఎంజాయ్ చేయాలని అనుకున్నాం" అని రాఖీ సావంత్ పేర్కొన్నారు. ప్రేమికుల దినోత్సవానికి ముందు రోజు ఇలా జరగడంతో హృదయం ముక్కలైందని ఆమె తెలిపారు. రితేష్‌కు జీవితంలో అంతా మంచే జరగాలని కోరుకుంటున్నట్టు తెలిపారు. నటనతో పాటు జీవితం మీద దృష్టి పెట్టి... తనను సంతోషంగా, ఆరోగ్యంగా ఉంచుకోవాలని భావిస్తున్నట్టు రాఖీ సావంత్ పేర్కొన్నారు.
Also Read: పెళ్లి చేసుకుంటా... విడాకులు తీసుకుంటా... పెళ్లికి ముందే సమంత చెప్పింది!
తెలుగు సినిమా ఇండస్ట్రీలో అక్కినేని నాగచైతన్య - సమంత, తమిళ సినీ పరిశ్రమలో ధనుష్ - రజనీకాంత్ కుమార్తె ఐశ్వర్య విడాకులు ఇటీవల వార్తల్లో నిలిచాయి. అంతకు ముందు హిందీలో ఆమిర్ ఖాన్ - కిరణ్ రావ్ విడాకులు కూడా టాపిక్ అయ్యాయి. విడాకులు తీసుకున్న సెలబ్రిటీ కపుల్స్ కొందరు ఉన్నారు.
Also Read: త్వరలో తల్లి కానున్న హీరోయిన్... విడాకులు తీసుకున్నారా?