Jabardasth Latest Promo: తెలుగు బుల్లితెపై కామెడీ షో అనగానే ఠక్కున గుర్తొచ్చే షో ‘జబర్దస్త్’ కామెడీ. గత కొద్ది సంవత్సరాలుగా తెలుగు ప్రేక్షకులను ఎంతగానో అలరిస్తోంది. ప్రతి శుక్ర, శనివారాలు రాత్రి తొమ్మిదిన్నరకు ఉభయ తెలుగు రాష్ట్రాల్లో ఆడియెన్స్ ను కడుపుబ్బా నవ్విస్తోంది. ఎప్పటి లాగే ఈ వారం కూడా ప్రేక్షకులను బాగా ఆకట్టుకోనుంది. తాజాగా ఈ వారం ప్రోమో విడుదల అయ్యింది. ఆయా టీమ్ లు చేసిన స్కిట్లు ఫుల్ ఫన్నీగా ఆకట్టుకున్నాయి.
వార్డు మెంబర్ భర్త.. సర్పంచ్ భార్య ..
వార్డు మెంబర్ గా గెలిచిన రాఘవ.. జేజేలు కొట్టించుకుంటూనే.. తనకు అలాంటి నచ్చవని చెప్తూ అందరినీ నవ్విస్తాడు. రోజూ పొద్దున్నే 9 గంటలు నిద్ర లేచే రాఘవ, భార్య మాత్రం పొద్దున్నే 4 గంటలకు లేచి కాఫీ చేసి స్టాట్యూ ఆఫ్ లిబర్టీలాగా నిలిబడాలని ఆర్డర్ వేయడం కడుపుబ్బా నవ్విస్తుంది. “అంతసేపు నిలబడితే కాఫీ చల్లారిపోతుంది కదా?” భార్య ప్రశ్నిస్తే.. “పొయ్యి మీద కూర్చో” అంటూ నవ్విస్తాడు. ఆ తర్వాత రాఘవ భార్య సర్పంచ్ గా గెలిచి.. అతడి మీద ఎలా ప్రతీకారం తీర్చుకుంటుందో ఫన్నీగా చేసి చూపించారు.
పనివాడితో లేచిపోయిన తాగుబోతు రమేష్ భార్య
అటు తగుబోతు రమేష్, నూకరాజు చేసిన స్కిట్ అందరి చేత ఫుల్ గా నవ్విస్తుంది. “అమ్మ ఎలా పోయింది నాన్నా?” అని నూకరాజు రమేష్ ను అడుగుతాడు. “ఒకరోజు అడుక్కునే వాడు ఇంటికి వచ్చాడు. ఆడు ఏది అడిగితే అది ఇవ్వమన్నా. ఆ రోజు నుంచి మీ అమ్మ కనిపించడం లేదు. ఇప్పటికీ అర్థం కాలేదు. వాడు ఏం అడిగి ఉంటాడు?” అని రమేష్ అనడంతో అందరూ నవ్వుతారు. లేడీ గెటప్ లో ఉన్న నూకరాజును.. ఎవరో అమ్మాయి అని ఇంటికి తీసుకురావడం ఫుల్ గా నవ్విస్తుంది.
అమ్మాయితో అడ్డంగా దొరికిన ఆటో రాంప్రసాద్, దొరబాబు
ఆటో రాం ప్రసాద్, దొరబాబు టీమ్ కామెడీ కడుపుబ్బా నవ్విస్తుంది. దొరబాబు ఇంట్లో రాం ప్రసాద్ బ్యాచ్ పార్టీ చేసుకుంటారు. అక్కడే లేడీ గెటప్ లో శాంతి స్వరూప్ రాం ప్రసాద్ డ్యాన్స్ చేస్తాడు. తిప్పి, తిప్పి సోపాలో వేయడంతో తను చనిపోతుంది. ఇంతలోనే దొరబాబు భార్య, రాం ప్రసాద్ భార్య వస్తారు. వారికి శాంతి ఎవరో చెప్పేందుకు పడే కష్టాలు నవ్వు పుట్టిస్తాయి. అటు బుల్లెట్ భాస్కర్, ఫైమా టీమ్ జోకులు కూడా అందరినీ ఆకట్టుకుంటాయి.
విగ్గుతో అమ్మాయిని మోసం చేసిన ఇమ్మాన్యుయేల్
మరోవైపు ఇమ్మాన్యుయేల్ బట్టతల వ్యక్తులతో కలిసి చేసిన ఫన్ ఫుల్ గా నవ్విస్తుంది. ఎలాగైనా పెళ్లి చేసుకోవాలని భావించి, జుట్టు ఉన్నట్లు అబద్దం చెప్తారు. విగ్గులు ధరించి అమ్మాయిలను ఎలా పెళ్లి చేసుకుంటారు? ఫస్ట్ నైట్ రోజు విగ్గులతో చేసే మేనేజ్ అందరినీ నవ్వుల్లో ముంచెత్తేలా చేసింది. ప్రస్తుతం ఈ ప్రోమో నెట్టింట వైరల్ అవుతోంది.
Read Also: ఇప్పటికీ స్ట్రగుల్ అవుతున్నా- ఆమె నాతో లేకుంటే ఏం చేసేవాడినో తెలియదు: వరుణ్ సందేశ్