టాలీవుడ్ కమెడియన్ రాహుల్ రామకృష్ణ సంక్రాంతి రోజు గుడ్ న్యూస్ చెప్పాడు. తాను తండ్రిని అయ్యానంటూ ఆయన సోషల్ మీడియా వేదికగా వెల్లడించాడు. పొంగల్ నాడే తనకు పండంటి కొడుకు పుట్టాడని తెలిపాడు. అబ్బాయి ఫోటో షూర్ చేస్తూ ‘అబ్బాయి, సంక్రాంతి రిలీజ్’ అంటూ ఫన్నీగా ట్వీట్ చేశాడు. ఈ ఫోటోలో బాబు హాయిగా నిద్రపోతూ కనిపిస్తున్నాడు. ప్రస్తుతం ఈ ఫోటో సోషల్ మీడియాలో వైరల్ అవుతోంది. రాహుల్ రామకృష్ణ- హరిత దంపతులకు నెటిజన్లు శుభాకాంక్షలు చెప్తున్నారు.
లిప్ కిస్ తో గర్ల్ ఫ్రెండ్ ను పరిచయం చేసిన రాహుల్
కొంత కాలం క్రితం రాహుల్ రామకృష్ణ తన గర్ల్ ఫ్రెండ్ కు లిప్ కిస్ ఇస్తున్న ఓ ఫోటోను సోషల్ మీడియా వేదికగా షేర్ చేశాడు. అదే సమయంలో ఆమెను పెళ్లి చేసుకోబోతున్నట్లు వెల్లడించాడు. ఆ తర్వాత తన పెళ్లి గురించి ఎలాంటి ప్రకటన చేయలేదు. గత నవంబర్ లో మాత్రం తన భార్య ప్రెగ్నెంట్ అంటూ అందరినీ ఆశ్చర్యపరిచాడు. తాజాగా తనకు పండంటి కొడుకు పుట్టాడంటూ వెల్లడించాడు.
వరుస అవకాశాలతో దూసుకుపోతున్న రాహుల్ రామకృష్ణ
తెలుగు సినిమా పరిశ్రమలో రాహుల్ రామకృష్ణ తనకంటూ ఓ ప్రత్యేక గుర్తింపు తెచ్చుకున్నాడు. షార్ట్ ఫిలిమ్స్ ద్వారా కెరీర్ మొదలు పెట్టిన ఆయన, చక్కటి నటన, డైలాగ్ డెలివరీతో ఆకట్టుకున్నాడు. ఆ తర్వాత సినిమాల్లో అవకాశాలు పొందాడు. ఎక్కువగా హీరో ఫ్రెండ్ క్యారెక్టర్స్ చేస్తూ ఆకట్టుకున్నాడు. ‘అర్జున్ రెడ్డి’ సినిమాతో ఆయనకు మంచి ఫాలోయింగ్ వచ్చింది. ఈ సినిమాలో హీరో విజయ్ దేవరకొండకు స్నేహితుడిగా చక్కటి నటన కనబర్చాడు. అటు ‘గీతా గోవిందం’ సినిమాలోనూ విజయ్ ఫ్రెండ్ గా లేనిపోని సలహాలిస్తూ నవ్వించాడు. ప్రస్తుతం కమెడియన్‌గానే కాకుండా నటనకు ఆస్కారమున్న మంచి పాత్రలతో కూడా గుర్తింపు తెచ్చుకుంటున్నాడు. తెలుగులో వరుస సినిమాలతో దూసుకుపోతున్నాడు.
Read Also: RRRను రెండుసార్లు చూసిన కామెరూన్ - రాజమౌళితో ఆయన ఏమన్నారో తెలుసా?