Vaazhai OTT Streaming: రీసెంట్‌గా తమిళంలో విడుదలై బ్లాక్ బస్టర్ అందుకున్న సినిమా ‘వాళై’. సెల్వరాజ్ దర్శకత్వం వహించిన ఈ సినిమా బాక్సాఫీస్ దగ్గర దుమ్మురేపింది. ఈ సినిమా కథ డబ్బులు తీసుకుని అరటి గెలలు కోయడానికి వెళ్లే పిల్లాడి ఫ్యామిలీ చుట్టూ తిరుగుతుంది. మూవీలోని డ్రామా, ఎమోషన్స్ ప్రేక్షకులను బాగా ఆకట్టుకుంటాయి. పల్లెటూరు వాతావరణాన్ని అత్యద్భుతంగా తెరకెక్కించారు. చిన్న పిల్లల నటన ప్రేక్షకులను బాగా ఆకట్టుకుంటుంది. సినిమాలోని క్లైమాక్స్ వారెవ్వా అనిపించింది. తక్కువ నిర్మాణ వ్యయంతో తెరకెక్కిన ఈ సినిమా బాక్సాఫీస్ దగ్గర రూ. 40 కోట్లు వసూళు చేసింది. ఈ సినిమా విడుదలైన వారం రోజులకే దళపతి విజయ్ నటించిన ‘ది గోట్‘ సినిమా థియేటర్లలోకి రావడంతో వసూళ్లపై తీవ్ర ప్రభావం చూపించింది.
ఓటీటీలోకి వచ్చేసిన ‘వాళై‘
మారి సెల్వరాజ్ తెరకెక్కించిన ‘వాళై‘ సినిమా నేరుగా ఓటీటీలోకి వస్తుందనే ప్రచారం జరిగినా... చివరకు థియేటర్లలోనే విడుదల అయ్యింది. ఈ సినిమాను డిస్నీ ప్లస్ హాట్ స్టార్, నవ్వి స్టూడియోస్ సంయుక్తంగా నిర్మించాయి. అందుకే, ఈ మూవీ థియేటర్లలో కాకుండా డైరెక్ట్‌ గా ఓటీటీలోనే వస్తుందనే టాక్ నడిచింది. కానీ, మేకర్స్ చివరకు ఈ సినిమాను థియేటర్లలో విడుదల చేశారు. సెల్వరాజ్ కెరీర్ లో నాలుగో చిత్రంగా తెరకెక్కిన ఈ సినిమా కూడా మంచి హిట్ అందుకుంది. వసూళ్ల విషయంలోనూ సత్తా చాటింది. ప్రేక్షకులకు ఫీల్ గుడ్ ఫీలింగ్ కలిగించింది. తాజాగా ఈ సినిమా ఓటీటీలో అడుగు పెట్టింది. డిస్నీ ప్లస్ హాట్ స్టార్ వేదికగా అందుబాటులోకి వచ్చింది. తమిళం, తెలుగు, హిందీ, మలయాళం, కన్నడ, మరాఠీ, బెంగాలీలో అందుబాటులో స్ట్రీమ్ అవుతోంది. థియేటర్లలో మిస్ అయిన ప్రేక్షకులు ఇప్పుడు ఓటీటీ వేదికగా చూసి ఎంజాయ్ చేస్తున్నారు. ఈ సినిమాకు సంతోష్ నారాయణన్ సంగీతం అందించగా, ఈశ్వర్ సినిమాటోగ్రాఫర్ గా చేశారు.
వరుసగా నాలుగు సినిమాలు బ్లాక్ బస్టర్ హిట్
తమిళ సినిమా పరిశ్రమలో దర్శకుడు మారి సెల్వరాజ్ తనకంటూ ఓ ప్రత్యేక గుర్తింపు తెచ్చుకున్నారు. ప్రేక్షకుల మనసుకు తాకే సినిమాలను తెరకెక్కించడంలో ఆయన తర్వాతే మరెవరైనా అని చెప్పుకోవచ్చు. రైటర్ గా సినీ ప్రస్థానాన్ని మొదలు పెట్టిన ఆయన, ఆ తర్వాత అసిస్టెంట్ డైరెక్టర్ గా పని చేశారు. ఆ తర్వాత దర్శకుడిగా మారారు. 2018లో ఆయన తెరకెక్కించిన ‘పరియేరుమ్ పెరుమాళ్‘ అనే సినిమా అద్భుత విజయాన్ని అందుకుంది. ఆ తర్వాత ఆయన రూపొందించిన ‘కర్ణన్‘ మూవీ సైతం మంచి సక్సెస్ అందుకుంది. ఆయన దర్శకత్వంలో వచ్చిన మూడో సినిమా ‘మామన్నన్‘ సైతం మంచి విజయాన్ని అందుకుంది. వరుస హ్యాట్రిక్ హిట్స్ ఆయన తనకంటూ ఓ ప్రత్యేక గుర్తింపు తెచ్చుకున్నారు. ఇక రీసెంట్ గా ఆయన దర్శకత్వంలో వచ్చిన ‘వాళై‘ సైతం ప్రేక్షకులను అద్భుతంగా అలరించింది. ఇప్పుడు ఈ మూవీ ఓటీటీలో ప్రేక్షకులను ఆకట్టుకుంటున్నది.
Read Also: ఖేల్ ఖతమ్ దర్వాజా బంద్... చోటా సినిమాకు రానా దగ్గుబాటి సపోర్ట్!