కోలీవుడ్ స్టార్ హీరో సూర్య ఇటీవల తన 41వ సినిమాను మొదలుపెట్టారు. దీనికి బాల (దర్శకత్వం వహిస్తున్నారు. ఇదివరకు వీరిద్దరి కాంబినేషన్ లో 'నందా', 'పితామగన్' వంటి సినిమాలు వచ్చాయి. ఈ రెండు సినిమాలు మంచి విజయాలను సాధించడమే కాదు, నటుడిగా సూర్య రేంజ్ ని పెంచాయి. బాలాను తన మెంటర్ అని చెబుతుంటారు సూర్య. దాదాపు 18 ఏళ్ల తరువాత వీరిద్దరి కాంబినేషన్ లో తెరకెక్కుతోన్న సినిమా కావడంతో అంచనాలు పెరిగిపోయాయి.
ఈరోజు దర్శకుడు బాల పుట్టినరోజు సందర్భంగా ఈ సినిమా నుంచి ఫస్ట్ లుక్ ని రివీల్ చేశారు. ఇందులో సూర్య ట్రాన్ఫర్మేషన్ ఆకట్టుకుంటుంది. ఫస్ట్ లుక్ తోనే ఇంపాక్ట్ క్రియేట్ చేసింది చిత్రబృందం. ఈ సినిమాకి 'వనంగాన్' అనే టైటిల్ ను ఫిక్స్ చేశారు. తెలుగులో 'అచలుడు' అనే పేరుతో సినిమాను విడుదల చేయబోతున్నారు.
ఈ సినిమాను సూర్య సొంత నిర్మాణ సంస్థ 2డి ఎంట‌ర్‌టైన్‌మెంట్‌ సంస్థ నిర్మిస్తోంది. సూర్య, జ్యోతిక సమర్పిస్తున్నారు. 'ఆకాశమే నీ హద్దురా', 'జై భీమ్' ఓటీటీ విజయాల తరువాత 'ఈటీ - ఎవరికీ తలవంచడు' సినిమాతో సూర్య థియేటర్లలోకి వచ్చిన సంగతి తెలిసిందే. ఈ సినిమా కోలీవుడ్ లో ఏవరేజ్ గా ఆడినా తెలుగులో పెద్దగా వర్కవుట్ కాలేదు. మరిప్పుడు బాల సినిమాతో ఎలాంటి హిట్ అందుకుంటారో చూడాలి!
Also Read: ఓ అబ్బాయికి లవ్ లెటర్ రాశానని చితకబాదారు - సాయిపల్లవి కామెంట్స్