మాస్ మహారాజ రవితేజ (Raviteja) కథానాయకుడిగా త్రినాథ రావు నక్కిన దర్శకత్వం వహిస్తున్న సినిమా 'ధమాకా'. 'డబుల్ ఇంపాక్ట్'... అనేది ఉపశీర్షిక. ఈ సినిమాలో రవితేజ డ్యూయల్ రోల్ చేస్తున్నారని సమాచారం. ఆ ట్యాగ్ లైన్ వెనుక కారణం అదే. అవుట్ అండ్ అవుట్ ఎంట‌ర్‌టైన‌ర్‌గా ఎంటర్టైనర్‌గా రూపొందుతోన్న ఈ సినిమాలో ఇద్దరు కథానాయికలు ఉన్నారు. ఓ కథానాయికగా 'పెళ్లి సందడి' ఫేమ్ శ్రీలీల (Sree Leela) నటిస్తున్నారు. ఈ రోజు ప్రేమికుల దినోత్సవం సందర్భంగా ఆమె ఫస్ట్ లుక్ విడుదల చేశారు.


'ధమాకా' సినిమాలో ప్రణవి పాత్ర (Sree Leela As Pranavi, First Look From Dhamaka) లో శ్రీలీల పాత్రలో నటిస్తున్నట్టు చిత్రబృందం తెలియజేసింది. రవితేజతో పాటు ఓ గోడ మీద కూర్చున్న పల్లీలో, బఠాణీలో తింటున్న శ్రీలీల స్టిల్‌ను విడుదల చేశారు. వీళ్ళిద్దరూ జంటగా నటిస్తున్న తొలి సినిమా ఇది. త్రినాథ రావు నక్కిన, ప్రసన్నకుమార్ బెజవాడ కలయికలో వచ్చిన సినిమాల్లో వినోదం ఎక్కువ ఉంటుంది. వాళ్లిద్దరూ రవితేజ శైలికి తగ్గ కథను సిద్ధం చేసుకుని ఈ సినిమా చేస్తున్నారట.


Also Read: ‘ఖిలాడి’ రివ్యూ: ప్రేక్షకుడు ఊహించలేని ట్విస్టులెన్నో! అవి ఎలా ఉన్నాయి? సినిమా ఎలా ఉంది?





పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంయుక్తంగా నిర్మిస్తున్న ఈ సినిమాకు టీజీ విశ్వప్రసాద్ నిర్మాత. వివేక్ కూచిభొట్ల సహ నిర్మాత.ఈ చిత్రానికి కథ, మాటలు: ప్రసన్న కుమార్ బెజవాడ, సంగీతం: భీమ్స్ సిసిరిలియో, ఛాయాగ్రహణం: కార్తీక్ ఘట్టమనేని


Also Read: బాలీవుడ్‌లో మరో విడాకులు - భర్త నుంచి విడిపోతున్నట్టు ప్రకటించిన 'బిగ్ బాస్' భామ రాఖీ సావంత్