‘సోగ్గాడే చిన్నినాయనా’లో బంగార్రాజుగా నాగార్జున, సత్యభామగా రమ్యకృష్ణ నటించిన సంగతి తెలిసిందే. ఈ ఆన్ స్క్రీన్ జంటని చూసి ముచ్చటపడని ప్రేక్షకులు లేరని చెప్పొచ్చేమో. సెకెండ్ ఇన్నింగ్సులోనూ రమ్య కృష్ణ క్రేజ్ మరింత పెరిగిందే కానీ తగ్గలేదని చెప్పడానికి ఇదే నిదర్శనం. ఓవైపు సోలో క్యారెక్టర్స్‌లో అదరగొడుతూనే మరోవైపు గతంలో కలసి నటించిన హీరోలతో మళ్లీ మళ్లీ నటిస్తూ మ్యాజిక్ చేస్తోంది. ‘సోగ్గాడే చిన్నానాయనా’ సినిమా బాక్సాఫీస్ వద్ద మాంచి వసూళ్లు రాబట్టడంతో దీనికి సీక్వెల్‌గా 'బంగార్రాజు' తెరకెక్కిస్తున్నారు. రమ్యకృష్ణ పుట్టినరోజు సందర్భంగా ఈ పోస్టర్ విడుదల చేసింది చిత్రయూనిట్.
ఈ మధ్యే ప్రారంభమైన 'బంగార్రాజు' షూటింగ్ శరవేగంగా జరుగుతోంది. సెప్టెంబర్ 15 రమ్యకృష్ణ బర్త్‌డే సందర్భంగా 'మా సత్యభామకు పుట్టినరోజు శుభాకాంక్షలు' అని పోస్టర్ ద్వారా తెలియజేశారు. ఇందులో సత్యభామ పింక్ శారీలో చిరునవ్వులు చిందిస్తూ ఉండగా.. పంచెకట్టులో ఉన్న బంగార్రాజు ఆమెను చూస్తూ మురిసిపోతున్నట్టున్నాడు. ఈ స్టిల్ ఓ పాటలోది అని తెలుస్తోంది. ‘సోగ్గాడే చిన్నానాయనా’లో తండ్రీ-కొడుకులుగా నాగార్జునే నటించగా.. 'బంగార్రాజు'లో తండ్రీకొడుకులు నాగార్జున - నాగచైతన్య కలిసి నటిస్తున్నారు. చైతన్య సరసన యంగ్ బ్యూటీ కృతి శెట్టి హీరోయిన్‌గా నటిస్తోంది. చలపతి రావు, రావు రమేష్, బ్రహ్మాజీ, వెన్నెల కిషోర్, ఝాన్సీ ఇతర పాత్రలు పోషిస్తున్నారు.
Also Read: ఓరి దీని ఏసాలో…పాపులారిటీ కోసం నడి రోడ్డుపై ట్రాఫిక్ ఆపేసి రచ్చ చేసింది, ఇప్పుడు చిక్కుల్లో పడింది..
జీ స్టూడియోస్ సమర్పణలో అన్నపూర్ణ స్టూడియోస్ బ్యానర్‌పై నాగార్జున నిర్మిస్తోన్న ఈ సినిమాకి కళ్యాణ్ కృష్ణ దర్శకుడు. అనూప్ రూబెన్స్ సంగీతం సమకూరుస్తున్నాడు. 'మనం' లాంటి సూపర్ హిట్ తర్వాత తండ్రీ-కొడుకు కలసి నటిస్తోన్న సినిమా కావడంతో ఈ సినిమాపై భారీ అంచనాలే ఉన్నాయి. ‘సోగ్గాడే చిన్నానాయనా’లే సంక్రాంతికి రిలీజై హిట్టు కొట్టడంతో అదే సెంటిమెంట్‌తో 'బంగార్రాజు'ని కూడా సంక్రాంతి బరిలో దింపేందుకు సిద్ధమవుతున్నారు.
Also Read: తిరుమల నూతన పాలకమండలి సభ్యులు వీరే..ప్రత్యేక ఆహ్వానితుల సంఖ్య 50 కి పెంచిన ప్రభుత్వం
Also Read: స్వల్పంగా పెరిగిన బంగారం వెండిధరలు,ప్రధాన నగరాల్లో ధరలెలా ఉన్నాయంటే..