ఉండిపోరాదే అనగానే ఆ గొంతు వింటూ అలా ఆగిపోయారు... ఇంకేం ఇంకేం ఇంకేం కావాలే అంటే ఊగిపోయారు.. నీ కాళ్లను పట్టుకు వదలనన్నవి చూడే నా కళ్లు అనగానే ఫాలో అయిపోయారు..ఆ గొంతులోంచి ఏ పాట వచ్చినా మధురమే. తన పాటలతో అంతులేని అభిమాన్ని సంపాదించుకున్న సిద్ శ్రీరామ్. సిద్ శ్రీరామ్ పేరు తెలియని వారు ఈ జనరేషన్లో లేరేమో. ఎందుకంటే సినిమా చిన్నదైనా, పెద్దదైనా సిద్ వాయిస్ వినిపిస్తే చాలు పూనకాలే వచ్చేస్తున్నాయి. ఒక స్టార్ హీరోకి ఎంత క్రేజ్ ఉందో సిద్ శ్రీరామ్ కి కూడా ఇంచుమించు అదే రేంజ్ ఫాలోయింగ్ ఉంది. ఎందుకంటే సినిమా హిట్టా-ఫట్టా , చిన్నదా-పెద్దదా అని పక్కనపెడితే సిద్ శ్రీరామ్ పాడిన ప్రతిపాటా ఇప్పటి వరకూ హిట్టే. ఒక్కోసారి కొన్ని సినిమాలకు పబ్లిసిటీ ఇస్తున్నదే సిద్ శ్రీరామ్ సాంగ్ అని చెప్పడం తప్పేం లేదంటారు సినీ ప్రియులు. అయితే ఇప్పటి వరకూ స్వరంతో మాయచేసిన సిద్..ఇప్పుడు తనలో ఉన్న నటుడుని పరిచయం చేసేందుకు సిద్ధమవుతున్నాడట.
Also Read: నాలుగు గంటల భేటీ మధ్యలో రొయ్యల బిర్యానీ లంచ్ ! చివరికి ఏమి తేల్చారంటే ?
దక్షిణాదిన అత్యంత బిజీ సింగర్ గా కొనసాగుతున్న సిద్ శ్రీరామ్ ని చూసి..బావున్నాడు హీరోగా ట్రై చేయొచ్చు కదా అనుకున్నారు. ఇప్పుడు అలాంటి వారి ముచ్చట తీర్చేందుకు వై నాట్ అంటున్నాడు సిద్. హీరోగా వస్తున్నాడంటే ఏదో చిన్నా చితకా సినిమా కాదు..ఏకంగా మణిరత్నం దర్శకత్వంలోనే అని టాక్ వినిపిస్తోంది. మరత్నం 'కడల్' సినిమాతోనే సిద్ శ్రీరామ్ కోలీవుడ్ కి సింగర్ గా పరిచయమయ్యాడు. అదే సినిమాతో తెలుగు ప్రేక్షకులకు కూడా చేరువయ్యాడు. అందుకే సింగర్ గా పరిచయం చేసి అద్భుతమైన ఫాలోయింగ్ అందించిన మణిరత్నమే సిద్ ని హీరోగా పరిచయం చేయనున్నాడని అంటున్నారు. ఇప్పటికే మణిరత్నం - సిద్ శ్రీరామ్ మధ్య కథా చర్చలు పూర్తయ్యాయట. ప్రస్తుతం మణిరత్నం చేస్తున్న 'పొన్నియిన్ సెల్వన్' సినిమా పనులు పూర్తైన తర్వాత ఈ ప్రాజెక్టు ఉంటుందని అంటున్నారు. సింగర్స్ హీరోలుగా రాణించిన సందర్భాలు గతంలో కొన్ని ఉన్నాయి. మరి ఆ జాబితాలో చేరుతున్న సిద్ శ్రీరామ్.. హీరోగా ఏ మేరకు మెప్పిస్తాడో చూద్దాం...
Also Read: వంటలయ్యగా మారిన డాక్టర్ బాబు, ప్రకృతి ఆశ్రమానికి సౌందర్య, ఆనందరావు.. కార్తీకదీపం సోమవారం ఎపిసోడ్
Also Read: కళ్లలో దాగి ఉన్న కలలు అద్భుతం, పడి పడి చదివేలా నీ మనసు నా పుస్తకం.. నెక్ట్స్ లెవెల్ కి చేరిన గుప్పెడంత మనసు సోమవారం ఎపిసోడ్...
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి