సీరియల్ నటుడిగా మంచి గుర్తింపు తెచ్చుకున్న మానస్, బిగ్ బాస్ హౌస్ లోకి ఎంట్రీ ఇచ్చి మరింత పాపులర్ అయ్యాడు. అతడి ఆటతీరుకు బుల్లి తెర ప్రేక్షకులు ఫిదా అయ్యారు. ఒత్తిడిలోనూ ఏమాత్రం కంట్రోల్ తప్పకుండా చక్కగా గేమ్ ఆడి అలరించాడు. బిగ్ బాస్ తర్వాత మళ్లీ సీరియల్స్ లో బిజీ అయ్యాడు. కొన్ని ఆల్బమ్స్ తో పాటు షోలు కూడా చేస్తున్నాడు.


ఘనంగా మానస్, శ్రీజ నిశ్చితార్థం


తాజాగా మానస్ అందరికీ సర్‌ప్రైజ్ ఇచ్చాడు. శనివారం(సెప్టెంబర్ 2న) సాయంత్రం నిశ్చితార్థం జరుపుకున్నారు. శ్రీజ అనే అమ్మాయితో కొత్త జీవితంలోకి అడుగు పెట్టబోతున్నాడు.  ఈ మేరకు ఇద్దరూ పూల దండలు మార్చుకున్నారు. నిశ్చితార్థ వేడుకలో లైట్ పింక్ కలర్ డ్రెస్సుల్లో శ్రీజ, మానస్ మెరిసిపోతూ కనిపించారు. హైదరాబాద్ లోని ఓ ఫంక్షన్ హాల్ లో ఈ వేడుక ఘనంగా జరిగింది. ఈ ఎంగేజ్ మెంట్ కి పలువురు టీవీ, సినిమా నటీనటులు హాజరయ్యారు. తోటి బిగ్ బాస్ కంటెస్టెంట్లు కూడా పాల్గొన్నారు. బిగ్ బాస్ హౌస్ లో మానస్ తో సన్నిహితంగా ఉన్న కాజల్, సన్నీ స్పెషల్ అట్రాక్షన్ గా నిలిచారు.  


సోషల్ మీడియా ద్వారా వెల్లడించిన మానస్


ఇక తన ఎంగేజ్ మెంట్ గురించి మానస్ అధికారికంగా వెల్లడించారు. సోషల్ మీడియాలో కాబోయే భార్యతో కలిసి వెడ్డింగ్ రింగ్ పట్టుకుని ఉన్న ఫోటోను షేర్ చేశాడు. ‘ఎంగేజ్డ్’ అంటూ క్యాప్షన్ పెట్టాడు. ప్రస్తుతం ఆయన నిశ్చితార్థానికి సంబంధించిన ఫోటోలు, వీడియోలు నెట్టింట్లో తెగ వైరల్ అవుతున్నాయి. ఇక పలువురు టీవీ, సినీ ప్రముఖులు ఆయనకు శుభాకాంక్షలు చెప్తున్నారు. నిండు నూరేళ్లు సుఖ సంతోషాలతో జీవించాలని ఆశీర్వదిస్తున్నారు. అటు మానస్, శ్రీజ జంట చూడ చక్కగా ఉందంటూ నెటిజన్లు కామెంట్స్ చేస్తున్నారు.  






ప్రేమ పెళ్లా? పెద్దలు కుదిర్చిన పెళ్లా?


మానస్, శ్రీజది ప్రేమ పెళ్లా? లేక పెద్దలు కుదిర్చిన పెళ్లా? అనే విషయంపై ఎలాంటి క్లారిటీ లేదు. అంతేకాదు, మానస్ కు చేసుకోబోయే అమ్మాయి శ్రీజ గురించి కూడా వివరాలేవీ బయటకు రాలేదు. ఇంతకీ ఈమె ఎవరు అని వెతికే పనిలో ఉన్నారు నెటిజన్లు. నిశ్చితార్థం పూర్తయిన నేపథ్యంలో, త్వరలోనే వీరిద్దరు పెళ్లి చేసుకోబోతున్నట్లు తెలుస్తోంది.






సీరియల్స్ ద్వారా మంచి గుర్తింపు తెచ్చుకున్న మానస్


ఇక సీరియల్ నటుడిగా మంచి గుర్తింపు తెచ్చుకున్నాడు మానస్. ఆ గుర్తింపుతోనే బిగ్ బాస్ సీజన్ 5లో కంటెస్టెంట్ గా పాల్గొన్నాడు. మంచి ఆటతీరుతో అందరినీ ఆకట్టుకున్నాడు. ఆ తర్వాత పలు సినిమాల్లోనూ కనిపించాడు. ప్రస్తుతం ఆయన పలు సీరియల్స్ లో నటిస్తున్నాడు. టీవీ షోలు కూడా చేస్తున్నాడు. మధ్య మధ్యలో ప్రైవేట్ ఆల్బమ్స్ చేస్తూ అందరినీ అలరిస్తున్నాడు.     


Read Also: ఉత్తరాఖండ్ లో తలైవా జర్నీ, ఎంత కష్టపడి మహావతార్ బాబా గుహను చేరుకున్నారో తెలుసా?


ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial