మెగా పవర్ స్టార్ రామచరణ్- క్రియేటివ్ డైరెక్టర్ శంకర్ కాంబినేషన్లో మూవీ ప్రారంభమైంది. హైదరాబాద్ లో పూజా కార్యక్రమాల అనంతరం మెగాస్టార్ క్లాప్ కొట్టి షూటింగ్ ప్రారంభించారు. ఇది చరణ్ కెరీర్ లో 15వ సినిమా. పాన్ ఇండియా స్థాయిలో రూపొందనున్న ఈ సినిమా షూటింగ్ పూజా కార్యక్రమాల అనంతరం లాంఛనంగా పట్టాలెక్కించారు. ఈ ప్రారంభోత్సవంలో మెగాస్టార్ చిరంజీవి, దర్శక ధీరుడు ఎస్.ఎస్ రాజమౌళి, బాలీవుడ్ స్టార్ హీరో రణవీర్ సింగ్ ముఖ్య అతిథులుగా హాజరయ్యారు. ఈ సందర్భంగా మేకర్స్ ఓ అదిరిపోయే పోస్టర్ వదిలారు.
పోస్టర్లోనే శంకర్ మార్క్ స్పష్టంగా కనిపిస్తోందంటున్నారు సినీ ప్రియులు. భారీ యాక్షన్‌ ఎంటర్‌టైనర్‌గా ఈ సినిమా రూపొందనుంది. చరణ్ ప్రభుత్వాధికారి పాత్రలో కనిపించనున్నట్లు తెలుస్తోంది. శ్రీ వేంకటేశ్వర క్రియేషన్స్ పతాకంపై దిల్ రాజు, శిరీష్ ఈ చిత్రాన్ని నిర్మిస్తున్నారు.ప్రధాన నటీనటులు - నిర్మాతలు - సాంకేతిక నిపుణులు అందరూ సూటు బూటు ధరించి చేతిలో ఫైల్స్ పట్టుకుని కనిపిస్తున్నారు. ఈ భారీ ప్రాజెక్ట్ లో రామ్ చరణ్ సరసన బాలీవుడ్ బ్యూటీ కియరా అద్వానీ హీరోయిన్ గా నటిస్తోంది. ఇప్పటికే కియరా చెర్రీతో వినయ విధేయ రామలో నటించింది. ఇంకా శ్రీకాంత్, అంజలి, సునీల్, జయరామ్, నవీన్ చంద్ర కీలక పాత్రలు పోషిస్తున్నారు.
శ్రీ వేంకటేశ్వర క్రియేషన్స్ బ్యానర్ పై దిల్ రాజు - శిరీష్ నిర్మిస్తోన్న ఈ భారీ బడ్జెట్ చిత్రానికి ఎస్ ఎస్ థమన్ సంగీతం సమకూరుస్తున్నారు. దిల్ రాజు బ్యానర్ లో వస్తున్న ఈ 50వ చిత్రానికి హర్షిత్ రెడ్డి సహ నిర్మాత. తెలుగు, తమిళం, మలయాళం, కన్నడ, హిందీ భాషల్లో తెరకెక్కనున్న ఈ సినిమా రెగ్యులర్ షూటింగ్ త్వరలోనే ప్రారంభం కానుంది.
Also Read:నేటి నుంచి తిరుమలలో సర్వదర్శనం టోకెన్లు.. ఆ జిల్లా వాసులకు మాత్రమే అని చెప్పిన టీటీడీ
Also Read:చిలుకూరు బాలాజీ ఆలయంలో ప్రదక్షిణలు పునఃప్రారంభం
Also Read: మగువలకు గుడ్ న్యూస్…స్వల్పంగా తగ్గిన బంగారం ధరలు.. లేటెస్ట్ రేట్లు ఇలా...
Also Read:ఈ రాశులవారు ఈ రోజు ప్రయాణాలకు దూరంగా ఉండాలి.. ఆ రాశుల వారికి ఆర్థికంగా కలిసొచ్చే సమయం