మెగాస్టార్ చిరంజీవి (Chiranjeevi) ఫిల్మోగ్రఫీ చూస్తే... మాస్ అండ్ కమర్షియల్ సినిమాలు ఎక్కువగా కనిపిస్తాయి. కమర్షియల్ కథానాయకుడిగా ఆయనను ఎలివేట్ చేసే సన్నివేశాలు ఎక్కువ. మరి, మెగాస్టార్‌లోని నటుడి సంగతి ఏంటి? అటువంటి సన్నివేశాలకు చిరు స్థానమే దక్కింది. అయితే... ఆ నటుడిని ఒక్క వీడియోలో చూపించారు కృష్ణవంశీ.

క్రియేటివ్ డైరెక్టర్ కృష్ణవంశీ దర్శకత్వంలో వస్తున్న తాజా సినిమా 'రంగమార్తాండ' (Rangamarthanda Movie). ఇందులో ఓ షాయరీకి చిరంజీవి గళం అందించిన సంగతి తెలిసిందే. లక్ష్మీ భూపాల రాసిన ఆ షాయరీని ఇటీవల విడుదల చేశారు. ఇప్పుడు అదే షాయరీకి మరో వీడియో విడుదల చేశారు. 

నాలుగున్నర నిమిషాల నిడివి గల వీడియోలో చిరంజీవిలో నటుడిని మరోసారి మన ముందు ఆవిష్కరించారు కృష్ణవంశీ. మెగా నటనలో షేడ్స్ అన్నీ ఒక్క వీడియోలో చూపించారు. దీనికి విజయ నిర్మల మనవడు, నటుడు సీనియర్ నరేష్ కుమారుడు, హీరో అయిన నవీన్ విజయ కృష్ణ ఎడిటింగ్ చేశారని కృష్ణవంశీ చెప్పారు. 

Also Read : 'గ్యాంగ్ లీడర్'లో ఎస్పీగా నటించిన వల్లభనేని జనార్ధన్ మృతి - ఆయన బ్యాక్‌గ్రౌండ్‌ తెలుసా?

షాయరీలో ఏముంది? అనేది చూస్తే...''నేనొక నటుడ్నిచమ్కీల బట్టలేసుకునిఅట్ట కిరీటం పెట్టుకునిచెక్క కత్తి పట్టుకునికాగితపు పూల వర్షంలో కీలు గుర్రంపై స్వారీ చేసేచక్రవర్తిని నేనుకాలాన్ని బంధించి శాసించే నియంతను నేను

నేనొక నటుడ్నినాది కాని జీవితాలకు జీవం పోసే నటుడ్నినేను కాని పాత్రల కోసం వెతికే విటుడ్నివేషం కడితే అన్ని మతాల దేవుడ్నివేషం తీస్తే ఎవ్వరికీ కాని జీవుడ్ని

నేనొక నటుడ్నినవ్విస్తాను, ఏడిపిస్తాను, ఆలోచనల సంద్రంలో ముంచేస్తానుహరివిల్లుకు ఇంకో రెండు రంగులేసి నవరసాలూ మీకిస్తానునేను మాత్రం నలుపు తెలుపుల గందరగోళంలో బతుకుతుంటాను

నేనొక నటుడ్నిజగానికి జన్మిస్తానుసగానికి జీవిస్తానుయుగాలకు మరణిస్తానుపోయినా బ్రతికుంటాను

నేనొక నటుడ్నిలేనిది ఉన్నట్టు చూపే కనికట్టుగాడ్నిఉన్నది లేనట్టు చేసే టక్కుటమారపోడ్నిఉన్నదంతా నేనే అనుకునే అహం బ్రహ్మస్మినిఅసలు ఉన్నానో లేనో తెలియని ఆఖరి మనిషిని

నేనొక నటుడ్నిగతానికి వారధి నేనువర్తమాన సారథి నేనురాబోయే కాలంలో రాయబోయే చరిత్ర నేనుపూటపూటకూ రూపం మార్చుకునే అరుదైన జీవిని నేను

నేనొక నటుడ్నిపిడుగుల కంఠాన్ని నేనుఅడుగుల సింహాన్ని నేనునరం నరం నాట్యమాడే నటరాజు రూపాన్ని నేనుప్రపంచ రంగస్థలంలో పిడికెడు మట్టిని నేనుప్రచండంగా ప్రకాశించు రంగమార్తాండుడ్ని నేను

నేనొక నటుడ్నిఅసలు మొహం పోగొట్టుకున్న అమాయకుడ్నికానీ 9 తలలు ఉన్న నటరావణుడ్నినింగి, నేల రెండు అడుగులైతేమూడో పాదం మీ మనసుల మీద మోపే వామనుడ్నిమీ అంచనాలు దాటే ఆజానుబాహుడ్నిసంచలనాలు సృష్టించే మరో కొత్త దేవుడ్ని

నేనొక నటుడ్నిఅప్సరసల ఇంద్రుడ్నిఅందుబాటు చంద్రుడ్నిఅభిమానుల దాసుడ్నిఅందరికీ ఆప్తుడ్ని

చప్పట్లను భోంచేస్తూఈలలను శ్వాసిస్తూఅనుక్షణం జీవించే అల్పసంతోషిని నేనుమహా అదృష్టవంతుడ్ని నేనుతీర్చలేని రుణమేదో తీర్చాలని పరితపించేసగటు కళాకారుడ్ని నేను

ఆఖరి శ్వాస వరకూ నటనే ఆశ నాకునటుడిగా నన్ను ఇష్టపడ్డందుకు శతకోటి నమస్సులు మీకు''

'రంగమార్తాండ' చిత్రంలో ప్రకాష్ రాజ్, రమ్యకృష్ణ, బ్రహ్మానందం, అనసూయ భరద్వాజ్, శివాత్మికా రాజశేఖర్, సింగర్ రాహుల్ సిప్లిగంజ్, ఆదర్శ్ బాలకృష్ణ ప్రధాన పాత్రల్లో నటించారు. ప్రస్తుతం పోస్ట్ ప్రొడక్షన్ పనులు జరుగుతున్నాయి. త్వరలో సినిమాను విడుదల చేయడానికి సన్నాహాలు చేస్తున్నారు.

Also Read : 'బటర్ ఫ్లై' రివ్యూ : గొంగళి పురుగు సీతాకోక చిలుకలా మారినట్టు - అనుపమా పరమేశ్వరన్ ఎలా ఉందంటే?