సంక్రాంతి 2022 బరిలో తన 'శేఖర్' సినిమాను విడుదల చేయడానికి యాంగ్రీ స్టార్ రాజశేఖర్ సన్నాహాలు చేస్తున్నారని సమాచారం. హీరోగా ఆయన 91వ చిత్రమిది. ఫర్ ద ఫస్ట్ టైమ్... ఈ సినిమా కోసం రాజశేఖర్ తన లుక్ మార్చారు. సాల్ట్ అండ్ పెప్పర్ లుక్‌లో సినిమాలో కనిపించనున్నారు. ఆల్రెడీ రిలీజైన సినిమా లుక్ ఆడియ‌న్స్‌లో ఆస‌క్తి రేపింది. కరోనాకు ముందే ఈ సినిమా షూటింగ్ మొదలైంది. అయితే... కరోనా కారణంగా కొంత ఆలస్యమైంది. ఇప్పుడు సినిమా చిత్రీకరణ దాదాపుగా పూర్తయింది. నిర్మాణానంతర కార్యక్రమాలు జరుగుతున్నాయి. ఈ సినిమాను సంక్రాంతి బరిలో విడుదల చేయాలని భావిస్తున్నారట.
సంక్రాంతికి నాలుగైదు సినిమాలు విడుదలైన సందర్భాలు ఉన్నాయి. పరిశ్రమ, ప్రేక్షకుల్లో అంచనాలను తల్లకిందులు చేస్తూ కొన్ని సినిమాలు భారీ విజయాలు సాధించాయి. ఆ విధంగా రాజశేఖర్ 'శేఖర్' భారీ హిట్టయినా ఆశ్చర్యపోనవసరం లేదు. లలిత్ దర్శకత్వం వహించిన 'శేఖర్'లో 'జార్జ్ రెడ్డి' ఫేమ్ ముస్కాన్ హీరోయిన్. ఎంఎల్‌వి సత్యనారాయణ, శ్రీనివాస్ బొగ్గరం, రాజశేఖర్ కుమార్తెలు శివాని, శివాత్మిక చిత్రాన్ని నిర్మిస్తున్నారు.
నెక్స్ట్ ఇయర్ (2022) సంక్రాంతికి థియేటర్ల దగ్గర భారీ కాంపిటీషన్ ఉంది. పండగ కంటే ముందే యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా రాజమౌళి తెరకెక్కించిన 'ఆర్ఆర్ఆర్ : రౌద్రం రణం రుధిరం' ప్రేక్షకుల ముందుకు రానుంది. జనవరి 7న ఆ సినిమా విడుదల కానుంది. ఆ తర్వాత వారానికి రెబల్ స్టార్ ప్రభాస్ వస్తున్నాడు. 'రాధే శ్యామ్'ను జనవరి 14న విడుదల చేస్తున్నాడు. ఈ రెండూ పాన్ ఇండియన్ సినిమాలు. తెలుగుతో పాటు హిందీ, తమిళం, మలయాళం భాషల్లో విడుదల చేస్తున్నారు.
నిజం చెప్పాలంటే... పవర్ స్టార్ పవన్ కల్యాణ్, రానా దగ్గుబాటి హీరోలుగా నటిస్తున్న 'భీమ్లా నాయక్', సూపర్ స్టార్ మహేష్ బాబు 'సర్కారు వారి పాట' సినిమాలు కూడా సంక్రాంతి బరిలో ఉన్నాయి. అయితే... మహేష్ తన సినిమాను వాయిదా వేయాలని నిర్ణయించుకున్నట్టు ఫిలింనగర్ టాక్. మరి, 'భీమ్లా నాయక్' విషయంలో క్లారిటీ రావాల్సి ఉంది. ఈ నేపథ్యంలో భారీ పోటీ మధ్య యాంగ్రీ స్టార్ రాజశేఖర్ తన సినిమాను సంక్రాంతి బరిలోకి తీసుకు రావాలని అనుకోవడం విశేషమే.
Also Read: 'ఆర్ఆర్ఆర్' గ్లింప్స్‌లో ఇవి గ‌మ‌నించారా!?
Also Read: ఆర్ఆర్ఆర్... బ్రదర్ & బావా... 45 సెకన్లలో ఎలా?
Also Read: కాజల్ మేడమ్... ఇద్దరూ కలిసి తాగుతున్నారా!? తాగి తాగి సచ్చిపోండి!