భారీ అంచనాలతో డిసెంబర్ 22వ తేదీన ప్రపంచవ్యాప్తంగా విడుదల కాబోతుంది సలార్. తెలుగు రెబల్ స్టార్.. పాన్ ఇండియా స్టార్ ప్రభాస్ హీరోగా కేజీఎఫ్ డైరక్టర్ ప్రశాంత్ నీల్ కాంబినేషన్లో రూపొందిన ఈ భారీ బడ్జెట్ పాన్ ఇండియా మూవీగా తెరకెక్కించారు. మలయాళ సూపర్స్టార్ పృథ్వీరాజ్ సుకుమారన్ ఇందులో విలన్గా నటిస్తున్న విషయం మనకి తెలిసిందే. పృథ్వీరాజ్ పుట్టిన సందర్భంగా సలార్ మూవీలో ఆయనకు సంబంధించిన పోస్టర్ను అన్ని బాషల్లో విడుదల చేసింది చిత్రబృందం.
సరిగ్గా ఏడాది క్రితం పృథ్వీరాజ్ లుక్ని విడుదల చేసిన మూవీ టీమ్.. ఇప్పుడు విడుదల తేదీతో సహా పోస్టర్ రిలీజ్ చేసింది. ప్రభాస్ను ఢీకొట్టే విలన్ పాత్రలో ఆయన నటిస్తున్నారు. సలార్ పార్ట్ 1లో ప్రభాస్ పాత్ర నిడివి ఎక్కువగా ఉండగా.. పార్ట్ 2లో మాత్రం పృథ్వీరాజ్ పాత్రకి ప్రాధాన్యత ఎక్కువగా ఉండనున్నట్లు చిత్రబృందం తెలిపింది. మలయాళంలో పృథ్వీరాజ్కి ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. కేవలం నటుడిగానే కాకుండా దర్శకుడు, నిర్మాతగా కూడా సక్సెస్ అయ్యారు. ఈరోజు ఆయన పుట్టినరోజు సందర్భంగా పలువురు సినీ ప్రముఖులు ఆయనకు సోషల్ మీడియా వేదికగా విషెష్ చెప్తున్నారు.
ముందుగా ఈ చిత్రాన్ని సెప్టెంబర్ 28న విడుదల చేయాలని ప్రయత్నించింది చిత్రబృందం. అప్పట్లో అధికారికంగానే ఈ విషయాన్ని వెల్లడించింది. కానీ అది కాస్త ఆలస్యమై.. డిసెంబర్ 22వ తేదీన ప్రపంచవ్యాప్తంగా రిలీజ్ చేసేందుకు సిద్ధమయ్యారు. సినిమా విడుదల తేది దగ్గర పడుతుండటంతో ప్రభాస్, ప్రశాంత్ అండ్ టీమ్ పోస్ట్ ప్రొడక్షన్స్ వర్క్స్లో బిజీగా ఉన్నారు. హోంబలే ఫిలింస్ నుంచి నిర్మాత విజయ్ కిరగందూర్ ఈ చిత్రాన్ని నిర్మిస్తున్నారు. ఈ సినిమాలో శృతిహాసన్.. ఆద్య అనే పాత్ర పోషిస్తుంది. జగపతిబాబు కూడా ఈ సినిమాలో కీలకపాత్ర పోషిస్తున్నారు. సలార్ సిరీస్ రెండు భాగాలుగా రాబోతుంది. అందులో మొదటి పార్ట్ ఏడాది చివరకి వస్తుంది. ప్రపంచ వ్యాప్తంగా అత్యధిక స్క్రీన్లో రిలీజ్ కాబోతుంది.
Also Read : ప్రభాస్ దెబ్బకి వెనక్కి తగ్గిన షారుఖ్, ఆగిపోయిన 'డంకీ' - సోలోగా వస్తోన్న 'సలార్'!
బాహుబలి తర్వాత ఎలాంటి హిట్ కొట్టకపోయినా.. ఆదిపురుష్లాంటి డిజాస్టర్ తర్వాత కూడా ప్రభాస్ క్రేజ్ విషయంలో ఎలాంటి మార్పు రాలేదని సినిమా మార్కెట్ చూస్తే అర్థమవుతుంది. ప్రస్తుతం ప్రభాస్ ఫ్యాన్స్ ఆశలన్నీ సలార్, కల్కి సినిమాలపైనే ఉన్నాయి. మారుతీ డైరక్షన్లో మరో చిత్రం కూడా తెరకెక్కుతుంది. అయితే సలార్ విషయంలో ప్రభాస్ క్రేజ్తో పాటు ప్రశాంత్ నీల్ క్రేజ్ కూడా నిర్మాతలకు బాగానే కలిసి రానుంది. కేజీఎఫ్తో భారీ హిట్ కొట్టిన డైరెక్టర్.. కేజీఎఫ్ వలె ఈ సినిమాను కూడా రెండు పార్ట్లుగా రిలీజ్ చేస్తున్నారు. ఈ భారీ సినిమా విడుదల కోసం.. పెద్ద, చిన్నా తేడాలేకుండా కొన్ని చిత్రాలు తమ విడుదల తేదీని అడ్జెస్ట్ చేసుకున్నాయి.
Also Read : ప్రభాస్ - మారుతి మూవీ నుంచి మరోసారి లీకైన ఫోటోలు - షాకింగ్ లుక్లో డార్లింగ్!