పాన్ ఇండియా స్టార్ ప్రభాస్ నటిస్తోన్న చిత్రం 'రాధేశ్యామ్'. రాధాకృష్ణకుమార్ డైరెక్ట్ చేస్తోన్న ఈ సినిమాలో పూజాహెగ్డే హీరోయిన్ గా నటిస్తోంది. అయితే ఈ సినిమా షూటింగ్ సమయంలో ప్రభాస్, పూజాహెగ్డేల మధ్య విభేదాలు తలెత్తాయని సోషల్ మీడియాలో వార్తలు గుప్పుమన్నాయి. ఆ కారణంగానే వీరిద్దరికి సంబంధించిన స్నానివేశాలను విడివిడిగా చిత్రీకరిస్తున్నట్లు ప్రచారం జరుగుతోంది. అంతేకాదు.. పూజాహెగ్డే సెట్ కి ఆలస్యంగా వస్తుందని.. ఈ విషయంలో ప్రభాస్ బాగా సీరియస్ అయ్యాడని అంటున్నారు.
Also Read: 'లైగర్' సెట్స్ లో బాలయ్య.. 'జై' కొట్టిన విజయ్ దేవరకొండ..
ఈ వార్తలు మేకర్స్ దృష్టికి వెళ్లడంతో వారు స్పందించారు. తాజాగా ఓ నేషనల్ మీడియాతో మాట్లాడిన వారు.. ప్రభాస్, పూజాహెగ్డేకు పడడం లేదని వస్తోన్న వార్తల్లో ఎంతమాత్రం నిజం లేదని.. అవన్నీ కేవలం రూమర్లు మాత్రమేనని.. వారిద్దరూ బాగున్నారని చెప్పారు. సినిమాలో ప్రభాస్-పూజాహెగ్డేల ఆన్ స్క్రీన్ రొమాన్స్ అద్భుతంగా ఉంటుందని.. ఈ జంట తెరపై అందరినీ అలరించడం ఖాయమని అన్నారు.
సెట్లో పూజాహెగ్డే ప్రవర్తన గురించి చెబుతూ.. ఆమె సమయపాలన పాటిస్తుందని, ఆమెతో పనిచేయడం కంఫర్ట్ గా ఉంటుందని అన్నారు. మేకర్స్ చెప్పినదాని ప్రకారం చూస్తుంటే.. పూజా-ప్రభాస్ ల మధ్య ఎలాంటి గొడవలు లేవని అర్ధమవుతోంది. అయితే కొందరు నెటిజన్లు మాత్రం నిప్పు లేనిదే పొగ రాదు అంటూ కామెంట్స్ చేస్తున్నారు.
ఇక ఈ సినిమా విషయానికొస్తే.. 1970ల కాలంలో యూరప్ నేపథ్యంలో సాగే రొమాంటిక్ ఎంటర్టైనర్ గా సినిమాను తెరకెక్కిస్తున్నారు. గోపీకృష్ణ మూవీస్, యూవీ క్రియేషన్స్ బ్యానర్ల సంయుక్త సమర్పణలో సినిమాను నిర్మిస్తున్నారు. ఈ సినిమాలో కృష్ణంరాజు గెస్ట్ రోల్ లో నటించగా.. భాగ్య శ్రీ, సచిన్ కేడ్కర్, ప్రియదర్శి, సాషా ఛేత్రీ తదితరులు కీలక పాత్రలు పోషిస్తున్నారు. సంక్రాంతి కానుకగా 2022 జనవరి 14న ఈ సినిమాను ప్రపంచవ్యాప్తంగా తెలుగు, హిందీ, తమిళం, కన్నడ, మలయాళ భాషలలో విడుదల చేయనున్నారు.
Also Read: కాజల్ మెస్మరైజింగ్ లుక్.. ఫోటోషూట్ తో రూమర్లకు చెక్ పెట్టిన బ్యూటీ..
Also Read: టాలీవుడ్‌లో ‘మెగా’ సందడి.. వరుస చిత్రాలతో చిరు ప్రభంజనం.. ఫ్యాన్స్‌కు పూనకాలే!
Also read: సాయిధరమ్ తేజ్ ‘రిపబ్లిక్’ ట్రైలర్ అదుర్స్... విడుదల ఎప్పుడంటే... చిరు ట్వీట్
Also Read: కొణిదెల శివశంకర వర ప్రసాద్.. చిరంజీవిగా ఎలా మారారు? అరుదైన ఫొటోలతో ‘చిరు’ చిత్రమాలిక