Upcoming Telugu Movies OTT Web Series List In June 3rd Week: ఈ వారం మూవీ లవర్స్‌కు నిజంగా ఫుల్ ఎంటర్‌టైన్‌మెంట్. అటు థియేటర్స్, ఇటు ఓటీటీల్లో లేటెస్ట్ మూవీస్‌తో పాటు పలు వెబ్ సిరీస్‌లు రిలీజ్ కానున్నాయి. యాక్షన్, కామెడీ, లవ్, సోషల్ ఎలిమెంట్ అంశాలతో కూడిన మూవీస్ అలరించబోతున్నాయి. ఆ లిస్ట్ ఓసారి చూస్తే..

ధనుష్ 'కుబేర'

కోలీవుడ్ స్టార్ ధనుష్, కింగ్ నాగార్జున ప్రధాన పాత్రల్లో నటించిన లేటెస్ట్ మూవీ 'కుబేర'. ఈ మూవీకి శేఖర్ కమ్ముల దర్శకత్వం వహించగా.. ఇప్పటికే రిలీజ్ అయిన సాంగ్స్, ట్రైలర్ భారీ హైప్ క్రియేట్ చేశాయి. ప్రపంచంలోనే రిచ్చెస్ట్ పర్సన్‌కు ఓ బిచ్చగాడికి మధ్య జరిగిన సంఘర్షణే ప్రధానాంశంగా మూవీ తెరకెక్కినట్లు  తెలుస్తోంది. ఈ నెల 20న (శుక్రవారం) సినిమా ప్రేక్షకుల ముందుకు రానుంది.

అనంతిక '8 వసంతాలు'

అనంతిక సానిల్ కుమార్ ప్రధాన పాత్రలో నటించిన లేటెస్ట్ మూవీ '8 వసంతాలు'. ఈ మూవీకి ఫణీంద్ర నర్సెట్టి దర్శకత్వం వహించగా.. హనురెడ్డి, కన్న పసునూరి, దుగ్గిరాల రవితేజ కీలక పాత్రలు పోషించారు. మైత్రీ మూవీ మేకర్స్ బ్యానర్‌పై నవీన్ యెర్నేని, వై.రవిశంకర్ మూవీని నిర్మిస్తున్నారు. ఇప్పటికే రిలీజ్ చేసిన ట్రైలర్, లుక్స్ ఆకట్టుకుంటున్నాయి. ఈ నెల 20న మూవీ ప్రేక్షకుల ముందుకు రానుంది.

ఆమిర్ 'సితారే జమీన్ పర్'

బాలీవుడ్ స్టార్ ఆమిర్ ఖాన్, జెనీలియా జంటగా నటించిన లేటెస్ట్ స్పోర్ట్స్ డ్రామా 'సితారే జమీన్ పర్'. 'తారే జమీన్ పర్'కు సీక్వెల్‌గా మూవీని ఆర్.ఎస్. ప్రసన్న తెరకెక్కించగా.. ఆమిర్ ఖాన్ ప్రొడక్షన్ సంస్థ నిర్మిస్తోంది. ఈ నెల 20న హిందీ, తెలుగు భాషల్లో ప్రేక్షకుల ముందుకు రానుంది.

Also Read: బ్యానర్లు రాసిన చోటే భారీ కటౌట్.. అరటిపళ్లు అమ్మిన తండ్రి - ప్రభాస్‌తో సినిమా తీసిన కొడుకు.. డైరెక్టర్ మారుతి ఎమోషనల్ స్టోరీ 

ఓటీటీల్లోకి వచ్చే మూవీస్, వెబ్ సిరీస్‌ల లిస్ట్

జూన్ 17 - ఫైనల్ డెస్టినేషన్ (ఇంగ్లిష్ మూవీ - అమెజాన్ ప్రైమ్ వీడియో), ఫైట్ ఆర్ ఫ్లైట్ (ఇంగ్లిష్ మూవీ - అమెజాన్ ప్రైమ్ వీడియో), ట్రైన్ వ్రెక్ (ఇంగ్లిష్ మూవీ - నెట్ ఫ్లిక్స్), లాటిన్ బ్లడ్ (నెట్ ఫ్లిక్స్)

జూన్ 18 - వి వర్ లియర్స్ (ఇంగ్లీష్ వెబ్ సిరీస్ - అమెజాన్ ప్రైమ్ వీడియో), ది బుక్కనీర్స్ సీజన్ 2 (యాపిల్ టీవీ ప్లస్), సర్వైవింగ్ ఓహియో స్టేట్ (ఇంగ్లిష్ డాక్యుమెంటరీ - జియో హాట్‌స్టార్) 

జూన్ 19 - కొల్ల (తెలుగు మూవీ - ఈటీవీ విన్), ది వాటర్ ఫ్రంట్ (ఇంగ్లిష్ సిరీస్ - నెట్ ఫ్లిక్స్)

జూన్ 20 - ద పెట్ (తమిళ్ మూవీ - సన్ నెక్స్ట్), ఆప్ కైసే హో (సన్ నెక్స్ట్), కేరళ క్రైమ్ ఫైల్స్ సీజన్ 2 (జియో హాట్ స్టార్), ప్రిన్స్ అండ్ ఫ్యామిలీ (మలయాళం మూవీ - జీ5), డిటెక్టివ్ షెర్డిల్ (వెబ్ సిరీస్ - జీ5), గ్రౌండ్ జీరో (జీ5), ఫౌండ్ సీజన్ 2 (జియో హాట్ స్టార్), గ్రెన్ ఫెల్ (నెట్ ఫ్లిక్స్), పాప్ డామన్ హంటర్స్ (నెట్ ఫ్లిక్స్), ఐ ఫర్ యాన్ ఐ (ప్రైమ్ వీడియో), సెమీ సోయిటర్ (నెట్ ఫ్లిక్స్), ఒలింపో (స్పానిష్ సిరీస్ - నెట్ ఫ్లిక్స్), ఏ లాగోస్ లవ్ స్టోరీ (నెట్ ఫ్లిక్స్).