లాక్ డౌన్ సమయంలో పాపులర్ అయిన వెబ్ సిరీస్ లలో 'స్క్విడ్ గేమ్' ఒకటి. ఈ కొరియన్ వెబ్ సిరీస్ ను ఇంగ్లీష్ లో కూడా స్ట్రీమింగ్ చేయడంతో ప్రపంచవ్యాప్తంగా జనాలంతా చూశారు. ఈ సిరీస్ కి విపరీతమైన క్రేజ్ రావడంతో నెట్ ఫ్లిక్స్ సంస్థ ప్రాంతీయ భాషల్లో కూడా డబ్బింగ్ చేసి స్ట్రీమింగ్ చేస్తోంది. 'స్క్విడ్ గేమ్' ఇచ్చిన థ్రిల్ గురించి ఎంత చెప్పుకున్నా తక్కువే. ఓటీటీల్లో వ్యూస్ పరంగా అన్ని రికార్డులను బద్దలు కొట్టింది ఈ సిరీస్. 


ఒక్కో ఎపిసోడ్ తీవ్ర ఉత్కంఠకు గురి చేస్తుంది. ప్రతీ క్యారెక్టర్ కి ఆడియన్ కనెక్ట్ అవుతాడు. వయిలెన్స్ ఎక్కువ ఉన్నప్పటికీ.. అన్ని వర్గాల ప్రేక్షకులను మెప్పించడంతో ఈ సిరీస్ సక్సెస్ అయింది. ఇప్పుడు 'స్క్విడ్ గేమ్' మీద చాలా గేమ్స్ కూడా వస్తున్నాయి. ఈ సిరీస్ చూసిన వారంతా సీజన్ 2 ఎప్పుడు వస్తుందా..? అని ఆసక్తిగా ఎదురుచూస్తున్నారు. 


అలాంటి వారికి ఓ గుడ్ న్యూస్ చెప్పారు 'స్క్విడ్ గేమ్' దర్శకుడు హ్వాంగ్ డాంగ్ హ్యూక్. సెకండ్ సీజన్ కి సంబంధించిన షూటింగ్ మొదలవుతుందని.. తొలిసీజన్ కి ధీటుగా సెకండ్ సీజన్ ఉంటుందని చెప్పారు. సీజన్ 2లో పాత క్యారెక్టర్స్ తో పాటు కొన్ని కొత్త పాత్రలు కూడా ఎంటర్ అవ్వబోతున్నాయి.  


నిజానికి ఈ సిరీస్ కాన్సెప్ట్ షాకింగ్ గా ఉంటుంది. మల్టీ మిలియనీర్స్ అయిన కొందరు వ్యక్తులు.. డబ్బు అవసరం ఉన్న వారిని ఎన్నుకొని.. వారితో డేంజరస్ గేమ్స్ ఆడిస్తుంటారు. ఈ క్రమంలో ఒక్కొక్కరూ ప్రాణాలు కోల్పోతుంటారు. ఈ గేమ్ ప్రాసెస్ ను చూసి ఎంజాయ్ చేస్తుంటారు మిలియనీర్స్. ఆ గేమ్స్ సాగే తీరు చాలా ఉత్కంఠంగా ఉంటుంది. సీజన్1 అయితే చాలా ఇంట్రెస్టింగ్ గా ఉంటుంది. మరి సీజన్ 2 ఎంతవరకు మెప్పిస్తుందో చూడాలి!


Also Read: ఆరోజు 'పంజా' ఈరోజు 'మేజర్' - పవన్ మాటలకు అడివి శేష్ రిప్లై


Also Read: పొట్టి బట్టలు వేసుకోవడంతో తప్పు లేదు కానీ - సాయిపల్లవి కామెంట్స్