Citadel India Glimpse: ప్రస్తుతం సమంత చేతిలో సినిమాలు ఏమీ లేవు. ఒక్క వెబ్ సిరీస్‌తో మాత్రమే తను బిజీగా ఉంది. అదే ‘సిటాడెల్’. సమంత, వరుణ్ దావణ్.. ఈ సిరీస్‌లో జంటగా నటిస్తున్నారు. రాజ్, డీకే.. ఈ మూవీకి దర్శకులుగా వ్యవహరిస్తున్నారు. ఇప్పటివరకు ‘సిటాడెల్’ నుండి ఎలాంటి అప్డేట్ బయటికి రాలేదు. కానీ మొదటిసారి షూటింగ్ పూర్తయినట్టు, టీమ్ అంతా కలిసి గ్లింప్స్ చూసినట్టుగా ఫోటోలు షేర్ చేశారు. ఇక షూటింగ్ పూర్తయ్యి.. పోస్ట్ ప్రొడక్షన్ దశలో అడుగుపెట్టడంతో త్వరలోనే ‘సిటాడెల్’ ప్రేక్షకుల ముందుకు రానుందని నెటిజన్లు అంచనా వేస్తున్నారు. తాజాగా ఈ సిరీస్‌కు సంబంధించిన గ్లింప్స్ గురించి సమంత తన సోషల్ మీడియాలో షేర్ చేసింది.
ఫైనల్‌గా చూడడానికి కుదిరింది..
తాజాగా సమంత సోషల్ మీడియాలో షేర్ చేసిన పోస్టులో తనతో పాటు రాజ్, డీకే, వరుణ్ ధాన్ కలిసి ఏదో చూస్తున్నారు. వాళ్లు చూసేది ఏంటో రిలీల్ చేయలేదు కానీ.. అది కచ్చితంగా ‘సిటాడెల్’కు సంబంధించిన గ్లింప్స్ అని నెటిజన్లు ఫిక్స్ అయిపోతున్నారు. ‘ఈరోజు ఫైనల్‌గా ఒకటి చూడడానికి కుదిరింది. అది చూసిన తర్వాత మాకు సంతోషంగా ఉంది’ అంటూ అందరితో దిగిన ఫోటోలను సమంతతో పాటు వరుణ్ ధావన్ కూడా తమ ఇన్‌స్టాగ్రామ్‌లో షేర్ చేశారు. ఇక ‘సిటాడెల్’లో తన పాత్రకు డబ్బింగ్ కూడా ప్రారంభించినట్టుగా సమంత మరో అప్డేట్‌ను కూడా ఫ్యాన్స్‌తో పంచుకుంది. దీనికి ‘లెట్స్ గో’ అంటూ క్యాప్షన్‌ను యాడ్ చేసింది.
అమెరికన్ వెబ్ సిరీస్‌కు రీమేక్..
ఇక ‘సిటాడెల్ ఇండియా’ వెబ్ సిరీస్‌లో సమంత, వరుణ్ ధావన్‌తో పాటు సిఖందర్ ఖేర్, ఎమ్మా క్యానింగ్ కూడా కీలక పాత్రల్లో కనిపించనున్నారు. సెర్బియా, ఇండియాలో ఈ సిరీస్ షూటింగ్ జరిగింది. ఇది ‘సిటాడెల్’ అనే అమెరికన్ వెబ్ సిరీస్‌కు రీమేక్‌గా తెరకెక్కింది. అందులో రిచార్డ్ మాడ్డెన్, ప్రియాంక చోప్రా హీరోహీరోయిన్లుగా నటించారు. అప్పట్లో ఈ వెబ్ సిరీస్ స్పెషల్ స్క్రీనింగ్‌లో సమంతతో పాటు వరుణ్ ధావన్ కూడా పాల్గొన్నాడు. ఈ వెబ్ సిరీస్‌కు ప్రేక్షకుల దగ్గర నుండి మిక్స్‌డ్ రివ్యూలు వచ్చాయి. ఇక ‘సిటాడెల్ ఇండియా’కు ఎలాంటి రెస్పాన్స్ వస్తుందా.. రాజ్, డీకే ఎలాంటి మార్పులు చేశారా అని సమంత ఫ్యాన్స్ ఆసక్తిగా ఎదురుచూస్తున్నారు.
అమెజాన్ ప్రైమ్‌లో స్ట్రీమింగ్..
అమెజాన్ ప్రైమ్‌లో ‘సిటాడెల్ ఇండియా’ వెబ్ సిరీస్ స్ట్రీమింగ్ కానుంది. కానీ స్ట్రీమింగ్ ఎప్పటినుండి ప్రారంభమవుతుంది అనే వివరాలు ఇంకా బయటికి రాలేదు. ఇక రాజ్, డీకేలతో కలిసి సమంత ఇంతకు ముందే ‘ఫ్యామిలీ మ్యాన్ 2’ అనే వెబ్ సిరీస్ చేసింది. ఈ వెబ్ సిరీస్‌తోనే సామ్ వెబ్ వరల్డ్‌లోకి అడుగుపెట్టింది. ‘ఫ్యామిలీ మ్యాన్ 2’ కోసం మొదటిసారి విలన్‌గా మారింది ఈ భామ. ఇందులో సమంత నటనకు బాలీవుడ్ ప్రేక్షకులంతా ఫిదా అయిపోయారు. అందులో తను చేసిన రాజీ అనే పాత్రకు సమంతకు బాలీవుడ్‌లో విపరీతమైన పాపులారిటీని తెచ్చిపెట్టింది. ఇప్పుడు మరోసారి అదే దర్శకులతో కలిసి ‘సిటాడెల్’ చేసింది. మరి ఈ ముగ్గురి కాంబినేషన్ మరోసారి అదే రేంజ్‌లో హిట్ అవుతుందేమో చూడాలి.
Also Read: ‘వార్ 2’ షూటింగ్ ముహూర్తం ఫిక్స్? ఎన్టీఆర్ కోసం హృతిక్ వెయిటింగ్!