Mirzapur 3 Trailer: ‘మీర్జాపూర్ 3’ నుంచి అదిరిపోయే అప్ డేట్, ట్రైలర్ వచ్చేస్తోంది.. కొన్ని గంటల్లో - టైమ్ గుర్తుపెట్టుకోండి

ప్రేక్షకులను ఎంతగానో ఆకట్టుకున్న ‘మీర్జాపూర్’ సీజన్ 3 విడుదలకు రెడీ అవుతోంది. ఇప్పటికే స్ట్రీమింగ్ డేట్ అనౌన్స్ చేసిన అమెజాన్ ప్రైమ్.. తాజాగా ట్రైలర్ విడుదల ఎప్పుడో చెప్పేసింది.

Mirzapur Season 3: సినీ అభిమానులు ఆసక్తిగా ఎదురు చూస్తున్న ‘మీర్జాపూర్’ వెబ్ సిరీస్ సీజన్ 3 త్వరలోనే రిలీజ్ కాబోతోంది. ఇప్పటికే రెండు సీజన్లు అద్భుత ఆదరణ దక్కించుకున్న నేపథ్యంలో భారీ అంచనాల నడుమ మూడో సీజన్ అభిమానులను అలరించబోతోంది. జులై 5న అమెజాన్ ప్రైమ్ ఓటీటీ వేదికగా స్ట్రీమింగ్ కానుంది. ఈ నేపథ్యంలోనే ‘మీర్జాపూర్ 3’కి సంబంధించి కీలక అప్ డేట్ ఇచ్చింది ప్రైమ్ వీడియో. తాజా సిరీస్ కు సంబంధించిన ట్రైలర్ విడుదల తేదీని అఫీషియల్ గా అనౌన్స్ చేసింది. జూన్ 20న ట్రైలర్ రిలీజ్ చేయనున్నట్లు తెలిపింది. ఈ విషయాన్ని పోస్టర్ ద్వారా ప్రేక్షకులకు వెల్లడించింది. అయితే ఎన్ని గంటలకు రిలీజ్ చేస్తారో చెప్పలేదు.

అద్భుత ఆదరణ దక్కించుకున్న రెండు సీజన్లు

‘మీర్జాపూర్’ వెబ్ సిరీస్ క్రైమ్ ఇంటెన్స్ డ్రామాగా రూపొందాయి. మీర్జాపూర్ మీద పట్టుకోసం జరిగే కుట్రలు, కుతంత్రాలు, ప్రతీకార దాడులు ప్రేక్షకులను బాగా ఆకట్టుకున్నాయి. 2018లో ‘మీర్జాపూర్’ వెబ్ సిరీస్ విడుదలై కనీవినీ ఎరుగని రీతిలో వ్యూస్ అందుకుంది. ఆ తర్వాత 2020లో రెండో సీజన్ విడుదల అయ్యింది. ఈ సిరీస్ మొదటి సీజన్ తో పోల్చితే మరింత బాగా ఆదరణ దక్కించుకుంది. సుమారు నాలుగు సంవత్సరాల తర్వాత ‘మీర్జాపూర్ 3’ ప్రేక్షకుల ముందుకు రాబోతోంది. మీర్జాపూర్‌ మీద ఆధిపత్యం కోసం ఈ సీజన్ లోనూ పోరు కొనసాగనుంది. జూలై 5 నుంచి అమెజాన్ ప్రైమ్ వీడియోలో స్ట్రీమింగ్ కానుంది. ప్రేక్షకులు ఈ సీజన్ కోసం వేయికళ్లతో ఎదురు చూస్తున్నారు.  

‘మీర్జాపూర్ 3’తో మరిన్ని కొత్త క్యారెక్టర్లు

ఇక ‘మీర్జాపూర్’ సీజన్ 3లో పంకజ్ త్రిపాఠి, అలీ ఫజర్, రసిక దుగల్, శ్వేత త్రిపాఠి శర్మ, విజయ్ వర్మ, ఇషా తల్వార్, అంజుమ్ శర్మ, ప్రియాన్షు పైన్యులీ, హర్షిత శేఖర్ గౌర్, రాజేశ్ తైలాంగ్, షీబా చద్దా కీలక పాత్రల్లో నటిస్తున్నారు. తాజా సీజన్ లో గుడ్డు, గోలు, ఆఖండతో పాటు మరికొన్ని పాత్రలు పరిచయం కానున్నట్లు తెలుస్తోంది. ‘మీర్జాపూర్’ సీజన్ 2లో మున్నాభాయ్ హత్యతో గుడ్డు ప్రతీకారం తీర్చుకుంటాడు. ఇప్పుడు మున్నా మర్డర్ కు అఖండానంద్ రివేంజ్ తీసుకునే అవకాశం ఉన్నట్లు టీజర్ లో మేకర్స్ వెల్లడించారు.   

జులై 5న పలు భాషల్లో విడుదల

‘మీర్జాపూర్ 3’కి కరణ్ ఆయుష్మాన్, గుర్మీత్ సింగ్, మిహిర్ దేశాయ్ దర్శకత్వం వహిస్తున్నారు.  ఎక్సెల్ ఎంటర్‌టైన్‍మెంట్ బ్యానర్ ఈ సిరీస్ ను నిర్మించింది. రీసెంట్ గా విడుదలైన టీజర్ ప్రేక్షకులను ఓ రేంజిలో ఆకట్టుకుంది. ఈ టీజర్ సిరీస్ మీద భారీగా అంచనాలు పెంచింది. ఇక ట్రైలర్ తో ‘మీర్జాపూర్ 3’పై మరింత బజ్ ఏర్పడేలా ప్లాన్ చేస్తున్నారు మేకర్స్. జులై 5న పలు భారతీయ భాషల్లో ఈ వెబ్ సిరీస్ స్ట్రీమింగ్ కానుంది.