తమన్నా భాటియా (Tamannaah Bhatia) ప్రధాన పాత్రలో నటించిన సినిమా 'బబ్లీ బౌన్సర్' (Babli Bouncer Movie). ఈ రోజు ఫస్ట్ లుక్ విడుదల చేశారు. అలాగే, సినిమా విడుదల తేదీని సైతం వెల్లడించారు.
బాలీవుడ్ దర్శకుడు మధుర్ బండార్కర్ తెరకెక్కించిన 'బబ్లీ బౌన్సర్' డైరెక్టుగా ఓటీటీలో విడుదల కానుంది. హిందీ, తెలుగు, తమిళ భాషల్లో సెప్టెంబర్ 23న డిస్నీ ప్లస్ హాట్ స్టార్ ఓటీటీలో ఎక్స్‌క్లూజివ్‌గా రిలీజ్ కానుంది.
Also Read : ఓటీటీలోకి మాధవన్ 'రాకెట్రీ' - విడుదల ఎంతో దూరంలో లేదు, సినిమా ఎప్పుడు వస్తుందంటే?
నార్త్ ఇండియాలో రియల్ బౌన్సర్ టౌన్ అసోలా ఫతేపూర్ లో 'బబ్లీ బౌన్సర్' సినిమా తెరకెక్కించారు. ఇంతకు ముందు ఎప్పుడూ చేయనటువంటి పాత్రలో తమన్నా కనిపించనున్నారు. చక్కటి కథ, కామెడీతో ఫీల్ గుడ్ ఎంట‌ర్‌టైన‌ర్‌గా సినిమా ఉంటుందని చిత్ర బృందం చెబుతోంది. స్టార్ స్టూడియోస్, జంగిల్ పిక్చర్స్ సంయుక్తంగా నిర్మించిన చిత్రమిది. ఇందులో సౌరబ్ శుక్లా, అభిషేక్ బజాజ్, సబిల్ వైడ్ తదితరులు నటించారు.
తమన్నా తెలుగు సినిమాలకు వస్తే... మెగాస్టార్ చిరంజీవి సరసన 'భోళా శంకర్'లో నటిస్తున్నారు. సత్యదేవ్ సరసన ఆమె నటించిన 'గుర్తుందా శీతాకాలం' ఆగస్టులో విడుదల కానుంది. 'బోల్ చుడియా', 'ప్లాన్ ఎ ప్లాన్ బి'... హిందీలో మరో రెండు సినిమాలు చేస్తున్నారు.
Also Read : అది పాస్తా వల్ల వచ్చిన కడుపు, ప్రెగ్నన్సీ కాదు - రూమర్లకు చెక్ పెట్టిన కరీనా కపూర్