యంగ్ టైగర్ ఎన్టీఆర్, ప్రశాంత్ నీల్ కాంబినేషన్ లో సినిమా రాబోతున్న సంగతి తెలిసిందే. నిన్న ఎన్టీఆర్ పుట్టినరోజు సందర్భంగా ఈ సినిమాలో ఎన్టీఆర్ లుక్ ఎలా ఉండబోతుందో రివీల్ చేశారు. ఈ ఇంటెన్స్ పోస్టర్ సోషల్ మీడియాలో బాగా వైరల్ అవుతోంది. ఇదిలా ఉండగా.. ఇప్పుడు ఈ సినిమాకి సంబంధించిన క్రేజీ రూమర్ చక్కర్లు కొడుతోంది. 


అదేంటంటే.. ఈ సినిమాలో యూనివర్శల్ హీరో కమల్ హాసన్ నటించబోతున్నారట. సినిమాలో ఆయన నెగెటివ్ షేడ్స్ ఉన్న క్యారెక్టర్ లో కనిపిస్తారని చెబుతున్నారు. ఇది ఎంతవరకు నిజమో చిత్రబృందం క్లారిటీ ఇస్తుందేమో చూడాలి. కానీ ఎన్టీఆర్ సినిమాలో కమల్ హాసన్ అంటే అంచనాలు పెరిగిపోవడం ఖాయం. ఇద్దరు క్రేజీ స్టార్స్ ను ప్రశాంత్ నీల్ డైరెక్షన్ చూసే ఛాన్స్ వస్తే ఫ్యాన్స్ కి పూనకాలే. 


గతంలో ఎన్టీఆర్.. ప్రకాష్ రాజ్, మోహన్ లాల్ లాంటి టాలెంటెడ్ నటులతో స్క్రీన్ షేర్ చేసుకున్నారు. ఇప్పుడు కమల్ హాసన్ గనుక ఈ సినిమా ఒప్పుకుంటే మరో క్రేజీ ప్రాజెక్ట్ కావడం ఖాయం. ఎన్టీఆర్ నటించనున్న 31వ సినిమా ఇది. దీనిని మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా నిర్మిస్తోంది. కొన్నిరోజుల క్రితం ఈ సినిమా గురించి ఎన్టీఆర్ మాట్లాడారు. అక్టోబర్ 2022లో సినిమా స్టార్ట్ అవుతుందని.. 'కేజీఎఫ్' రేంజ్‌లో సినిమా ఉంటుందని చెప్పారు.


Also Read: మీకు ఎప్పటికీ రుణపడి ఉంటాను - ఎన్టీఆర్ థాంక్యూ లెటర్


Also Read: ‘కేన్స్‌’లో పూజా హెగ్డేకు చేదు అనుభవం, ఆమె కోసం వారు నిద్రాహారాలు మానేశారట!