'రాక్ స్టార్' సినిమాతో బాలీవుడ్ లో హీరోయిన్ గా ఎంట్రీ ఇచ్చింది నర్గీస్ ఫక్రి. తొలి సినిమాతోనే హిట్ అందుకున్న ఈ బ్యూటీ ఆ సక్సెస్ ను కంటిన్యూ చేయలేకపోయింది. దీంతో బ్రేక్ తీసుకొని మళ్లీ సినిమాల్లోకి రీఎంట్రీ ఇచ్చింది. ఇదిలా ఉండగా.. కొంతకాలంగా కాశ్మీర్ వ్యాపారవేత్త టోనీ బేగ్ తో నర్గీస్ డేటింగ్ చేస్తుందంటూ వార్తలు వస్తున్నాయి. వీటిపై స్పందించింది ఈ బ్యూటీ.
జీవితంలో అందరూ ప్రేమలో పడతారు కానీ తను సెలబ్రిటీ కావడంతో దాన్ని ప్రత్యేకంగా చూస్తారని.. అంతేకాకుండా సెలబ్రిటీల శరీరాల గురించి మాట్లాడుకుంటారని చెప్పింది. అనుకోకుండా.. బ్రేక్ తీసుకుంటే మెటర్నిటీ లీవ్ అని తేల్చేశారని అసహనం వ్యక్తం చేసింది. తను ఇండియాకు వచ్చిన కొత్తలో సన్నగా ఉండడంతో.. కొందరు బరువు పెరగాలని సలహా ఇచ్చారని తెలిపింది.
దీంతో బరువు పెరిగానని.. కాస్త లావుగా కనిపించేసరికి బాడీ షేమింగ్ చేయడం మొదలుపెట్టారని మండిపడింది. తను గర్భవతి అని ప్రచారం చేయడం.. ఎంతో బాధించిందని చెప్పుకొచ్చింది. ఆ తరువాత రియలైజ్ అయ్యి ఆరోగ్యం కోసం బరువు తగ్గానని చెప్పుకొచ్చింది. 2016లో 'అజహర్' సినిమా తరువాత దాదాపు మూడేళ్లు గ్యాప్ తీసుకున్న నర్గీస్.. 2018లో '5 వెడ్డింగ్స్' సినిమాలో కనిపించింది. ప్రస్తుతం ఈ బ్యూటీ పవన్ కళ్యాణ్ 'హరిహర వీరమల్లు' సినిమాలో కీలకపాత్ర పోషిస్తుంది.
Also Read: మా అక్కా? నేనా? బాయ్‌ ఫ్రెండ్‌ తో లేచిపోయింది ఎవర్రా? - శివాత్మిక ఫైర్