హైపర్ ఆది అంటే వెంటనే గుర్తుకొచ్చేది అతడి పంచ్‌లే. ఆది మాట్లాడటం మొదలుపెడితే చాలు.. పంచ్‌ల ప్రవాహం సాగుతూనే ఉంటుంది. అయితే, ఆది ఈ మధ్య ‘జబర్దస్త్’లో కనిపించడం లేదు. సినిమా అవకాశాల వల్ల హైపర్ ఆది ‘జబర్దస్త్’కు దూరమైనట్లు తెలుస్తోంది. ప్రస్తుతం సుధీర్, గెటప్ శ్రీను, సుడిగాలి సుధీర్ లేకుండానే ఇప్పుడు ‘జబర్దస్త్’, ‘ఎక్స్‌ట్రా జబర్దస్త్’ నడుస్తోంది. అయితే, ఆది ఇంకా ‘ఢీ’, ‘శ్రీదేవి డ్రామా కంపెనీ’ షోస్ మాత్రం వదల్లేదు. మళ్లీ ‘జబర్దస్త్’లో చేస్తాడా లేదా అనేది కూడా స్పష్టత లేదు.
జూన్ 9న ప్రసారం కానున్న ‘జబర్దస్త్’ షో ప్రోమోలో కూడా హైపర్ ఆది కనిపించలేదు. కేవలం రైజింగ్ రాజు టీమ్ మాత్రమే ఉన్నారు. ప్రస్తుతం రాకెట్ రాఘవ ఒక్కడే షోను తన భుజాలపై మోస్తున్నట్లు తెలుస్తోంది. మిగతావారి స్కిట్లు అంతంత మాత్రంగానే ఉన్నాయి. ప్రస్తుతం ఆది తన ఫ్రెండ్స్‌తో హ్యాపీగా ఎంజాయ్ చేస్తున్నాడు. అయితే, ఆది తాజాగా ఎన్నికల్లో పోటీ చేస్తున్నాడు. ఇదెప్పటి నుంచి? అని అనుకుంటున్నారా? కంగారు పడకండి. ఆది పోటీ చేసేది ‘ఢీ’షోలో ఓ ఫన్నీ టాస్క్ కోసం.
Also Read: స్విమ్మింగ్‌పూల్‌లో వాళ్లు, టవళ్లు కట్టుకుని వీళ్లు - హైపర్ ఆది టీమ్ రచ్చ చూశారా?
‘ఢీ-14 డ్యాన్సింగ్ ఐకాన్’ ప్రెసిడెంట్ కోసం ఎన్నికలు జరుపుతున్నామని యాంకర్ ప్రదీప్ అన్నాడు. దీంతో ఆది తాను ప్రెసిడెంట్‌గా పోటీ చేస్తానని తెలిపాడు. పార్టీ పేరు ఏమిటని అడిగితే.. ‘‘వేస్తే వేయ్, లేకపోతే హై’’ అని, తన పార్టీ గుర్తు ‘మైక్’ అని ఆది చెప్పాడు. దీంతో జడ్జ్‌లు జానీ మాస్టర్, ప్రియమణి, నందిత శ్వేత పడి పడి నవ్వారు. అతడికి పోటీగా నిలబడ్డ రవి.. తాను గెలిస్తే బాగా పెర్ఫార్మెన్స్ చేసేవారికి హగ్ ఇప్పిస్తానని తెలిపాడు. ఇలా వారి మధ్య సరదా సంభాషణతో జూన్ 15వ తేదీన ‘ఢీ-14’ ప్రసారం కానుంది.
Also Read: టాలీవుడ్‌ను పక్కన పెట్టిన నయన్ - తెలుగు సినీ ప్రముఖులకు శుభలేఖలు ఎక్కడ? పిలుపులేవీ?