మెగాస్టార్ చిరంజీవి(Chiranjeevi), దర్శకుడు బాబీ(Bobby) కాంబినేషన్ ఓ మాస్ యాక్షన్ ఎంటర్టైనర్ తెరకెక్కుతోన్న సంగతి తెలిసిందే. #MEGA154 అనే వర్కింగ్ టైటిల్ తో ఈ సినిమాను సెట్స్ పైకి తీసుకెళ్లారు. ప్రస్తుతం ఈ సినిమా షూటింగ్ దశలో ఉంది. వచ్చే ఏడాది సంక్రాంతి కానుకగా సినిమాను విడుదల చేయనున్నట్లు ఇటీవల ప్రకటించారు. ఈ సినిమాలో శృతిహాసన్ హీరోయిన్ గా నటిస్తోంది. అలానే మరికొంతమంది స్టార్స్ ను తీసుకున్నారు. మాస్ మహారాజా రవితేజ కీలకపాత్ర పోషిస్తున్నారు. 


'రౌడీ అల్లుడు' రేంజ్‌లో చిరు సినిమా:


రీసెంట్ గా ఈ సినిమాకి సంబంధించి మెగాస్టార్ చిరంజీవి చేసిన కామెంట్స్ వైరల్ అవుతున్నాయి. 'గాడ్ ఫాదర్' సినిమా బ్లాక్ బస్టర్ సెలబ్రేషన్స్ లో బాబీ డైరెక్ట్ చేస్తోన్న మెగా154 సినిమా గురించి చిరు మాట్లాడారు. నెక్స్ట్ బ్లాక్ బస్టర్ ఇచ్చేది బాబీనే అని.. 'గాడ్ ఫాదర్' సినిమా ఎంత కంపోజ్డ్ గా, కళతో ఉందో.. మెగా154 సినిమా అంత అల్లరిగా ఉంటుందని అన్నారు. ఆ సినిమా కోసం బాబీ తన కాళ్లకు బాగా పని చెప్పారని.. తన నుంచి ఆడియన్స్ కోరుకునే అంశాలతో 'రౌడీఅల్లుడు' లాంటి అల్లరి సినిమా అవుతుందని చిరు అన్నారు. 


ఆ తరువాత మెహర్ రమేష్ సినిమా కూడా పవర్ ఫుల్ సెంటిమెంట్, యాక్షన్ ప్యాక్డ్ గా ఉంటుందని.. వీరిద్దరి(బాబీ, మెహర్ రమేష్) దర్శకత్వంలో 'గాడ్ ఫాదర్' లాంటి సక్సెస్ లు కనిపిస్తున్నాయని చిరు అన్నారు. చిరు మాటలు విన్న ఫ్యాన్స్ సోషల్ మీడియాలో పాజిటివ్ కామెంట్స్ చేస్తున్నారు. 


బాబీ డైరెక్ట్ చేస్తోన్న 'మెగా154' చిరు, రవితేజ సవతి సోదరులుగా కనిపించబోతున్నారు. గతంలో ఇలాంటి కాన్సెప్ట్ తో తెలుగులో కొన్ని సినిమాలు వచ్చాయి. కానీ వాటికి భిన్నంగా ఈ సినిమా ఉంటుందట. పూర్తి మాస్ అండ్ కమర్షియల్ ఎంటర్టైనర్ గా సినిమాను రూపొందిస్తున్నారు దర్శకుడు. తెరపై చిరంజీవి, రవితేజ మధ్య వచ్చే క్లాష్ సన్నివేశాలు సినిమాకి హైలైట్ గా నిలుస్తాయని చెబుతున్నారు.  


ఈ సినిమా కోసం పాటలు పూర్తి చేశారట దేవిశ్రీప్రసాద్. మొత్తం నాలుగు మాస్ సాంగ్స్ కంపోజ్ చేసినట్లు తెలుస్తోంది. చిరంజీవి సినిమాల్లో మాస్ సాంగ్స్ తో పాటు మెలోడీస్ కూడా ఉంటాయి. కానీ ఈ సినిమాలో మాత్రం మెలోడీకి చోటు లేదట. కథ ప్రకారం.. నాలుగు పాటలు ఉంటే.. నాలుగూ కూడా మాస్ సాంగ్స్ అని తెలుస్తోంది. ముఖ్యంగా చిరంజీవి ఇంట్రడక్షన్ సాంగ్ చాలా బాగా వచ్చిందని చెబుతున్నారు. రవితేజ, చిరంజీవి కాంబినేషన్ లో కూడా ఓ పాట ఉంటుందట. అన్ని కమర్షియల్ హంగులతో ఈ సినిమాను తెరకెక్కిస్తున్నారు. ఈ సినిమాలో మలయాళ నటుడు బిజూ మీనన్ ను విలన్ గా తీసుకోవాలనుకుంటున్నారు. ఇక ఈ సినిమాకి 'వాల్తేర్ వీరయ్య' అనే టైటిల్ దాదాపు ఫైనల్ చేసినట్లే. 


Also Read: 'మెగా' ఆవేదన - చిరంజీవి పనైపోయిందని ప్రచారం చేసింది ఎవరు?


Also Read: 'గాడ్ ఫాదర్' సక్సెస్ మీట్‌లోనూ గరికపాటి గొడవ - మెగా ఫ్యాన్స్ ఫైర్