కన్నడ స్టార్ హీరో కిచ్చా సుదీప్ హీరోగా శివ కార్తిక్‌ దర్శకత్వంలో రూపొందిన భారీ చిత్రం 'కే3 కోటికొక్కడు'. గుడ్ సినిమా గ్రూప్ బ్యానర్ పై శ్రేయాస్‌ శ్రీనివాస్‌, దేవేంద్ర డీకే సంయుక్తంగా నిర్మించిన ఈ చిత్రం ఇప్పటికే కన్నడలో విడుదలై బ్లాక్ బస్టర్ విజయాన్ని అందుకుంది. దాదాపు 60 కోట్ల పైన వసూళ్లను సాధించింది. సుదీప్ కెరీర్ లోనే అత్యధిక వసూళ్లు సాధించిన చిత్రంగా రికార్డు సృష్టించిన ఈ చిత్రాన్ని తెలుగు కూడా భారీ విడుదలకు నిర్మాతలు సన్నాహాలు చేస్తున్నారు.
మాస్ అండ్ యాక్షన్ ఎంటర్టైనర్‌ రూపొందిన ఈ సినిమాపై తెలుగులో మంచి అంచనాలు ఉండడంతో సరైన డేట్ కోసం వేచి చూసిన నిర్మాతలు.. తాజాగా జూన్ 17న చిత్రాన్ని గ్రాండ్ విడుదల చేస్తున్నట్లు ప్రకటించారు. మడోన్నా సెబాస్టియన్‌, శ్రద్ధాదాస్‌ కథానాయికలుగా నటించిన ఈ చిత్రం తెలుగు ట్రైలర్ ఇప్పటికే విడుదలై అన్ని వర్గాల ప్రేక్షకులని ఆకట్టుకుంది.
అలాగే ఈ సినిమా నుంచి విడుదలైన ఫస్ట్ సింగల్ కి కూడా మంచి రెస్పాన్స్ వచ్చింది. ఈ సినిమా మ్యూజికల్ ప్రమోషన్స్ లో బాగంగా మరో మూడు పాటలని విడుదల చేయడానికి సన్నాహాలు చేస్తున్నారు. అలాగే మూవీ ప్రమోషన్స్ ని కూడా స్పెషల్ ప్లాన్స్ చేస్తున్నారు నిర్మాతలు. కన్నడలో సూపర్ హిట్ అయిన ఈ సినిమా.. తెలుగులోనూ మంచి విజయం సాధిస్తుందని వెల్లడించారు నిర్మాతలు.
Also Read: ముంబైలో అల్లు శిరీష్ - ఏం చేస్తున్నాడంటే?