Nayanthara-Vignesh Shivan: నయన్-విఘ్నేష్ ల మంచి మనసు, వేలాది పేద పిల్లలకు విందు భోజనం

తమ పెళ్లి రోజు సందర్భంగా నయన్-విక్కీ కలిసి తమిళనాడులో 18,000 మంది పిల్లలకు, లక్ష మంది జనాలకు భోజనం అందించాలని నిర్ణయించుకున్నారు.

సౌత్ ఇండియన్ స్టార్ హీరోయిన్ నయనతార, దర్శకుడు విఘ్నేష్ శివన్ తో చాలా ఏళ్లుగా ప్రేమలో ఉంది. మధ్యలో ఈ జంటకి పెళ్లయినట్లు వార్తలొచ్చాయి. కానీ అందులో నిజం లేదని తెలుస్తోంది. జూన్ 9న ఈ జంట మహాబలిపురంలోని ఓ రిసార్ట్ లో వివాహం చేసుకున్నారు. హిందూ సంప్రదాయ పద్దతిలో వీరి పెళ్లి జరిగింది. వీరి పెళ్లికి సంబంధించిన ఫొటోలను విఘ్నేష్ శివన్ తన సోషల్ మీడియా అకౌంట్ లో షేర్ చేస్తున్నారు. ప్రస్తుతం ఈ ఫొటోలు తెగ వైరల్ అవుతున్నాయి. 

ఈ పెళ్లికి కుటుంబ సభ్యులు, సన్నిహితులతో పాటు ఇండస్ట్రీ సభ్యులు కూడా హాజరయ్యారు. రజినీకాంత్, మణిరత్నం, బోనీకపూర్, అట్లీ, విజయ్ సేతుపతి, అనిరుద్ లాంటి ప్రముఖులు నయన్ పెళ్లికి హాజరయ్యారు. ఇదిలా ఉండగా.. తమ పెళ్లి రోజు సందర్భంగా నయన్-విక్కీ కలిసి తమిళనాడులో 18,000 మంది పిల్లలకు, లక్ష మంది జనాలకు భోజనం అందించాలని నిర్ణయించుకున్నారు. అనుకున్నట్లుగానే.. తమిళనాడు అంతటా విందు కార్యక్రమం చేపట్టారు. 

నయన్-విఘ్నేష్ ల మంచి మనసు తెలుసుకున్న నెటిజన్లు.. ఈ జంటని పొగుడుతూ కామెంట్స్ చేస్తున్నారు. విఘ్నేష్ డైరెక్ట్ చేసిన 'నానుమ్ రౌడీథాన్' సినిమాలో హీరోయిన్ గా నటించింది నయన్. అప్పటినుంచి వీరి మధ్య స్నేహం కుదిరింది. అది కాస్త ప్రేమగా మారి.. చాలా ఏళ్ల పాటు సహజీవనం చేసింది ఈ జంట. ఎట్టకేలకు పెళ్లి బంధంతో ఒక్కటయ్యారు.