హైదరాబాద్ ట్రాఫిక్ పోలీసులు సినిమాలో కొన్ని సీన్స్ ను, పోస్టర్స్ ను తమ ప్రమోషన్స్ కోసం వాడేసుకుంటున్నారు. రీసెంట్ గా 'పుష్ప' సినిమాకి సంబంధించిన ఓ ఫొటోను మార్ఫ్ చేశారు. బైక్‌పై వెళుతున్న అల్లు అర్జున్‌ హెల్మెట్‌ ధరించి ఉన్నట్లుగా ఫొటోను మార్చి.. తమ ట్విటర్‌ పేజీలో షేర్ చేశారు. ఆ ఫొటోపై 'హెల్మెట్‌ తప్పని సరి.. తగ్గేదే లే..' అంటూ ఓ కొటేషన్ కూడా ఇచ్చారు.
ఇక తాజాగా నందమూరి బాలకృష్ణ నటించిన 'అఖండ' సినిమాలో ఓ సన్నివేశాన్ని తమ ట్విట్టర్ పేజీలో షేర్ చేశారు హైదరాబాద్ ట్రాఫిక్ పోలీసులు. అందులో బాలకృష్ణ, ప్రగ్యాజైస్వాల్ జీప్ లో వెళ్తుంటారు. లారీ అడ్డురావడంతో బాలయ్య సడెన్ గా బ్రేక్ వేస్తారు.. వెంటనే ప్రగ్యా తల డ్యాష్ బోర్డుకి తగలబోతుంటే ఆపుతారు బాలయ్య. సీట్ బెల్ట్ వేసుకోమని.. జీవితం చాలా విలువైనది అంటూ డైలాగ్ చెబుతారు.
ఈ సీన్ ను తమ ట్విట్టర్ ఖాతాలో షేర్ చేసిన హైదరాబాద్ ట్రాఫిక్ పోలీసులు.. ఎంత దూరం వెళ్తున్నాం.. ఎవరి కారు అనేది మేటర్ కాదని.. ఎప్పుడూ సీట్ బెల్ట్ వేసుకోవాలని చెప్పారు. 'అఖండ' సినిమాలో రోడ్ సేఫ్టీను ప్రమోట్ చేసిన నందమూరి బాలకృష్ణ, దర్శకుడు బోయపాటికి ధన్యవాదాలు చెప్పారు.
Also Read: 'లైగర్' సినిమాలో సమంత ఐటెం సాంగ్.. నిజమెంత..?
Also Read: స్టార్ హీరో ఫాంహౌస్‌లో సెలబ్రిటీల శవాలు.. సంచలనంగా మారిన వ్యక్తి ఆరోపణలు..