అడివి శేష్ హీరోగా నటించిన ‘హిట్ 2’ సినిమా ఫస్ట్ గ్లింప్స్ తన పుట్టినరోజు సందర్భంగా శుక్రవారం విడుదల అయింది. అడివి శేష్, మీనాక్షి చౌదరి జంటగా నటిస్తున్న ఈ చిత్రానికి ‘హిట్’ ఫేం శైలేష్ కొలను దర్శకత్వం వహిస్తున్నారు. చిన్న సినిమాలు తీయడానికి నాని స్థాపించిన వాల్‌పోస్టర్ సినిమా బ్యానర్‌పై ప్రశాంతి తిపిర్నేని ఈ సినిమాని నిర్మిస్తున్నారు.
విష్వక్సేన్ హీరోగా 2020లో వచ్చిన ‘హిట్’ చిన్న సినిమాగా వచ్చి పెద్ద సక్సెస్ అయిన సంగతి తెలిసిందే. ఈ సినిమాకు సీక్వెల్‌గా ‘హిట్ 2’ని కూడా ప్రకటించారు. అయితే కొన్ని కారణాల దృష్ట్యా అడివి శేష్ హీరోగా ఈ చిత్రాన్ని తెరకెక్కిస్తున్నారు. అయితే విష్వక్సేన్ స్థానంలో కూడా కేడీ అనే మరో పాత్రను శేష్ ఇందులో పోషిస్తున్నారు.
మొదటి భాగంలో విక్రమ్ రుద్రరాజు పాత్రలో విష్వక్ నటించగా.. హైదరాబాద్ బ్యాక్‌డ్రాప్‌లో ఈ సినిమా తెరకెక్కింది. రెండో భాగం మాత్రం ఆంధ్రప్రదేశ్ బ్యాక్‌డ్రాప్‌లో రానుంది. ఈ సినిమాను అధికారికంగా అనౌన్స్ చేశాక సెట్స్‌కు ఎప్పుడు వెళ్లిందో కూడా తెలియరాలేదు. కేవలం గ్లింప్స్‌ను మాత్రమే షూట్ చేశారా.. రెగ్యులర్ షూటింగ్ కూడా అయిపోయిందా.. అనే సంగతి తెలియరాలేదు.
అయితే గ్లింప్స్‌లో ఉన్న షాట్లను చూస్తే రెగ్యులర్ షూటింగ్ కూడా మొదలైందని అనుకోవచ్చు. కానీ గత కొంతకాలం నుంచి శేష్ పూర్తిగా మేజర్ షూట్ మీదే దృష్టి పెట్టినట్లు కనిపించింది. ఈ సినిమా షూటింగ్ గురించి ఇంతవరకు ఒక్క అప్‌డేట్ కూడా రాలేదంటే.. ఎంత సీక్రెట్‌గా షూట్ చేశారో అర్థం చేసుకోవచ్చు.
అడివి శేష్ పుట్టినరోజు సందర్భంగా మేజర్‌కు సంబంధించిన ప్రత్యేక పోస్టర్‌ను కూడా అందించారు. అయితే లాంగ్ అవైటెడ్ మూవీ గూఢచారి 2 గురించి మాత్రం ఎటువంటి అప్‌డేట్‌ను అందించలేదు. బహుశా వచ్చే సంవత్సరం సినిమా సెట్స్ మీదకు వెళ్లే అవకాశం ఉంది.
Also Read: అందాల రాక్షసి మనసూ అందమైనదే... బర్త్‌డే రోజు అనాథలతో!
Also Read: ‘బిగ్ బాస్’ విజేత ఎవరు? ఇలా ఓటేసి విన్నర్‌ను మీరే నిర్ణయించండి
Also Read: మగాళ్లది వంకరబుద్ధి... సమంత పాటకు స‌పోర్ట్‌గా మ‌హిళా మండలి
Also Read: తండ్రికి అనసూయ ప్రామిస్.. సోషల్ మీడియాలో హార్ట్ టచింగ్ పోస్ట్
Also Read: మరో క్లాసికల్ డాన్స్ పెర్ఫార్మన్స్‌కు రెడీ అయిన సౌజన్యా శ్రీనివాస్... త్రివిక్రమ్ వైఫ్
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి