ఫిబ్రవరి తొలి వారంలో విశాల్ 'సామాన్యుడు', రెండో వారంలో మాస్ మహారాజ రవితేజ 'ఖిలాడి'... బ్యాక్ టు బ్యాక్ రెండు సినిమాలతో, రెండు వారాల్లో డింపుల్ హయతి ప్రేక్షకుల ముందుకు వచ్చారు. సినిమాలు, ప్రచార కార్యక్రమాలతో ఇప్పుడు ఆమె వార్తల్లో ఉంటున్నారు. అయితే... అనుకోని కారణం చేత ఆమె వార్తల్లో నిలిచారు. డింపుల్ హయతి పేరుతో కొందరికి వాట్సాప్ లో మెసేజ్ లు వస్తున్నాయి. డీపీ (డిస్ ప్లే పిక్చర్)లో ఫొటో చూసి కొందరు ఆమె అనుకున్నారు. అయితే... అది డింపుల్ నంబర్ కాదు. ఎవరో కేటుగాడిది. ఈ విషయం డింపుల్ హయతికి తెలియడంతో జాగ్రత్త పడ్డారు.


డింపుల్ హయతి ఓ నంబర్ స్క్రీన్ షాట్ తీసి సోషల్ మీడియాలో షేర్ చేశారు. "ఈ నంబర్ ఎవరిదో గానీ... అందరికీ మెసేజ్ లు చేస్తున్నాడు. నేను డింపుల్ అని చెబుతున్నాడు. అతడికి రెస్పాండ్ అవ్వవద్దు. బ్లాక్ చేయండి. జాగ్రత్తగా ఉండండి. కంప్లైంట్ చేయండి" అని డింపుల్ హయతి పేర్కొన్నారు.


Also Read: డింపుల్ హయతి బికినీ షో... రవితేజతో హీరోయిన్స్ లిప్ లాక్స్





'ఖిలాడి' తర్వాత గోపీచంద్ - శ్రీవాస్ కాంబినేషన్ లో రూపొందుతోన్న హ్యాట్రిక్ సినిమాలో డింపుల్ హయతి అవకాశం అందుకున్నట్టు టాక్. ఇంకా ఆమెకు బోలెడు అవకాశాలు వస్తున్నాయట.


Also Read: అది పోర్న్ సినిమా అంటున్న కంగనా రనౌత్? దీపికా పదుకోన్‌ స్కిన్ షో సేవ్ చేయలేదని కామెంట్!