తెలుగు ప్రేక్షకులకు, మరీ ముఖ్యంగా మెగా అభిమానులకు పవర్ స్టార్ పవన్ కళ్యాణ్ 'ఓజీ' (OG Movie Updates) ఫీవర్ పట్టుకుంది. ఈ గురువారం (సెప్టెంబర్ 25న) ప్రపంచ వ్యాప్తంగా సినిమా విడుదల అవుతోంది. ఒక్క రోజు ముందుగా... బుధవారం (సెప్టెంబర్ 24వ తేదీ) రాత్రి తెలంగాణతో పాటు అమెరికా వంటి కొన్ని ఏరియాల్లో పెయిడ్ ప్రీమియర్ షోలు ప్రదర్శిస్తున్నారు. ఆల్రెడీ హైప్ ఎక్కువ ఉందంటే... ట్రైలర్ విడుదలకు ముందు పవన్ కళ్యాణ్ పాడిన 'హైకూ' విడుదల చేసి ఆ హైప్ మరింత పెంచారు. ఇంతకీ, ఆ హైకూ మీనింగ్ ఏమిటో తెలుసా?
పవన్ పాడిన హైకూ మీనింగ్ ఇదే!
పవన్ కళ్యాణ్ 'ఓమీ... మై డియర్ ఓమీ... ఎగిరెగిరి పడుతున్నావ్! నీలాంటి వాడిని నెలకు ఎలా దించాలో నాకు బాగా తెలుసు' అంటూ 'వాషి ఓ వాషి...' హైకూను స్టార్ట్ చేశారు. 'చిన్నప్పుడు నా గురువు చెప్పిన హైకూ చెబుతా విను' అంటూ ఆ తర్వాత జపనీస్ భాషలో హైకూ చెప్పారు. ఈ పదాలు అందరికీ అర్థం అయ్యాయి. ఆ తర్వాత ఆయన చెప్పిన జపనీస్ పదాల అర్థం ఏమిటో తెలుసుకోండి.
Washi o Washi
గ్రద్దా ఓ గ్రద్దా...
Yasei no washi o korosu ni wa
నువ్వో అడవి గ్రద్దను చంపాలనుకో…
Mazu tsubasa o kiri otosu hitsu yoo ga aru
నువ్వు ముందు దాని రెక్కలు తెగ్గొట్టాలి...
Jimen ni ochitara..me o eguri dasu
అప్పుడది నేల మీద పడ్డాక దాని కళ్లు పీకేయాలి...
Me ga mienaku nari, doko ni ikeba ii no ka wakara naku suru
ఒక్కసారి అది గుడ్డిదైతే...ఎటు పోవాల్నో దానికి దిక్కే తోచదు...
Sokode ashi o kitte ugokenaku suru
అప్పుడు దాని కాళ్లు నరికితే ఇక ఎప్పటికీ కదల్లేదు...
Soshite, yasei no shinzou o eguri dasu noda
అప్పుడు దాన్ని పట్టుకుని ఆ రాకాసి గుండెను బయటకు లాగాలి!
WASHI YO WASHI
గ్రద్ద ఓ గ్రద్దా!
ఓమీ డియర్ ఓమీ అంటూ హైకూను పవన్ కళ్యాణ్ ప్రారంభించారు కాబట్టి ఈ వార్నింగ్ విలన్ రోల్ ఓమీ (ఇమ్రాన్ హష్మీ)కి ఇచ్చారని అనుకోవాలి. ఓమీని ఓజీ గ్రద్దతో పోల్చారు. ఈ హైకూలో సినిమా కథాంశం ఉందని యూనిట్ సన్నిహిత వర్గాల సమాచారం.
'ఓజీ' సినిమాలో పవన్ కళ్యాణ్ సరసన కన్మణి పాత్రలో ప్రియాంకా అరుల్ మోహన్ నటించారు. విలన్ రోల్ చేశారు ఇమ్రాన్ హష్మీ. విలక్షణ నటుడు ప్రకాష్ రాజ్, శ్రియా రెడ్డి, అర్జున్ దాస్, హరీష్ ఉత్తమన్ తదితరులు ఇతర పాత్రల్లో నటించారు. ఈ చిత్రానికి తమన్ సంగీతం అందించగా... డీవీవీ ఎంటర్టైన్మెంట్స్ పతాకం మీద డీవీవీ దానయ్య, కళ్యాణ్ దాసరి ప్రొడ్యూస్ చేశారు.
Also Read: భార్యకు దూరంగా శర్వానంద్... విడాకులు దిశగా అడుగులు - ఏది నిజం? ఏది పుకారు?