యువ హీరో ఉదయ్ శంకర్ చేసిన సినిమాల సంఖ్య తక్కువే. అయితే... కాన్సెప్ట్ ఓరియెంటెడ్ సినిమాలతో ప్రేక్షకులను ఆకట్టుకునే ప్రయత్నం చేస్తున్నారు. 'ఆటగదరా శివ', 'మిస్ మ్యాచ్' సినిమాలు చేసిన ఆయన... ఇప్పుడు విశాఖలో ఓ సినిమా షూటింగ్ చేస్తున్నారు.
ఉదయ్ శంకర్ కథానాయకుడిగా గురు పవన్ దర్శకత్వంలో ఒక సినిమా రూపొందుతోంది. శ్రీరామ్ ఆర్ట్స్ పతాకంపై అట్లూరి నారాయణ నిర్మిస్తున్నారు. ఇందులో జెన్నిఫర్ ఇమ్మానుయేల్ కథానాయిక. ప్రస్తుతం విశాఖలో చిత్రీకరణ చేస్తున్నారు. మహాశివరాత్రి సందర్భంగా మంగళవారం సినిమా ఫస్ట్ లుక్ విడుదల చేశారు.
Also Read: ప్రభాస్ ఫ్యాన్స్‌కు వచ్చే సంక్రాంతి పెద్ద పండగే - 'ఆదిపురుష్' రిలీజ్ డేట్ వచ్చేసింది
ఫస్ట్ లుక్ చూస్తే... గత సినిమాలకు, ఈ సినిమాకు లుక్స్ పరంగా ఉదయ్ శంకర్ లో మార్పు కనిపించింది. యూత్‌ను ఆకట్టుకునేలా ఉన్నాడు. ఫస్ట్ లుక్‌లో అతడితో పాటు నటుడు మధునందన్, హీరోయిన్ జెన్నిఫర్ ఉన్నారు. ఇదొక కమర్షియల్ థ్రిల్లర్ అని, అందమైన ప్రేమకథ కూడా ఉంటుందని దర్శక నిర్మాతలు తెలిపారు.
డేరింగ్ అండ్ డాషింగ్ డైరెక్టర్ పూరి జగన్నాథ్ దగ్గర దర్శకత్వ శాఖలో గురు పవన్ పని చేశారు. ఈ సినిమాలో పూరి శైలి సన్నివేశాలు ఉంటాయో? లేదో? త్వరలో తెలుస్తుంది. ఈ సినిమా ప్రారంభోత్సవానికి వీవీ వినాయక్ హాజరయ్యారు.
పృథ్వీరాజ్, శ్రీకాంత్ అయ్యంగార్ కీలక పాత్రల పోషిస్తున్న ఈ సినిమాలో కథ, కథనాలు సరికొత్తగా ఉంటాయని... ప్రేక్షకులకు సినిమా కొత్త అనుభూతి ఇస్తుందని యూనిట్ అంటోంది. ఈ చిత్రానికి కెమెరా: సిద్ధం మనోహర్, సంగీతం: గిఫ్టన్, ఎగ్జిక్యూటివ్ నిర్మాత: కిషోర్ మున్ద్రు.
Also Read: ఇసుక మాఫియాను టార్గెట్ చేసిన రవితేజ 'రామారావు ఆన్ డ్యూటీ'?