Vishwambhara : 'విశ్వంభర'లో హీరోయిన్‌గా త్రిష - సెట్స్‌లోకి ఆహ్వానించిన మూవీ టీం

Trisha : చిరంజీవి హీరోగా నటిస్తున్న 'విశ్వంభర' లో త్రిష హీరోయిన్ గా నటిస్తోంది. తాజాగా మూవీ టీం త్రిషాని సెట్స్ లో ఆహ్వానించారు.

Trisha joins the sets of Chiranjeevi’s Vishwambhara : 'బింబిసార' మూవీ ఫేమ్ వశిష్ట దర్శకత్వంలో మెగాస్టార్ చిరంజీవి హీరోగా నటిస్తున్న తాజా చిత్రం 'విశ్వంభర'. సోషియో ఫాంటసీ జోనర్ లో రూపొందనున్న ఈ సినిమా ఇటీవల ఓ షెడ్యూల్ షూటింగ్ పూర్తి చేసుకుంది. ఇక తాజాగా హైదరాబాద్ లో మరో షెడ్యూల్ మొదలైంది ఈ షెడ్యూల్ లో మెగాస్టార్ ఇటీవలే అడుగు పెట్టారు. ఇప్పుడు ‘విశ్వంభర’ సెట్స్ లో హీరోయిన్ కూడా ఎంట్రీ ఇచ్చింది.

విశ్వంభర లో హీరోయిన్ గా త్రిష.. సెట్స్ లో అడుగుపెట్టిన చెన్నై బ్యూటీ

'విశ్వంభర' మూవీలో మెగాస్టార్ సరసన ఎవరు నటిస్తున్నారనే సస్పెన్స్ కి తెరపడింది. ఇన్ని రోజులుగా చాలామంది హీరోయిన్స్ పేర్లు వినిపించాయి. కానీ ఈ సినిమాలో చిరంజీవికి జోడిగా చెన్నై బ్యూటీ త్రిష హీరోయిన్ గా నటిస్తోంది. ఇదే విషయాన్ని మూవీ టీం అధికారికంగా ప్రకటించారు. విశ్వంభర సెట్స్ కి త్రిషను ఆహ్వానిస్తున్నట్లు మూవీ టీం తెలియజేసింది. సెట్స్ లో త్రిష అడుగుపెట్టిన ఓ వీడియోని చిరంజీవి స్వయంగా తన సోషల్ మీడియా ద్వారా షేర్ చేశారు. దీంతో ఈ వీడియో కాస్త నెట్టింట వైరల్ గా మారింది.

17 ఏళ్ల తర్వాత మెగాస్టార్ కి జోడిగా త్రిష

మెగాస్టార్ చిరంజీవితో త్రిష 'స్టాలిన్' అనే సినిమాలో నటించింది. 2006లో రిలీజ్ అయిన ఈ మూవీ బాక్సాఫీస్ వద్ద మంచి సక్సెస్ అందుకుంది. మురుగదాస్ దర్శకత్వం వహించిన ఈ చిత్రంలో చిరంజీవి, త్రిష ల జోడి ప్రేక్షకుల్ని ఆకట్టుకుంది. ఈ సినిమా తర్వాత మళ్లీ ఆచార్యలో త్రిషాని హీరోయిన్ గా అనుకున్నారు. షూటింగ్ కి కొద్ది రోజుల ముందు క్రియేటివ్ డిఫరెన్సెస్ కారణంగా ఆమె హీరోయిన్ గా తప్పుకోగా ఆమె ప్లేస్ లో కాజల్ ని తీసుకున్నారు. సుమారు 17 ఏళ్ల గ్యాప్ తర్వాత త్రిష చిరంజీవితో జోడి కడుతుండడం గమనార్హం.

ఎనిమిదేళ్ల తర్వాత టాలీవుడ్‌కి రీ ఎంట్రీ

త్రిష తెలుగులో చివరగా 'నాయకి' అనే సినిమా చేసింది. ఇది లేడీ ఓరియంటెడ్ ఫిలిమ్. 2016లో ఈ సినిమా రిలీజ్ అయింది. కానీ ఆశించిన రిజల్ట్ అందుకోలేకపోయింది. దాంతో టాలీవుడ్ కి గుడ్ బై చెప్పి కోలీవుడ్ పై ఫోకస్ పెట్టింది. అక్కడ వరుస సినిమాలతో బిజీ అవుతూ ఇటీవల కాలంలో బ్యాక్ టు బ్యాక్ హిట్స్ అందుకుంది. ఇక 'విశ్వంభర'తో ఎనిమిదేళ్ల తర్వాత మళ్లీ త్రిష టాలీవుడ్ కి రీ ఎంట్రీ ఎంట్రీ ఇస్తోంది. ఈ సినిమా సక్సెస్ అయితే త్రిష మళ్లీ టాలీవుడ్ లో హీరోయిన్ గా బిజీ అయ్యే అవకాశాలు ఉన్నాయి.

సంక్రాంతి బరిలో 'విశ్వంభర'

విశ్వంభర మూవీని 2025 సంక్రాంతి రిలీజ్ చేస్తున్నారు. జనవరి 10న సినిమా రిలీజ్ చేస్తున్నట్లు మూవీ ఇప్పటికే అఫీషియల్ గా అనౌన్స్ చేసింది. దీంతో షూటింగ్ కి బ్రేకులు లేకుండా బ్యాక్ టు బ్యాక్ షెడ్యూల్స్ ని ప్లాన్ చేశారు. ఇక లేటెస్ట్ షెడ్యూల్లో చిరంజీవి, త్రిష లపై కొన్ని కీలక సన్నివేశాలను చిత్రీకరించనున్నారు. ఇందుకోసం ఇప్పటికే హైదరాబాదులోని ప్రముఖ స్టూడియోలో భారీ సెట్ కూడా వేసినట్లు తెలుస్తోంది. సుమారు రూ.100 కోట్లకు పైగా భారీ బడ్జెట్‌తో యూవీ క్రియేషన్ సంస్థ ఈ చిత్రాన్ని నిర్మిస్తున్నారు.