కొన్ని సినిమాల్లో పాత్రల నిడివి చిన్నగా ఉన్నా.. ఆ పాత్ర చేసిన ఆర్టిస్ట్‌కు మాత్రం మంచి గుర్తింపు లభిస్తుంది. అలాగే ‘యానిమల్’ మూవీ వల్ల తృప్తి దిమ్రీకి కూడా విపరీతమైన క్రేజ్ లభించింది. బాలీవుడ్‌లో తను ఒక సెన్సేషన్‌లాగా మారిపోయింది. చాలామంది క్రష్ లిస్ట్‌లో యాడ్ అయిపోయింది. సందీప్ రెడ్డి వంగా డైరెక్ట్ చేసిన ‘యానిమల్’కు చాలామంది ప్రేక్షకులు ఫిదా అయ్యారు. ప్రేక్షకులు మాత్రమే కాదు.. ఫిల్మ్ మేకర్స్ కూడా ఇప్పటికీ ఈ సినిమా గురించి మాట్లాడుకుంటున్నారు. అయితే ఈ మూవీలో తృప్తి నటించిన ఇంటిమేట్ సీన్ గురించి పలు ఆసక్తికర విషయాలు బయటపెట్టింది. ఆ సీన్‌కు ముందు రణబీర్ తనతో ఏం చెప్పాడో చెప్పుకొచ్చింది.
భాభీ 2 అంటూ ట్యాగ్..
ఇప్పటికీ ‘యానిమల్’ మూవీ థియేటర్లలో విడుదలయ్యి నెలరోజులు అయ్యింది. అయినా ఇంకా ఈ సినిమాను మళ్లీ మళ్లీ చూడడం కోసం ప్రేక్షకులు థియేటర్లకు వెళ్తున్నారు. సినిమాలో కాసేపే సెకండ్ హీరోయిన్‌గా కనిపించిన తృప్తిని ‘భాభీ 2’ అని పిలిచేస్తున్నారు ప్రేక్షకులు. ఇక రణబీర్ కపూర్‌తో తృప్తి చేసిన బోల్డ్ సీన్ అందరినీ ఆశ్చర్యపరిచింది. ఆ సమయంలో కేవలం నలుగురు మాత్రమే రూమ్‌లో ఉన్నారని, తను సౌకర్యంగా ఉందా లేదా అని హీరో, డైరెక్టర్ పదేపదే అడిగారని ఇప్పటికే పలుమార్లు బయటపెట్టింది తృప్తి. ఇక తాజాగా ఈ సీన్ షూటింగ్‌కు ముందు రణబీర్ కపూర్.. తనతో ఏం చెప్పాడని విషయాన్నే రివీల్ చేసింది భాభీ 2.
అలా అనిపించకుండా చేస్తాం..
‘‘తన చుట్టూ చాలా ఇబ్బందిగా ఫీల్ అయ్యేదాన్ని. తను నా ఫేవరెట్ యాక్టర్ అని తనతో మాత్రమే చెప్పాను. సపోర్ట్‌గా ఉండే కో యాక్టర్ ఉంటే చాలా సహాయంగా ఉంటుంది. అలాంటి సీన్స్ చేయాలంటే ముందుగా చాలా సౌకర్యంగా ఉండాలి. నీకు అసౌకర్యంగా అనిపించిన ప్రతీసారి మాకు చెప్పు.. అలా అనిపించకుండా చేస్తాం అని సందీప్, రణబీర్, డీఓపీ చెప్పారు. మనల్ని మనిషిగా గుర్తించి, మన ఆలోచనలకు గౌరవం ఇచ్చే వారి మధ్య ఉండడం చాలా ముఖ్యం. మనం ఆ సందర్భంలో ఏం పని చేస్తున్నాం అనేది మాత్రమే ముఖ్యం. ఇంకేమీ కాదు’’ అంటూ ‘యానిమల్’లోని ఇంటిమేట్ సీన్స్ ఎక్స్‌పీరియన్స్ గురించి చెప్పుకొచ్చింది తృప్తి.
వచ్చి వెళ్లిపోతుందని అనుకున్నాను..
‘‘సినిమాలోని మిగతా సీన్స్‌లాగా ఆ సీన్ షూటింగ్ కూడా తేలికగా జరిగిపోయింది. దాని గురించి పెద్దగా ఆలోచించలేదు. ముఖ్యంగా ఆ సీన్‌లో నా సౌకర్యానికి ప్రాధాన్యత ఇచ్చారు. అది కథలో భాగమే. మనం కో యాక్టర్లతో, డైరెక్టర్లతో కంఫర్టబుల్‌గా ఉన్నంతవరకు ఇంకేదీ ముఖ్యం కాదు. కానీ కొంతమందికి కంఫర్ట్ ప్రత్యేకంగా కావాల్సి ఉంటుంది. అది మనిషికి, మనిషికి మారుతూ ఉంటుంది. మొదటి రోజు నేను చాలా ఇబ్బందిపడ్డాను. సినిమా కచ్చితంగా హిట్ అవుతుంది అనుకున్న కానీ జోయాకు ఈవిధంగా రెస్పాన్స్ వస్తుందని అనుకోలేదు. ఇది చిన్న పాత్ర కదా.. వచ్చి వెళ్లిపోతుందిలే అనుకున్నాను. ఇంత ఆదరణ లభిస్తుందని, దీనిని గమనిస్తారని కూడా ఊహించలేదు’’ అంటూ తన సంతోషాన్ని బయటపెట్టింది జోయా అలియాస్ తృప్తి దిమ్రీ.
Also Read: ఊహించని విధంగా ‘బిగ్ బాస్’ శోభాశెట్టి ఎంగేజ్‌మెంట్ - మళ్లీ ఎప్పుడూ రానన్న ప్రియుడు యశ్వంత్