Thandel Release Date: 'తండేల్' రిలీజ్ డేట్ - దేశభక్తి ప్రేమ కథతో నాగ చైతన్య థియేటర్లలోకి వచ్చేది ఎప్పుడంటే?

Naga Chaitanya's Thandel Movie Release Date: నాగ చైతన్య హీరోగా చందూ మొండేటి దర్శకత్వం వహిస్తున్న 'తండేల్' విడుదల విషయంలో నిర్మాతలు ఓ నిర్ణయానికి వచ్చారు. థియేటర్లలోకి సినిమా ఎప్పుడు వస్తుందంటే?

యువ సామ్రాట్ అక్కినేని నాగ చైతన్య (Akkineni Naga Chaitanya) హీరోగా రూపొందుతున్న సినిమా 'తండేల్' (Thandel Movie). చందూ మొండేటి దర్శకత్వం వహిస్తున్నారు. మెగా ప్రొడ్యూసర్ అల్లు అరవింద్ సగర్వంగా సమర్పణలో గీతా ఆర్ట్స్ పతాకంపై 'బన్నీ' వాసు ప్రతిష్టాత్మకంగా నిర్మిస్తున్నారు. ఇందులో నాగ చైతన్య సరసన సాయి పల్లవి (Sai Pallavi) నటిస్తున్నారు. చిత్రీకరణ శరవేగంగా జరుగుతోంది. లేటెస్ట్ అప్డేట్ ఏమిటంటే... సినిమా విడుదలపై నిర్మాతలు ఓ నిర్ణయానికి వచ్చారు. 

డిసెంబర్ 20న 'తండేల్' విడుదల!
Naga Chaitanya and Sai Pallavi's Thandel worldwide release on December 20th: 'తండేల్' చిత్రాన్ని డిసెంబరు 20న థియేటర్లలోకి తీసుకు రావాలని నాగ చైతన్య, దర్శక నిర్మాతలు చందూ మొండేటి, బన్నీ వాసు భావిస్తున్నారు. అతి త్వరలో విడుదల తేదీని అధికారికంగా ప్రకటించనున్నారని విశ్వసనీయ వర్గాల సమాచారం.

'తండేల్'ను తెలుగులో తెరకెక్కిస్తున్నారు. అయితే, తెలుగుతో పాటు హిందీ, తమిళ, కన్నడ, మలయాళ భాషల్లో విడుదల చేసే అవకాశాలు పుష్కలంగా కనిపిస్తున్నాయి. వాస్తవ సంఘటనల ఆధారంగా చిత్రాన్ని తెరకెక్కిస్తున్నారు. ఈ కథలో దేశభక్తి అంశాలతో పాటు రస్టిక్ లవ్ స్టొరీ ఉంది. ఈ రెండిటికి తోడు 'కార్తికేయ 2'తో చందూ మొండేటి పాన్ ఇండియా సక్సెస్ అందుకున్నారు. 'లాల్ సింగ్ చద్దా' సినిమా, 'దూత' వెబ్ సిరీస్ ద్వారా చైతూ సైతం ఉత్తరాది ప్రేక్షకులకు పరిచయం అయ్యారు. అందువల్ల, 'తండేల్'ను పాన్ ఇండియా రిలీజ్ చేసే ఛాన్స్ ఉంది.

'లవ్ స్టోరీ' సినిమాతో చైతూ, సాయి పల్లవి విజయం అందుకున్నారు. గీతా ఆర్ట్స్ సంస్థలో '100 పర్సెంట్ లవ్' వంటి హిట్ సినిమా చేశారు చైతూ. దర్శకుడితో 'ప్రేమమ్' వంటి హిట్ చేసిన రికార్డ్ ఉంది. దర్శక నిర్మాతలు, హీరోయిన్.. ముగ్గురితో చైతూది హిట్ కాంబినేషన్. ఇప్పుడు మరో హిట్ కోసం రెడీ క్రిస్మస్ వీకెండ్ మీద కన్నేశారు. ప్రస్తుతానికి డిసెంబర్ 20న నితిన్ 'రాబిన్ హుడ్' సినిమా ఒక్కటే విడుదలకు సిద్ధమైంది.

డీ గ్లామర్ క్యారెక్టర్లలో చైతూ & సాయి పల్లవి!
ఆల్రెడీ విడుదలైన 'తండేల్' ప్రచార చిత్రాలు చూస్తే... హీరో హీరోయిన్లు నాగ చైతన్య, సాయి పల్లవి డీ గ్లామరస్ అవతారంలో, ఆయా పాత్రలకు అనుగుణంగా కనిపించారు. నటీనటుల గెటప్స్, కాస్ట్యూమ్స్ నుంచి బాడీ లాంగ్వేజ్, యాస వరకు ప్రతి విషయంలో దర్శకుడు చందూ మొండేటి పర్ఫెక్ట్‌గా ఉండేలా జాగ్రత్త వహిస్తున్నారు.

'తండేల్' చిత్రానికి రాక్‌ స్టార్ దేవి శ్రీ ప్రసాద్ సంగీతం అందిస్తున్నారు. 'ఉప్పెన' ఫేమ్ శామ్‌ దత్ ఛాయాగ్రాహకుడిగా పని చేస్తున్నారు. ఇంకా ఈ చిత్రానికి కళా దర్శకుడు: శ్రీ నాగేంద్ర తంగాల, రచన - దర్శకత్వం: చందూ మొండేటి, సమర్పణ: అల్లు అరవింద్, నిర్మాత: 'బన్నీ' వాసునిర్మాణ సంస్థ: గీతా ఆర్ట్స్.