Hero Sundeep Kishan Birthday Special: సందీప్ కిషన్ కథానాయకుడిగా రూపొందుతున్న పాన్ ఇండియా సినిమా 'మైఖేల్' (Michael Movie). ఇందులో మక్కల్ సెల్వన్ విజయ్ సేతుపతి స్పెషల్ యాక్షన్ రోల్ చేస్తున్నారు. ప్రముఖ దర్శకుడు గౌతమ్ మీనన్ విలన్. ఈ రోజు సందీప్ కిషన్ పుట్టినరోజు సందర్భంగా 'మైఖేల్' మూవీలో అతని ఫస్ట్ లుక్ (Sundeep Kishan's Michael movie First Look) విడుదల చేశారు.
'రక్తం, స్వేదం, లక్ష్యం... మైఖేల్ ఫస్ట్ లుక్ ఇదిగో'' అని సందీప్ కిషన్ పేర్కొన్నారు. ఆయన చుట్టూ చాలా మంది ఉన్నారు. కత్తులు, తుపాకులు ఎక్కు పెట్టారు. అయితే, వాళ్ళకు ఏమాత్రం భయపడకుండా గన్ గురి పెట్టిన సందీప్ కిషన్‌ను చూస్తే... ఆ క్యారెక్టర్‌లో గట్స్ కనబడుతున్నాయి. మైఖేల్ రోల్ కోసం సందీప్ కిషన్ సిక్స్ ప్యాక్ చేశారు. సిక్స్ ప్యాక్ తో ఫస్ట్ లుక్ లో కనిపించారు.
Also Read: 'కెజియఫ్' యాక్టర్ మోహన్ జునేజా మృతి, శాండిల్‌వుడ్‌లో విషాదం
రంజిత్ జయకొడి దర్శకత్వంలో దక్షిణాది భాషలు తెలుగు, తమిళం, మలయాళం, కన్నడతో పాటు హిందీలో 'మైఖేల్' సినిమా రూపొందుతోంది. దీనిని భరత్ చౌదరి, పుస్కూర్ రామ్ మోహన్ రావు నిర్మిస్తున్నారు. ఇందులో వరలక్ష్మీ శరత్ కుమార్ కీలక పాత్ర చేస్తున్నారు.