శ్రీలీల అప్‌కమింగ్ మూవీ ‘స్కంద’ ప్రీ రిలీజ్ ఈవెంట్‌ శనివారం జరిగింది. ఇందులో శ్రీలీల తన క్యూట్ స్పీచ్‌తో ఫిదా చేసింది. ‘స్కంద’ ప్రీ రిలీజ్ కోసం బాలకృష్ణ స్పెషల్ గెస్ట్‌గా వచ్చారు. ఈ ఈవెంట్‌లో హీరో రామ్, బాలకృష్ణ, దర్శకుడు బోయపాటి శ్రీను.. ఇలా అందరి స్పీచ్‌లు ఆడియన్స్‌కు హై ఎనర్జీని ఇచ్చాయి. ఈ సందర్శంగా తమన్‌తో కలిసి శ్రీలీల స్టేజ్‌పై పాట కూడా పాడింది. ఈ భామ డ్యాన్స్ ఇరగదీస్తుంది అని తెలిసినా.. పాటలు కూడా బాగా పాడుతుంది అంటూ ఆడియన్స్ మరోసారి తన మల్టీ టాలెంట్స్‌కు ఫిదా అయిపోయారు. పాటతో మాత్రమే కాదు.. తన స్పీచ్‌తో కూడా అందరినీ ఆకట్టుకుంది.
‘భగవంత్ కేసరి’ గురించి ఇన్‌డైరెక్ట్ అప్డేట్..
ముందుగా స్పీచ్ ఇవ్వడానికి వచ్చినప్పుడు ఫ్యాన్స్ అభిమానానికి చాలా థ్యాంక్స్ అంటూ చెప్పుకొచ్చింది శ్రీలీల. ఎంతో దూరం నుంచి వచ్చిన ఫ్యాన్స్ అందరికీ ధన్యవాదాలు తెలిపింది. అలాంటి ఫ్యాన్స్‌ను సంతోషపెట్టడం కోసం తను పాట కూడా పాడానంది. స్టేజ్‌పై ఉన్న అందరిలో తనే చిన్న కాబట్టి చిన్న స్పీచ్ ఇద్దామనుకున్నానని, కానీ అది అనుకోకుండా చాలా పెద్దగా అవుతుందని సరదాగా మాట్లాడింది. స్పెషల్ గెస్ట్‌గా వచ్చిన బాలయ్య గురించి చాలా మాట్లాడాలి అనుకుంది కానీ కేవలం ధన్యవాదాలు చెప్పి ఆపేసింది. మరో నెలలో మరో ప్రీ రిలీజ్ జరగబోతుందని అప్పుడు బాలయ్య గురించి కావాల్సినంత మాట్లాడతానని ‘భగవంత్ కేసరి’ మూవీ గురించి ఇన్‌డైరెక్ట్‌గా ఒక అప్డేట్ ఇచ్చేసింది. బాలయ్య హీరోగా నటిస్తున్న ‘భగవంత్ కేసరి’లో శ్రీలీల ముఖ్య పాత్ర పోషిస్తోంది.
రామ్, శ్రీలీల కాంబినేషన్‌లో మూడో సినిమా.!
‘స్కంద’ చిత్రంలో చాలామంది ఆర్టిస్టులు ఉన్నారు. అందులో ‘మేజర్’ ఫేమ్ సయ్యి మంజ్రేకర్ కూడా ఒకరు. సయ్యి తనకు చెల్లి లాంటిదని శ్రీలీల తెలిపింది. ఎక్కడైనా ఔట్‌డోర్ షూటింగ్స్‌కు వెళ్లినప్పుడు తనకు బేబి సిట్టింగ్ చేయాల్సి వచ్చేదని చెప్తూ సయ్యిని ఆటపట్టించింది. ఇక హీరో రామ్ గురించి మాట్లాడుతూ.. వారిద్దరూ కలిసి ఇంతకు ముందు రెండుసార్లు పనిచేయాల్సి ఉందని, కానీ కుదరలేదని బయటపెట్టింది. ఇక వీరిద్దరి కాంబినేషన్‌లో వచ్చిన మూడో అవకాశం సెట్ అయ్యిందని, మూడు లక్కీ నెంబర్ కాబట్టి వర్కవుట్ అయ్యిందేమో అని చెప్పింది శ్రీలీల. ముఖ్యంగా ‘గాంధారబాయ్’ సాంగ్ షూటింగ్ అప్పుడు ఇద్దరం పోటాపోటీగా డ్యాన్స్ చేశామని చెప్తూ ఫ్యాన్స్‌లో హైప్ క్రియేట్ చేసింది. ఆ సాంగ్‌లో ఒక షాట్ గురించి చెప్తూ ఆగిపోయి.. అందులో ప్రత్యేకంగా ఫ్యాన్స్‌కు ఏదో సర్‌ప్రైజ్ ఉన్నట్టు చెప్పకనే చెప్పింది.
ఇంట్లో అందరూ శ్రీకాంత్ ఫ్యాన్సే..
‘స్కంద’లో చాలామంది ఆర్టిస్టులతో కలిసి పనిచేసే అవకాశం లభించిందని సంతోషం వ్యక్తం చేసింది శ్రీలీల. శ్రీకాంత్ లాంటి సీనియర్ హీరోతో కలిసి నటించడం చాలా ఆనందంగా ఉందని, తన ఇంట్లో ప్రతీ ఒక్కరూ శ్రీకాంత్ ఫ్యాన్స్ అని బయటపెట్టింది. అంతే కాకుండా శ్రీకాంత్ సినిమా టైటిల్‌తోనే తన కెరీర్‌ను ప్రారంభించానని గుర్తుచేసుకుంది. సెప్టెంబర్ 15న ‘స్కంద’ ప్రేక్షకుల ముందుకు వస్తుందని, తప్పకుండా సినిమాను థియేటర్లలో చూడమని కోరుకుంటూ తన స్పీచ్‌ను ముగించింది శ్రీలీల.
Also Read: దేవరకొండ బ్రదర్స్ ‘అది నా పిల్ల’ డైలాగ్‌పై మీమ్ - ఫన్నీగా స్పందించిన విజయ్
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial