Sreeleela break to Movies: ప్రస్తుతం తెలుగులో మోస్ట్ హ్యాపెనింగ్ హీరోయిన్ ఎవరు అని అడిగితే చాలామంది ప్రేక్షకులకు టక్కున గుర్తొచ్చే పేరు శ్రీలీల. 22 ఏళ్ల భామ... ప్రస్తుతం టాలీవుడ్‌ను ఏలేస్తోంది. క్షణం కూడా తీరిక లేకుండా సినిమాలు చేస్తూ... నెలకొక మూవీతో థియేటర్లలో సందడి చేస్తోంది. శ్రీలీల స్పీడ్ చూస్తుంటే ప్రేక్షకులు మాత్రమే కాదు... ఇతర హీరోయిన్స్ కూడా ఆశ్చర్యపోతున్నారు. సినిమాల్లో ఇంత బిజీగా ఉంటున్న సమయంలోనే తన చదువును కూడా పక్కన పెట్టకూడదు అనే ఉద్దేశంతో శ్రీలీల ఒక నిర్ణయానికి వచ్చిందట. అది విని తన ఫ్యాన్స్ అంతా తన ప్రశంసలు కురిపిస్తున్నారు.
మాస్ డ్యాన్స్‌తో ప్రేక్షకులను ఫిదా!
శ్రీలీల... కేవలం మంచి యాక్టర్ మాత్రమే కాదు డాక్టర్ కూడా. ప్రస్తుతం తను ఎమ్‌బీబీస్ ఫైనల్ ఇయర్ చదువుతోంది. 2023 సెప్టెంబర్ నుండి ప్రతీ నెల ఒక సినిమాతో ప్రేక్షకులను పలకరించింది శ్రీలీల. దీంతో తన ఫైనల్ ఇయర్ ఎగ్జామ్స్‌కు ప్రిపేర్ అవ్వడానికి తనకు సమయం లేకపోయింది. రాఘవేంద్ర రావు నిర్మించిన ‘పెళ్లి సందడి’ చిత్రంతో టాలీవుడ్‌లోకి హీరోయిన్‌గా ఎంటర్ అయిన శ్రీలీల... రవితేజతో చేసిన ‘ధమాకా’తో అందరి దృష్టిని ఆకర్షించింది. ఈ మూవీలో తన డ్యాన్స్ చూసి అసలు టాలీవుడ్‌లో శ్రీలీలలాగా మాస్ డ్యాన్స్ చేసే హీరోయినే లేదని ప్రేక్షకులు ప్రశంసించడం మొదలుపెట్టారు. అలాగే తనకు చాలామంది ఫ్యాన్స్ అయ్యారు కూడా.
సెప్టెంబర్ నుండి దండయాత్ర..
2023 సెప్టెంబర్‌లో శ్రీలీల దండయాత్ర మొదలయ్యింది. సెప్టెంబర్‌లో రామ్‌తో నటించిన ‘స్కంద’తో థియేటర్లలో సందడి చేసింది. అక్టోబర్‌లో బాలయ్య హీరోగా నటించిన ‘భగవంత్ కేసరి’లో కీలక పాత్ర పోషించింది. నవంబర్‌లో మెగా హీరో వైష్ణవ్ తేజ్‌తో ‘ఆదికేశవ’లో కలిసి నటించింది. డిసెంబర్‌లో ‘ఎక్స్‌ట్రా ఆర్డనరీ మ్యాన్’లో హీరోయిన్‌గా కనిపించింది. ఇక ఫైనల్‌గా జనవరిలో మహేశ్ బాబు, త్రివిక్రమ్ కాంబినేషన్‌లో తెరకెక్కిన ‘గుంటూరు కారం’తో పలకరించింది. ఇక బ్యాక్ టు బ్యాక్ సినిమాలు విడుదల చేయడం కోసం శ్రీలీల బ్యాక్ టు బ్యాక్ షూటింగ్స్‌లో పాల్గొనాల్సిన పరిస్థితి ఏర్పడింది. ఇక ఇప్పుడు తన కమిట్‌మెంట్స్ అన్నీ అయిపోవడంతో చదువుపై ఫోకస్ పెట్టాలని డిసైడ్ అయ్యిందట ఈ భామ.
Also Read: నా సామి రంగ రివ్యూ: నాగార్జున సినిమా ఎలా ఉందంటే?
షూటింగ్స్ లేవు..
ప్రస్తుతం శ్రీలీల చేతిలో పవన్ కళ్యాణ్, హరీష్ కళ్యాణ్ కాంబినేషన్‌లో తెరకెక్కుతున్న ‘ఉస్తాద్ భగత్‌సింగ్‌’ సినిమా మాత్రమే ఉంది. ఇక ఈ షూటింగ్ చాలాకాలంగా పాస్‌లో ఉంది. దీంతో సినిమాల నుండి తనకు కాస్త బ్రేక్ దొరకడంతో ఎమ్‌బీబీఎస్ ఫైనల్ ఎగ్జామ్స్‌పై శ్రీలీల ఫోకస్ మొదలు పెట్టనుంది. ఎంతో కాలంగా శ్రీలీల సినిమా నుండి బ్రేక్ తీసుకుంటుందని, చదువుపై దృష్టిపెట్టనుందని వార్తలు వస్తుండగా.. ప్రస్తుతం ఈ హీరోయిన్ చేతిలో ఉన్న కమిట్‌మెంట్స్ అన్నీ అయిపోవడంతో ఇక కొన్నాళ్ల పాటు శ్రీలీల స్క్రీన్‌పై కనిపించదని ఫ్యాన్స్ భావిస్తున్నారు. ఓవైపు సినిమాల్లో బిజీ హీరోయిన్‌గా ఉంటూ కూడా సమయం రాగానే పూర్తిగా తన స్టడీస్ వైపు షిఫ్ట్ అయిపోవడంతో ఈ యంగ్ బ్యూటీపై ప్రేక్షకులు ప్రశంసలు కురిపిస్తున్నారు.
Also Read: అమెరికాలో 'నా సామి రంగ' ఎర్లీ ప్రీమియర్ షోలు పడలేదు - ఎందుకంటే?