South Cinema Richest Actress: దక్షిణాదిలో ఆమే రిచ్చెస్ట్ హీరోయిన్, నికర ఆస్తుల విలువెంతో తెలుసా?

సౌత్ లో పలువురు హీరోయిన్లు వరుస సినిమాలో దూసుకెళ్తున్నారు. ఒక్కో సినిమాకు కోట్లల్లో పారితోషికం తీసుకుంటున్నారు. అయితే, సౌత్ రిచ్చెస్ట్ హీరోయిన్ ఎవరు? ఆమె ఆస్తుల విలువెంతో ఇప్పుడు తెలుసుకుందాం..

ఒకప్పుడు అద్భుతమైన నటనా ప్రాధాన్య ఉన్న పాత్రలు చేసే వారు పాత తరం హీరోయిన్లు. చక్కటి అందంతో పాటు అభినయంతో ప్రేక్షకులను అలరించే వారు. రానురాను పరిస్థితులు పూర్తిగా మారిపోయాయి. హీరోయిన్లను కేవలం గ్లామర్ డాల్స్ గా చూపించే ప్రయత్నం చేశారు చిత్ర నిర్మాతలు. కానీ, గత కొంత కాలంగా మళ్లీ పరిస్థితులు మారుతున్నాయి. సౌత్, నార్త్ అనే తేడా లేకుండా లేడీ ఓరియెంటెడ్ సినిమాలో పలువురు హీరోయిన్లు బాగా రాణిస్తున్నారు. అద్భుత నటనతో ఆకట్టుకుంటున్నారు. రెమ్యునరేషన్ విషయంలోనూ ఏమాత్రం వెనక్కి తగ్గడం లేదు. ఒక్కో సినిమాకు కోట్లల్లో పారితోషికం తీసుకుంటున్నారు. ఇంతకీ సౌత్ సినిమా ఇండస్ట్రీలో అత్యంత ధనవంతురాలైన హీరోయిన్లు ఎవరో తెలుసా?

వాస్తవానికి హీరోలతో పోల్చితే హీరోయిన్ల రెమ్యునరేషన్ చాలా తక్కువగానే ఉంటుంది. కానీ, కొంత మంది హీరోయిన్లు హీరోలతో సమానంగా పారితోషికం తీసుకుంటున్నారు. సౌత్ ఇండస్ట్రీకి చెందిన లేడీ సూపర్ స్టార్లు తెలుగు, తమిళం, మలయాళం, కన్నడ పరిశ్రమలలో రాణిస్తున్నారు. బాలీవుడ్ చిత్రాలలో కూడా కనిపిస్తున్నారు. ఈ టాప్ సౌత్ ఇండియన్ నటీమణులు ఒక్కో సినిమాకు భారీ మొత్తంలో పారితోషికం తీసుకుంటున్నారు.  

1. నయనతార

38 ఏళ్ల వయసున్న నయనతార ఒక్కో సినిమాకు రూ.10 కోట్లకు పైగా రెమ్యునరేషన్ తీసుకుంటుంది. సౌత్ లోని అన్ని సినిమా పరిశ్రమల్లో అద్భుత గుర్తింపు తెచ్చుకున్న నయనతార, త్వరలో బాలీవుడ్ లోకి అడుగు పెట్టబోతోంది.  షారుఖ్‌తో కలిసి ‘జవాన్‌’తో అరంగేట్రం చేయనుంది. ఆమె నికర ఆస్తుల విలువ దాదాపు రూ.165 కోట్లు. సౌత్ లో రిచ్చెస్ట్ హీరోయిన్ గా నయనతార కొనసాగుతోంది.

2. తమన్నా

'మిల్కీ బ్యూటీ' తమన్నా ప్రస్తుతం ఇండియన్ ఫిల్మ్ ఇండస్ట్రీలో టాప్ నటీమణులలో ఒకరుగా కొనసాగుతోంది. 33 ఏళ్ల ఈ ముద్దుగుమ్మ నికర ఆస్తుల విలువ దాదాపు రూ. 110 కోట్లు.

3. అనుష్క శెట్టి

‘బాహుబలి’ హీరోయిన్ అనుష్క శెట్టి తెలుగు, తమిళ ఇండస్ట్రీలలో టాప్ హీరోయిన్ గా కొనసాగుతోంది.  41 ఏళ్ల అనుష్క శెట్టి నికర విలువ దాదాపు రూ. 100 కోట్లకు పైనే ఉంటుందని తెలుస్తోంది.

4. సమంత రూత్ ప్రభు

‘శాకుంతలం’ నటి సమంతా రూత్ ప్రభుకు దేశ వ్యాప్తంగా మంచి ఫాలోయింగ్ ఉంది. వరుస సినిమాలతో బిజీగా ఉన్న సమంత నికర ఆస్తుల విలువ పలు నివేదికల ప్రకారం, దాదాపు రూ. 89 కోట్లు.

5. రష్మిక మందన్న

'నేషనల్ క్రష్' రష్మిక మందన్న అల్లు అర్జున్‌తో కలిసి చేసిన ‘పుష్ప’ సినిమా బ్లాక్ బస్టర్ హిట్ తో దేశ వ్యాప్తంగా ఆమె పేరు మార్మోగిపోయింది. ప్రస్తుతం ‘పుష్ప2’లో నటిస్తోంది. ఈ ముద్దుగుమ్మ నికర ఆస్తుల విలువ దాదాపు రూ.28 కోట్లు.

6. పూజా హెగ్డే

పూజా హెగ్డే ఇండియన్ ఫిల్మ్ ఇండస్ట్రీలో టాప్ హీరోయిన్ గా చలామణి అవుతోంది. సల్మాన్‌ ఖాన్‌తో ఆమె నటించిన ‘కిసికి బాయ్, కిసీకి జాన్’ సినిమా బాక్సాఫీస్ దగ్గర యావరేజ్ గా ఆడింది. తాజా నివేదికల ప్రకారం పూజా హెగ్డే నికర ఆస్తుల విలువ రూ. 50 కోట్లు.