రామ్ గోపాల్ వర్మ. ఆయన ఏం చేసినా సంచలనమే. ఆయన చేసే ట్వీట్లు, తీసే సినిమాలు, మాట్లాడే మాటలు... ప్రతిదీ ఓ సంచలనం. బంధాలు, బంధుత్వాలకు తాను అతీతం అన్నట్టు ఆయన వ్యవహరిస్తూ ఉంటారు. అటువంటి రామ్ గోపాల్ వర్మ మారిపోయారా? ఈరోజు ఆయన చేసిన ట్వీట్ చూస్తే అటువంటి సందేహమే కలుగుతుంది.
"కొన్నిసార్లు, నాకూ ఫీలింగ్స్ ఉంటాయి" అని వర్మ ట్వీట్ చేశారు. అందులో వింత ఏముంది? అనుకుంటున్నారా! ఆ కామెంట్‌తో పాటు ఆయన ఒక ఫొటో కూడా యాడ్ చేశారు. ఆ ఫొటోలో ఓ కుక్కపిల్ల ఉంది. వర్మ ఆ కుక్కపిల్లను హాగ్ చేసుకుని ఉన్నారు.
సినిమా ఇండస్ట్రీలో చాలా మంది సెలబ్రిటీలకు పెంపుడు కుక్కపిల్లలు ఉన్నాయి. శృతి హాసన్ దగ్గర అయితే పిల్లులు కూడా ఉన్నాయి. పెట్స్ అంటే చాలా మంది ప్రాణం ఇస్తారు. ప్రాణానికి ప్రాణంగా చూస్తారు. అటువంటి వాళ్ళ మీద వర్మ సెటైర్స్ వేశారా? లేదంటే నిజంగా ఫొటోలో కుక్కపిల్ల ఆయనకు నచ్చిందా? అంటే... కొన్ని రోజులు ఆగితే తప్ప తెలియదు. ఎందుకు అంటే... ఆ సమయానికి అలా అనిపించింది ట్వీట్ చేశానని, మాట మీద నిలబడనని అనడం వర్మకు అలవాటు. అసలు, ఆర్జీవీ నుంచి 'నాకూ ఫీలింగ్స్ ఉంటాయి' వంటి మాటలు ఎవరైనా ఊహించాలమా? అందుకే, బోలెడు సందేహాలు వస్తున్నాయి.
Also Read: సూర్య ఈటి - ఎవ‌రికీ త‌ల‌వంచ‌డు మూవీ రివ్యూ: తమిళ ప్రేక్షకుల కోసమేనా? తెలుగు గురించి ఆలోచించరా?
Also Read: సమంతను ఆ మధుర జ్ఞాపకం వెంటాడుతోందా? చివరికి అది కూడా చైతూకు తిరిగిచ్చేసిన సామ్!